ჩამოტვირთეთ Firefox — ქართული

თქვენი სისტემა შესაძლოა Firefox-ის მოთხოვნებს არ ექვემდებარებოდეს, მაგრამ შეგიძლიათ ამ ვერსიებიდან ერთ-ერთი ცადოთ:

ჩამოტვირთეთ Firefox — ქართული

თქვენი სისტემა ვერ აკმაყოფილებს Firefox ბრაუზერის მოთხოვნებს.

თქვენი სისტემა ვერ აკმაყოფილებს Firefox ბრაუზერის მოთხოვნებს.

გთხოვთ, Firefox-ის დასაყენებლად მიჰყვეთ ამ მითითებებს.

Firefox პირადულობის განაცხადი

Firefox-ბრაუზერის შედარება Microsoft Edge-თან

Windows 10-თან ერთად, Microsoft-მა გამოუშვა თავისი Edge-ბრაუზერი Firefox და Chrome-თან მეტოქეობისთვის, ნაგულისხმევ ბრაუზერად, რომელიც მოყვებოდა მილიონობით გაყიდულ კომპიუტერს. მიუხედავად ამისა, მომხმარებლები რთულად შეეგუვნენ და Microsoft-მა ბოლოს გამოაცხადა, Edge-ის ხელახლა გამოშვების შესახებ Chromium-ზე დაფუძნებული ბრაუზერის სახით (Chromium თავისმხრივ Google-ის ღია წყაროს ბრაუზერის პროექტია).

აქ შევადარებთ Firefox-ბრაუზერსა და Chromium-ზე დაფუძნებულ Microsoft Edge-ს პირადი მონაცემების დაცვაში, შესაძლებლობებსა და მოქნილობაში, რომ დაგეხმაროთ, უკეთ გაარკვიოთ რომელი ბრაუზერი შეესაბამება მეტად თქვენს საჭიროებებსა და ხასიათს.

უსაფრთხოება და პირადულობა

უსაფრთხოება და პირადულობა Firefox Edge
პირადი თვალიერების რეჟიმი დიახ დიახ
ზღუდავს გარეშე მეთვალყურეების ფუნთუშებს დიახ დიახ
ზღუდავს კრიპტოვალუტის გამომმუშავებლებს დიახ დიახ
ზღუდავს სოც. ქსელების მეთვალყურეებს დიახ დიახ

Edge გაერთიანებულია Windows 10 სისტემასთან და ეშვება იზოლირებულ გარემოში, რაც გულისხმობს, რომ მიჯნავს პროგრამებსა და უზღუდავს მავნე კოდს კომპიუტერის თვალთვალს. გააჩნია ჩაშენებული SmartScreen, რომელიც ამოწმებს მონახულებული საიტების სანდოობას და ზღუდავს საეჭვოებს. პირადულობის გასაუმჯობესებლად, Edge საშუალებას გაძლევთ გამოიყენოთ ბიომეტრიული საშუალებები ან PIN-კოდი Windows Hello-ს დახმარებით, ნაცვლად პაროლებისა, ინტერნეტ-ანგარიშებზე შესვლისთვის.

Firefox-ში, ჩვენი პირადულობის დებულება არის გამჭვირვალე და მარტივი ენით დაწერილი. ჩვენ დიდი ძალისხმევა ჩავდეთ, რომ გაგვეხადა მკაფიო და ადვილად აღქმადი. ჩვენ გვეამაყება, მომხმარებლების უსაფრთხოებისა და პირადი მონაცემების დაცვა. თვალთვალის გაძლიერებული დაცვით, ახლა უკვე 2000+ მეთვალყურე იზღუდება ავტომატურად. მეთვალყურე არის კოდის ის მცირე ნაწილები, რომლებიც ცდილობს შეაგროვოს თითოეულ საიტზე თქვენი მოქმედებების შესახებ ინფორმაცია, თქვენზე სრული სურათის შესაქმნელად და პირადულობის ხელყოფისთვის, მხოლოდ იმიტომ, რომ უკეთ მოგარგონ რეკლამები.

თქვენი პირადულობის დაცვის არე გაჩვენებთ, იმ მეთვალყურეებსა და ფუნთუშებს, რომელთა ჩატვირთვასაც ცდილობს გვერდი და იმას, თუ რამდენი მათგანი შეზღუდა Firefox-მა თქვენთვის.

Firefox-ში, პირადი თვალიერების რეჟიმი თავისთავად შლის ისეთ მონაცემებს, როგორიცაა პაროლები, ფუნთუშები და ისტორია, არ ტოვებს კვალს ფანჯრის დახურვის შემდეგ. Edge მეორე მხრივ, მაინც იწერს ისტორიას თავის პირად რეჟიმში (სახელად „InPrivate“) და ძალიან მარტივი ამოცანაა სრული ისტორიის აღდგენა, მიუხედავად იმისა, გვერდები ჩვეულებრივი რეჟიმითაა მონახულებული თუ InPrivate-რეჟიმით.

ორივე ბრაუზერს, თითქმის თანაბარი შედეგები აქვს მონაცემების დაშიფვრაში. თუმცა, თუ ინტერნეტში პირადი მონაცემების დაცვა და გამჭვირვალობა თქვენთვის მნიშვნელოვანია, მაშინ Firefox ნამდვილად უკეთესი არჩევანი იქნება.

ჩამოტვირთეთ Firefox-ბრაუზერი

გამოსადეგი

სარგებლიანობა Firefox Edge
თვითგაშვების შეზღუდვა დიახ არა
ჩანართებით თვალიერება დიახ დიახ
სანიშნების მმართველი დიახ დიახ
ველების თვითშევსება დიახ დიახ
საძიებო სისტემის პარამეტრები დიახ დიახ
ტექსტის წარმოთქმა დიახ დიახ
კითხვის რეჟიმი დიახ დიახ
მართლწერის შემოწმება დიახ დიახ
გაფართოებები/დამატებები დიახ დიახ
ეკრანის გადაღება ბრაუზერშივე დიახ არა

Firefox არის სწრაფი და ღია წყაროს ბრაუზერი, ეს გულისხმობს რომ მომხმარებლებს შეუძლიათ მოირგონ თავიანთ თავზე ნებისმიერი შესაძლო ხერხით. Firefox ასევე აძლევს რიგით მომხმარებელს საშუალებას, სხვადასხვა გზით მოიგონ იერსახე, თემებისა და ხელსაწყოთა ზოლების გადაწყობით. ვინაიდან, ჩვენი ბრაუზერი ყოველთვის ღია წყაროსი იყო, ბევრი ერთგული შემმუშავებელი შევიძინეთ, რომელთაც შექმნილი აქვთ დიდი ბიბლიოთეკა, დამატებებისა და გაფართოებების, ბრაუზერისთვის.

ვინაიდან, Edge გადავიდა პროცესორის მაღალი მოხმარების Chromium-პლატფორმაზე, მოსალოდნელია ოდნავი შენელება, განსაკუთრებით სხვა პროგრამებთან ერთდროული გამოყენებისას. სამაგიეროდ, Chromium-ს მოყვება დიდი ოდენობის გაფართოებების ბიბლიოთეკა, ისევე როგორც იერსახის გაუმჯობესებული მორგების შესაძლებლობა, რაც არ ჰქონდა Edge-ს Chromium-ზე გადასვლამდე.

Edge-ის იერსახეს აქვს გამორჩეული შესაძლებლობიც, როგორიცაა მაგალითად, ჩანართების შეთვალიერება, რაც აადვილებს საჭირო მათგანის მარტივად მოძიებას. კიდევ ერთი გამოსადეგი ფუნქცია ჩანართებთან დაკავშირებით, არის მათი გვერდზე მიმაგრების საშუალება, როცა არ იყენებთ, თუმცა არც დახურვა გსურთ.

Firefox აღჭურვილია ჩანართების გადაადგილების შესაძლებლობით თარაზულად, რის შედეგადაც ხილული რჩება თითოეული დასახელება, ნაცვლად შემჭიდროებისა და მხოლოდ ხატულის დატოვებისა. ასევე, ახალი ჩანართის გახსნისას, ჩვენი Pocket-ფუნქცია შემოგთავაზებთ თქვენთვის სასურველ სტატიებსა და მასალებს. ამასთან, Pocket-ით, შეგიძლიათ სტატიების, ვიდეოებისა და სხვა მასალების ერთი დაწკაპებით შენახვა, კითხვის მოგვიანებით განსაგრძობად.

Firefox და Edge ორივე სთავაზობს მომხმარებელს კითხვის შესანიშნავ რეჟიმებს. Firefox-ზე უბრალოდ უნდა შეეხოთ პატარა ნიშანს მისამართების ველში და ბრაუზერი მაშინვე მოაცილებს ზედმეტობებს სტატიას. Edge-ზე კი უნდა შეეხოთ წიგნის ნიშანს და ბრაუზერი გამოაჩენს მოწმენდილ იერსახეს, წაკითხვის გასაადვილებლად.

Firefox აგრეთვე შეიცავს უამრავ ჩაშენებულ შესაძლებლობას ნაგულისხმევად, როგორიცაა თვალთვალისგან გაძლიერებული დაცვა, ეკრანის გადასაღები ხელსაწყო, დიდი ფაილების გაგზავნა და ა. შ.

თავისთავად, Firefox-ს მოყვება მეტი შესაძლებლობა, რომელიც მზადაა გამოსაყენებლად ჩამოტვირთვისთანავე. მიუხედავად იმისა, რომ ორივე ბრაუზერს განსაკუთრებულად ბევრი დამატება და გაფართოება აქვს, Edge-ის თავსებადობა Google-ის Chromium-პლატფორმასთან, მაინც აძლევს უპირატესობას ციფრებში.

ჩამოტვირთეთ Firefox-ბრაუზერი

მოქნილი

მოქნილობა Firefox Edge
სისტემებთან თავსებადობა დიახ დიახ
მობილურ სისტემებთან თავსებადობა დიახ დიახ
დასინქრონება მობილურზე დიახ დიახ
პაროლების მართვა დიახ დიახ
მთავარი პაროლი დიახ დიახ

Internet Explorer-ის პლატფორმებთან შეუთავსებლობის შედეგები გაითვალისწინა Microsoft-მა და Edge ხელმისაწვდომი გახადა macOS და Android-ზე. პროგრამა ახლა თავსებადია iOS, Android, Windows და macOS სისტემებთან.

Firefox წლებია ხელმისაწვდომია iOS, Android, Windows, macOS და Linux -სისტემებზე. როგორც შეეფერება თანამედროვე ბრაუზერებს, Firefox-იც საშუალებას იძლევა უფასო ანგარიშით შესვლისა და მონაცემების დასინქრონების, მათ შორის პაროლების, ისტორიის, სანიშნებისა და გახსნილი ჩანართების, კომპიუტერზე, პლანშეტსა და ტელეფონზე. რასაკვირველია, სინქრონიზაცია სხვადასხვა პლატფორმებზეც ხელმისაწვდომია.

Edge ასევე გაძლევთ საშუალებას დაუკავშირდეთ მიბმულ Microsoft-ანგარიშს დასასინქრონებლად რჩეული საიტების, ისტორიის, პაროლებისა და სხვა მონაცემების, კომპიუტერებს შორის ან კომპიუტერსა და iOS ან Android მოწყობილობებს შორის, თუმცაღა, ზოგიერთი Android-პლანშეტი, ჯერ არაა მხარდაჭერილი.

ჩამოტვირთეთ Firefox-ბრაუზერი

საერთო შეფასება

მიუხედავად კომპიუტერის მეტად დატვირთვისა, Edge გაშვებული Chromium-ის ძრავაზე პასუხობს მომხმარებლთა დიდი ნაწილის მოთხოვნებს, გამოყენებისა და შესაძლებლობების კუთხით. თუმცა, ბევრი საკითხი ჯერ კიდევ გასარკვევია, ბრაუზერში პირადი მონაცემების უსაფრთხოების მხრივ. ჩვენი შეფასებით, Firefox მაინც უკეთესი არჩევანია ხალხის უმრავლესობისთვის, ყოველდღიური გამოყენების მიზნით, რადგან მრავალფუნქციურობასთან ერთად, რაც ყველაზე მთავარია, გამჭვირვალეა მონაცემების შეგროვების გზებში და მკაფიოდ განსაზღვრავს, ზუსტად რას აღრიცხავს და როგორ ეპყრობა შემდგომ. ვინაიდან ჩვენი მშობელი კომპანია არის Mozilla, არამომგებიანი დაწესებულება, რომელიც ინტერნეტში პირადულობისა და თავისუფლების დაცვის ერთგულია, ჩვენ სულ სხვა პრიორიტეტებით ვხელმძღვანელობთ, როცა საქმე მომხმარებლის მონაცემებს ეხება.

დასკვნა კი ისაა, რომ ჩვენ მიერ Firefox-ის შემოთავაზების მიუხედავად, საუკეთესო ბრაუზერი თქვენთვის იქნება მხოლოდ ის, რომელიც პასუხობს თქვენს პირად მოთხოვნილებებს გაფართოებების მხარდაჭერის, თვალიერების ხელსაწყოების მორგების, სიჩქარის, პირად ცხოვრებაში ჩაურევლობისა და უსაფრთხოების კუთხით.

აქ მოყვანილი შედარებები გაკეთდა ბრაუზერების შემდეგ გამოშვებებზე:
Firefox (76) | Edge (81)
ეს გვერდი ახლდება სამ თვეში ორჯერ, უახლეს ვერსიების აღწერით და შესაძლოა ყოველთვის ვერ მოიცავდეს, ბოლო განახლებებს.