Mozilla VPN

ვინაიდან ყოველდღიურობის დიდი ნაწილი ინტერნეტში ინაცვლებს, ციფრული პირადულობა და უსაფრთხოება მეტ მნიშვნელობას იძენს. VPN, ანუ წარმოსახვითი კერძო ქსელი ინტერნეტთან დაცული, პირადი კავშირის დამყარების საშუალებას იძლევა. იგი ქმნის ერთგვარ „გვირაბს“ თქვენს მოწყობილობასა და დანარჩენ ინტერნეტს შორის და უზრუნველყოფს უსაფრთხოებას ორი გზით:

1. ფარავს თქვენს ნამდვილ IP-მისამართს. გიცავთ ვინაობისა და მდებარეობის გამჟღავნებისგან.
2. შიფრავს მიმოცვლილ მონაცემებს თქვენსა და VPN-ის მომწოდებელს შორის და ვერავინ ადგილობრივ ქსელში, ვერ შეძლებს მის ამოკითხვას ან ჩანაცვლებას.

გაეცანით ხუთ ცხოვრებისეულ მაგალითს თუ რისთვისაა გამოსადეგი VPN თქვენს მოწყობილობაზე.

ჩვენ მკაცრად მივყვებით Mozilla-ს მონაცემების პირადულობის დებულებებს და ვაგროვებთ მხოლოდ იმ ინფორმაციას, რომელიც აუცილებელია VPN-ის გამართულად მუშაობისთვის და დროდადრო გასაუმჯობესებლად. ჩვენ, აგრეთვე თვალს ვადევნებთ სარეკლამო კამპანიას და მასთან დაკავშირებულ მონაცემებს, მობილური აპლიკაციით, რომ Mozilla-მ შეძლოს გაწეული სამუშაოების სარგებლიანობის განსაზღვრა. ვრცლად იხილეთ პირადულობის ჩვენი განაცხადი.

WireGuard® ოქმი შიფრავს თქვენს ქსელში მიმოცვლილ მონაცემებს და სრულად იცავს თქვენს პირად ინფორმაციას. სხვა არსებული VPN-ოქმებისგან განსხვავებით, WireGuard მსუბუქი კოდითაა და აადვილებს უსაფრთხოების გამოკვლევასა და გადამოწმებას — რაც მეტად დაცულს ხდის დანარჩენებთან შედარებით. ამასთანავე, თქვენი მოქმედებები ინტერნეტში რჩება გაუმჟღავნებელი, ვინაიდან ჩვენ არ აღვრიცხავთ, არ ვადევნებთ თვალს და არ ვაზიარებთ თქვენს მონაცემებს.

მართალია უფასო VPN-ები მიმზიდველად გამოიყურება, თუმცა პირადულობაზე ისე არავინ იღებს პასუხისგებლობას, როგორც Mozilla VPN. ამასთანავე, სხვა VPN-ებს არ გააჩნია Mozilla-ს მსგავსი 20-წლიანი წარსული მიღწევები, პირადი მონაცემების დაცვის საქმეში.

Mozilla VPN თავსებადია მობილურთან, პლანშეტსა თუ კომპიუტერთან, სისტემებზე:

• Windows 10/11 (64-ბიტზე მხოლოდ)
• macOS (10.14 და ზემოთ)
• Android (ვერსია 8 და ზემოთ)
• iOS (13.0 და ზემოთ)
• Linux (Ubuntu 18.04 და ზემოთ)

Mozilla VPN მომსახურების პირველად შეძენისას Mozilla-ს საიტიდან, თუ 30 დღეში გააუქმებთ, საშუალება გექნებათ, მოითხოვოთ თანხის ანაზღაურება და Mozilla უკან დაგიბრუნებთ პირველი ხელშეკრულების საფასურს.

თუ ხელშეკრულებისთვის აპლიკაციის შიდა შენაძენით ისარგებლებთ, Apple App Store ან Google Play მაღაზიაში, ანგარიშსწორება მოხდება იმ პირობებით, რომელთაც App Store აწესებს. თანხის ასანაზღაურებლად ნებისმიერი სახის მოთხოვნით, შესაბამისად უნდა მიმართოთ პირდაპირ Apple-ს ან Google-ს.

თუ უკვე გამოწერილი გაქვთ Mozilla VPN, გეგმის შეცვლა ან გამოწერის მართვა ნებისმიერ დროს შეგიძლიათ.

ეწვიეთ ჩამოტვირთვის გვერდს, რომ დააყენოთ Mozilla VPN თქვენს მოწყობილობაზე, შემდეგ კი შედით თქვენი Firefox-ანგარიშით.