ჩამოტვირთეთ Firefox — ქართული

თქვენი სისტემა შესაძლოა Firefox-ის მოთხოვნებს არ ექვემდებარებოდეს, მაგრამ შეგიძლიათ ამ ვერსიებიდან ერთ-ერთი ცადოთ:

ჩამოტვირთეთ Firefox — ქართული

თქვენი სისტემა ვერ აკმაყოფილებს Firefox ბრაუზერის მოთხოვნებს.

თქვენი სისტემა ვერ აკმაყოფილებს Firefox ბრაუზერის მოთხოვნებს.

გთხოვთ, Firefox-ის დასაყენებლად მიჰყვეთ ამ მითითებებს.

Firefox პირადულობის განაცხადი

Firefox-ბრაუზერის შედარება Safari-სთან

თუ გაქვთ Mac ან iPhone, დიდი ალბათობით უნდა იცნობდეთ Safari-ბრაუზერს. ვინაიდან, იგი მოყვება ნაგულისხმევ ბრაუზერად Apple-ის პროდუქტებს მომხმარებელთათვის, ამით მას თავისთავად დიდი უპირატესობა ეძლევა, თუმცა Firefox-ს სანაცვლოდ აქვს თავისი სასარგებლო შესაძლებლობების ნაკრები, მომხმარებლის დასაინტერესებლად. აქ, ჩვენ გამოვიკვლევთ ძირითად განსხვავებებს ჩვენს ბრაუზერსა და Safari-ს შორის პირადულობაში, სარგებლიანობასა და მოქნილობაში.

უსაფრთხოება და პირადულობა

უსაფრთხოება და პირადულობა Firefox Safari
პირადი თვალიერების რეჟიმი დიახ დიახ
ზღუდავს გარეშე მეთვალყურეების ფუნთუშებს დიახ დიახ
ზღუდავს კრიპტოვალუტის გამომმუშავებლებს დიახ არა
ზღუდავს სოც. ქსელების მეთვალყურეებს დიახ დიახ

პირადულობა მთავარ სალაპარაკო თემად იქცა ტექკომპანიებისთვის, მას შემდეგ რაც გააცნობიერეს, რომ მეტი და მეტი ადამიანი გრძნობდა თავს დაუცველად მონაცემების მიტაცებისგან, სარეკლამო მეთვალყურეებისა და ჰაკერებისგან. მაგრამ როცა საქმე მიდგა საჭირო საშუალებების შექმნაზე ხალხისთვის, ინტერნეტში უსაფრთხოდ გადაადგილებისთვის, საინტერესოა, ეს ყველაფერი ცარიელ სიტყვებად დარჩა თუ მართლა მიიღეს ზომები თქვენი მონაცემების დასაცავად?

როგორც ზემოთ აღვნიშნეთ, Apple ერთ-ერთი იმათგანი იყო, რომლებმაც გადაწყვიტეს მეტი ყურადღება მიექციათ პირადულობისთვის. ცოტა ხნის წინ, Apple-მა დანერგა საიტთაშორისი თვალყურის შეზღუდვა Safari-ში, რომელიც არ აძლევდა რეკლამებს, ინტერნეტში თქვენზე თვალის დევნის საშუალებას. Safari-ს ასევე შეუძლია მძლავრი პაროლის შემოთავაზება, როცა ახალ ანგარიშს ქმნით ნებისმიერ საიტზე. ამასთან, თუ ჩაერთვებით iCloud-ის ეკოსისტემაში, იგი ამ პაროლს დაასინქრონებს უსაფრთხოდ სხვა მოწყობილობებზეც, ასე რომ, არ მოგიწევთ მისი დამახსოვრება.

Safari-ს მსგავსად, Firefox-მაც მეტი ყურადღება მიაპყრო პირადულობისა და უსაფრთხოების დაცვას. თუმცა Safari-სგან განსხვავებით, ჩვენ დიდი ხანია ვდგავართ პირადულობის სადარაჯოზე. ცნობილია, რომ Mozilla (ჩვენი მშობელი კომპანია) იყო ერთ-ერთი პირველი, ტექსამყაროში, რომელმაც განგაშის ზარები შემოკრა, ინტერნეტში პირადი მონაცემების დაცვასთან დაკავშირებით.

პირადი თვალიერების ჩვენი რეჟიმი ზღუდავს მეთვალყურეებს და შლის თქვენს პაროლებს, ფუნთუშებსა და ისტორიას ყოველი დახურვის შემდეგ. თუმცა, თქვენ ასევე შეგიძლიათ ისარგებლოთ პირადულობის ჩვენი მძლავრი საშუალებებით, ჩვეულებრივი თვალიერების რეჟიმშიც კი. უახლესი გამოშვების Firefox, აღჭურვილია თვალთვალისგან გაძლიერებული დაცვით, რომელიც ნაგულისხმევადაა ჩართული. ეს არ აძლევს საშუალებას სატითაშორის და მსგავს მეთვალყურეებს თვალი გადევნონ ინტერნეტში. ამასთან, Facebook შემჩნეულია თითქმის ყოველდღიურად, პირადულობის დარღვევაში, ჩვენი Facebook Container გაფართოება კი მარტივად აგვარებს ამ საკითხს. იგი ურთულებს Facebook-ს თქვენზე თვალის დევნების საშუალებას ვებსივრცეში — მსგავსად, რასაც Safari აკეთებს საიტთაშორისი მეთვალყურეების აკრძალვით — ოღონდ Firefox სრულად მიჯნავს თქვენს Facebook-სეანსს ცალკე სათავსით და უზღუდავს Facebook-ს თვალი ადევნოს, თქვენს საქმიანობას სხვა საიტებზე. რატომ უნდა იცოდნენ, რას ათვალიერებთ თუნდაც WebMD-ზე?

როცა საქმე უსაფრთხოებაზე მიდგება, Firefox აქაც მეტად ყურადღებით უდგება საკითხს. ნებისმიერ დროს Firefox-ით სარგებლობისას, შეგიძლიათ მარჯვენა წკაპით პაროლის ველზე, უსაფრთხოდ შეადგინოთ მძლავრი პაროლი, ავტომატურად შევსების მეშვეობით. თქვენი ახალი პაროლის შენახვისას კი ამოგიგდებთ შესაძლებლობას, პაროლების ჩაშენებული მმართველით შენახვის, სახელწოდებით Lockwise. ჩვენ ასევე ვთავაზობთ მომხმარებლებსა და ანგარიშის მფლობელებს კიდევ ერთ უფასო და გამოსადეგ მომსახურებას, დასახელებით Monitor და იგი ავტომატურად გაცნობებთ, თუ თქვენი ინფორმაცია გამჟღავნდება, მონაცემების მიტაცების ცნობილი შემთხვევებისას.

თუ თქვენ ირჩევთ Safari-ს, შეგიძლიათ მშვიდად იყოთ, სანამ Apple-ის მოწყობილობაზე ხართ. მაგრამ Safari მუშაობს მხოლოდ Apple-ის პროდუქტებზე, მაშინ როცა Firefox მუშაობს ნებისმიერ სისტემაზე, მათ შორისაა Windows, macOS, iOS, Android და Linux. ასე რომ, არ აქვს მნიშვნელობა რომელ საოპერაციო სისტემას აირჩევთ, Firefox თითოეულ შემთხვევაში დაგიფარავთ თავისი უსაფრთხოებისა და პირადულობის დაცვის საშუალებებით.

ჩამოტვირთეთ Firefox-ბრაუზერი

გამოსადეგი

სარგებლიანობა Firefox Safari
თვითგაშვების შეზღუდვა დიახ დიახ
ჩანართებით თვალიერება დიახ დიახ
სანიშნების მმართველი დიახ დიახ
ველების თვითშევსება დიახ დიახ
საძიებო სისტემის პარამეტრები დიახ დიახ
ტექსტის წარმოთქმა დიახ დიახ
კითხვის რეჟიმი დიახ დიახ
მართლწერის შემოწმება დიახ დიახ
გაფართოებები/დამატებები დიახ დიახ
ეკრანის გადაღება ბრაუზერშივე დიახ არა

Apple ფართოდაა ცნობილი თავისი დახურული ეკოსისტემით, რაც ნიშნავს რომ თავადვე ქმნის პროგრამებს, თავისი პროდუქციისთვის. თუმცა, App Store-ში, აგრეთვე სთავაზობს შემმუშავებლებს განყოფილებას, მოდულებისა და დამატებების შექმნისთვის, ბრაუზერის გასაუმჯობესებლად. ეს გაფართოებები იძებნება პირდაპირ App Store-ში და მარტივად ემატება Safari-ს.

გარდა ჩვეულებრივი შესაძლებლობებისა, რაც ისედაც მოსალოდნელია ბრაუზერისგან, თუნდაც ჩანართებით სარგებლობა ან პირადი თვალიერება, Safari-ს ასევე გააჩნია სასიამოვნოდ გასაკვირი შესაძლებლობებიც. მაგალითად, თუ მომხმარებელი მარჯვენა წკაპს გამოიყენებს Safari-ში გახსნილი გვერდის რომელიმე სიტყვაზე, შემდეგ კი აირჩევს მოძიებას, მიიღებს განმარტებას ლექსიკონიდან, ასევე ჩანაწერებს ენციკლოპედიიდან, App Store-იდან, ფილმებს და ა. შ. Safari-ში მშობლის ზედამხედველობის ფუნქციაც მეტად მარტივი მოსარგებია და უფროსებს აძლევს საშუალებას მშვიდად იყვნენ, მას შემდეგ რაც მათი პატარები ინტერნეტით დაინტერესდებიან.

მსგავსად Safari-სა, Firefox-საც გვერდში უდგას მისი მოხალისე შემმუშავებელთა ერთობა დამატებებისა და გაფართოებების შექმნაში ბრაუზერისთვის. ამასთან, ვინაიდან ჩვენი პლატფორმა ღია წყაროსია, არჩევანიც უფრო ფართოა, მდიდარი შესაძლებლობების დასამატებლად.

ასევე, როცა ქმნით Firefox-ანგარიშს, იღებთ წვდომას ისეთ გამორჩეულ მომსახურებებზე, როგორებიცაა Screenshots, Pocket და Send, პირდაპირ ბრაუზერშივე. Screenshots ჩაშენებულია Firefox-ბრაუზერში და მისით შეგიძლიათ გადაუღოთ ასლი და სურათი ვებგვერდებს სრულად ან ნაწილობრივ. შენახვის შემთხვევაში, გაქვთ შესაძლებლობა აირჩიოთ საქაღალდე, სამუშაო ეკრანზე არეულობის შექმნის ასარიდებლად. Pocket-ღილაკი Firefox-ში კი საშუალებას გაძლევთ გადაინახოთ ვებგვერდები და ვიდეოები Pocket-ში ერთი დაწკაპებით, შედეგად შეგეძლებათ წაიკითხოთ სუფთად, ყურადღების გასაფანტი მასალისგან თავისუფალი ვერსიები როცა მოგესურვებათ — კავშირგარეშედაც კი. Send-ით, შეგიძლიათ გააზიაროთ დიდი ფაილები გამჭოლი დაშიფვრითა და უსაფრთხოების სხვადასხვაგვარი მართვის შესაძლებლობით, როგორიცაა ბმულისთვის ვადის გასვლის დროის, ან ჩამოტვირთვების დასაშვები რაოდენობის არჩევა, ამასთან პაროლის მითითებაც, უსაფრთხოების დამატებითი შრის სახით.

ორივე ბრაუზერს აქვს როგორც უამრავი მსგავსი შესაძლებლობა, ასევე არაერთი გამორჩეულიც. აღსანიშნავია, რომ თუ ხშირად გჭირდებათ საიტისთვის სურათის გადაღება, წარმოუდგენელი იქნება უარის თქმა ისეთ მოსახერხებელ ფუნქციაზე, როგორიც მოყვება Firefox-ს. მაგრამ ისედაც, თუ უბრალოდ ეძებთ სწრაფ, პირადულ ბრაუზერს ვებსივრცეში მოგზაურობისა და საყიდლებისთვის, შეგიძლიათ გამოსცადოთ Firefox — განსაკუთრებით იმ შემთხვევაში, თუ მხოლოდ იმიტომ იყენებდით Safari-ს, რომ ნაგულისხმევ ბრაუზერად მოყვებოდა კომპიუტერს. საბოლოოდ კი შეძლებთ გაარკვიოთ, რომელი უფრო მეტად ერგება თქვენს საჭიროებებს.

ჩამოტვირთეთ Firefox-ბრაუზერი

მოქნილი

მოქნილობა Firefox Safari
სისტემებთან თავსებადობა დიახ არა
მობილურ სისტემებთან თავსებადობა დიახ არა
დასინქრონება მობილურზე დიახ დიახ
პაროლების მართვა დიახ დიახ
მთავარი პაროლი დიახ არა

Firefox და Safari, ორივე გთავაზობთ შეუფერხებლად სარგებლობის საშუალებას სამაგიდო მოწყობილობიდან მობილურზე გადასვლისას ან პირიქით. Safari-ის შემთხვევაში, მისი ერთ-ერთი მთავარი უპირატესობა, უწყვეტობის შესაძლებლობებია. იგი ასინქრონებს სანიშნებს, ჩანართებს, ისტორიასა და ა. შ. iCloud-ზე ისე, რომ თითოეული ხელმისაწვდომი ხდება ყველა თქვენს მოწყობილობაზე. ეს ნიშნავს, რომ შეგიძლიათ გახსნათ ჩანართი iPhone-ზე და იგი აგრეთვე გამოჩნდება თქვენს Mac-ლეპტოპზეც, უბრალო დაწკაპებით.

Firefox ასევე გთავაზობთ მსგავს შესაძლებლობას, როცა შექმნილი გაქვთ Firefox-ანგარიში, რომელიც მომხმარებლებს საშუალებას აძლევს მარტივად დაასინქრონონ სანიშნები, ისტორია, პარამეტრები, პაროლები, შევსებული ველები, დამატებები და ბოლო 25 გახსნილი ჩანართი, მრავალ კომპიუტერზე. Firefox-ს რაც განასხვავებს Safari-ისგან ისაა, რომ იგი ხელმისაწვდომია ნებისმიერ სამაგიდო და მობილურ სისტემაზე, როგორიცაა iOS, Android, Windows ან {-brand-name-macos}, ეს კი ზრდის მის მოქნილობას, ნებისმიერ მოწყობილობაზე, რომლითაც სარგებლობთ.

Firefox-ის აპლიკაცია iOS-სა და Android-ზე ერთ-ერთი უსწრაფესი ბრაუზერია, მძლავრი დაცვითა და თვალთვალის არიდების შესაძლებლობებით — ეს დიდი უპირატესობაა, თუ მუდმივად გიწევთ ლეპტოპისა და მობილური მოწყობილობების მონაცვლეობით გამოყენება.

ვინაიდან Safari არის Apple-ის კუთვნილი ბრაუზერი, მისი iCloud-სინქრონიზაცია მუშაობს მხოლოდ Apple-ის პროდუქტებზე. ეს შეიძლება მივიჩნიოთ ერთგვარ შეზღუდვად, როცა მაგალითად იყენებთ Android-ს და iPhone-ს ერთდროულად, ან მუშაობთ Windows-იან კომპიუტერზე, მაგრამ iPhone გაქვთ პირადი მოხმარებისთვის.

ჩამოტვირთეთ Firefox-ბრაუზერი

საერთო შეფასება

Safari მშვენივრად ასრულებს თავის მოვალეობას და გვერდების მონახულებას ხდის მარტივს, სწრაფსა და შეუფერხებელს, თუ ხართ Apple-ის მომხმარებელი და იყენებთ არაერთ Apple-პროდუქტს. მსგავსად Safari-სა, Firefox-იც არის სწრაფი და ფუნქციონალური ბრაუზერი, თუმცა პირადულობის დაცვა და მრავალპლატფორმულობა, ჩვენი განმსაზღვრელი შესაძლებლობებია. Firefox ახლდება ყოველთვიურად ახალი ხელსაწყოებითა და საშუალებებით. მაგალითად, ერთ-ერთი ჩვენი უახლესი განახლება გულისხმობს გადასვლას თვალთვალისგან გაძლიერებულ დაცვაზე (ETP) ნაგულისხმევად, ახალი მომხმარებლებისთვის, რომელიც მეტად შედეგიანად ზღუდავს ფუნთუშებსა და საიტთაშორის მეთვალყურეებს.

დასასრულს, ყველაფერი დამოკიდებულია იმაზე, თავად რას აფასებთ ბრაუზერში. თუ სრულად ჩაბმული ხართ Apple-ის ეკოსისტემაში, Safari მშვენიერი ვარიანტია. მაგრამ, თუ თქვენთვის ღირებულია პირადი მონაცემების დაცვა უახლესი და მძლავრი საშუალებებით, ამასთან მრავალ განსხვავებულ სისტემაზე გიწევთ მუშაობა, ვფიქრობთ Firefox საუკეთესო არჩევანი იქნება. Firefox აგრეთვე მეტად გამოსადეგია დამატებით ბრაუზერად მხოლოდ Apple-ის პროდუქტების მომხმარებლებისთვისაც, თუ მათ სურთ დროდადრო სხვა ბრაუზერის გამოყენება იმ შემთხვევებისთვის, როცა დგება ინტერნეტში პირადულობის დაცვის დამატებითი შრის საჭიროება.

აქ მოყვანილი შედარებები გაკეთდა ბრაუზერების შემდეგ გამოშვებებზე:
Firefox (76) | Safari (13)
ეს გვერდი ახლდება სამ თვეში ორჯერ, უახლეს ვერსიების აღწერით და შესაძლოა ყოველთვის ვერ მოიცავდეს, ბოლო განახლებებს.