ჩაასწორეთ PDF ფაილები Firefox-ის PDF რედაქტორით უფასოდ

თუ PDF-დოკუმენტში მასალის დამატება გესაჭიროებათ, ახლა უკვე შეგიძლიათ ამის გაკეთება ვებგვერდზევე Firefox-ით. PDF გახსენით Firefox-ში და ზედა მარჯვენა კუთხეში დაწკაპეთ წარწერის ან ხაზვის ღილაკებს დოკუმენტის ჩასასწორებლად. ჩამოტვირთეთ ფაილი ცვლილებების შესანახად.

შეავსეთ ველები ინტერნეტით, ამობეჭდვისა და სკანირების გარეშე

ყველანი ვაწყდებით ხოლმე ამ დაბრკოლებას: საჭიროა, შევავსოთ ველები PDF-ში, რომელიც არ ექვემდებარება ჩასწორებას. აქამდე ერთადერთი გზა იყო ქაღალდზე ამობეჭდვა, მელნით წარწერების დატანა და შემდეგ ისევ კომპიუტერში შეტანა სკანერით.

ახლა უკვე აღარ! მხოლოდ ვებგვერდზე გახსნილი PDF-ის ჩასწორება მოგიწევთ Firefox-ით, შემდეგ კი შეინახავთ კომპიუტერში და გაგზავნით ელფოსტით.

ტექსტის დამატება

გახსენით PDF Firefox-ში. დააჭირეთ ტექსტის ღილაკს, ტექსტის ფერისა და ზომის შესარჩევად, სანამ მიუთითებთ, თუ სად გსურთ ტექსტის დამატება. ძალიან მარტივია!

დაამატეთ ნახატები (ან თქვენი ხელმოწერა)

გახსენით PDF თქვენს Firefox-ში. დააწკაპეთ ხაზვის ხატულას ფერის, სისქისა თუ გაუმჭვირვალობის შესარჩევად და შემდეგ შეგეძლებათ დოკუმენტზე დახაზვა. წესით არ უნდა გამოგივიდეთ ჩვეულ ხელმოწერაზე მეტად გაურკვეველი!

დაამატეთ სურათი alt ტექსტით

გახსენით PDF Firefox-ში. დაწკაპეთ სურათის ხატულაზე, რომელიც შემდეგ მოგთხოვთ ატვირთოთ სურათი. საჭიროებისამებრ მოარგეთ სურათის ზომა და მდებარეობა. დაწკაპეთ ღილაკზე „+Alt ტექსტი“ სურათზე, სურათის აღწერის დასამატებლად, PDF-ის ხელმისაწვდომობის გასაუმჯობესებლად.

გამორჩეულის შექმნა

გახსენით PDF Firefox-ში. აირჩიეთ ტექსტი, რომლის მონიშვნაც გსურთ, შემდეგ დაწკაპეთ მონიშვნის ხატულაზე, რომელიც გამოჩნდება თქვენი მონიშნულის ქვემოთ, ან მარჯვენა დაწკაპებით, კონტექსტურ მენიუში გამოსარჩევად. დაწკაპეთ ზედა მარჯვენა კუთხეში არსებულ ხატულაზე, PDF-ფაილის ნაწილების თავისუფლად გამოსაყოფად.