Firefox ხ.დ.კ.

თუ ეძებთ სწრაფ ბრაუზერს ან დამოუკიდებელ საშუალებას, თქვენი პირადულობის დასაცავად, ეს ხ.დ.კ. გაგცემთ პასუხს Firefox-თან დაკავშირებულ ყველა მწვავე კითხვაზე.

  • რა არის Firefox?

    Firefox-ბრაუზერი ერთადერთი მოწინავე არამომგებიანი ბრაუზერია, რომელიც არ ყიდის თქვენს პირად მონაცემებს სარეკლამო კომპანიებზე და გეხმარებათ უსაფრთხოების დაცვაში. გაიცანით უკეთ Firefox-ბრაუზერები და სხვა პროდუქტები.

  • როგორ გადმოვწერო Firefox-ბრაუზერი?

    მარტივად შეგიძლიათ ჩამოტვირთოთ Firefox კომპიუტერისთვის აქედან. Firefox მუშაობს Windows, Mac და Linux-მოწყობილობებზე, აგრეთვე ხელმისაწვდომია Android და iOS-ზე. გადაამოწმეთ, რომ ბრაუზერს ნამდვილად ჩვენი სანდო და უსაფრთხო Mozilla/Firefox-გვერდებიდან იწერთ.

  • Firefox უფასოა?

    დიახ! Firefox-ბრაუზერი უფასოა. უუფასოესი. ფარული გადასახადების გარეშე. სარგებლობთ ყოველგვარი ხარჯების გარეშე და არც თქვენს პირად მონაცემებს არ ვყიდით.

    მსგავსი კითხვები: არის Firefox-ბრაუზერი უფასო, რა ღირს Firefox
  • Chrome უკეთესია ვიდრე Firefox?

    არა, ჩვენ არ მიგვაჩნია რომ Chrome უკეთესია, ვიდრე Firefox, ვინაიდან: როცა ხალხი კითხულობს რომელია უკეთესი, გულისხმობენ თუ რომელია სწრაფი და უსაფრთხო. Firefox ახლდება ყოველთვიურად, სისწრაფისა და თქვენი პირადულობის თავისთავად უზრუნველყოფისთვის.

    იხილეთ, Firefox რითი სჯობს Chrome-ს.

    მსგავსი კითხვები: არის Firefox უკეთესი ვიდრე Chrome, Firefox ჯობია Google-ს, Firefox უფრო უსაფრთხოა ვიდრე Chrome, Firefox უფრო დაცულია ვიდრე Chrome
  • Firefox უსაფრთხოა ჩამოსატვირთად?

    თქვენი პირადულობის დაცვა, ჩვენთვის უმთავრესია და გარწმუნებთ, რომ Firefox თქვენს მოწყობილობაზე უსაფრთხოდ დაყენდება — მაგრამ ყოველთვის გადაამოწმეთ, რომ იწერთ სანდო Mozilla/Firefox საიტიდან, როგორიცაა ჩვენი ჩამოტვირთვების გვერდი.

  • Firefox უსაფრთხოა?

    Firefox არათუ უსაფრთხოა გამოსაყენებლად, იგი ასევე იცავს თქვენს პირად მონაცემებს. Firefox-ბრაუზერი თავადვე უზღუდავს ცნობილ მეთვალყურეებს, სოციალური ქსელების აღმრიცხავ, კრიპტოგამომმუშავებელ და მომხმარებლის ამომცნობ საშუალებებს, თქვენზე ინფორმაციის შეგროვების შესაძლებლობას. გაეცანით ვრცლად, პირადულობის დაცვას ჩვენს პროდუქტებში.

    მსგავსი კითხვები: კარგად იცავს Firefox პირადულობას, არის Firefox დაცული, უმჯობესია Firefox პირადულობაში
  • ყიდის Firefox თქვენს პირად მონაცემებს?

    არა, არც აქამდე, არც მომავალში. პირიქით, ჩვენ გიცავთ სარეკლამოებისგან. Firefox პროდუქტები შექმნილია პირადულობის უზრუნველსაყოფად. იხილეთ ჩვენი პირობა.

  • რატომაა Firefox ნელი?

    Firefox აღარაა ნელი… ახლა. 2017 წელს, ჩვენ ხელახლა შევქმენით ბრაუზერის ძრავა (სახელწოდებით Quantum), რომ Firefox არ ჩამორჩენოდა სხვა ძირითად ბრაუზერებს. ამასთან, მეთვალყურეების შეზღუდვით, გვერდები კიდევ უფრო სწრაფად იტვირთება. ასე რომ, Firefox მსუბუქი და სწრაფია, პირადი მონაცემების შეწირვის გარეშე.

  • Firefox დაფუძნებულია Chromium-ზე?

    Firefox არ ეფუძნება Chromium-ს (ღია წყაროს ბრაუზერის კოდს, რომელიც ბირთვია Google Chrome-ის). აღსანიშნავია, რომ ჩვენი ბრაუზერი, მოწინავეთგან ერთ-ერთი ბოლო დარჩა ასეთი. Firefox იყენებს საკუთარ Quantum-ბრაუზერის ძრავას, შექმნილს საგანგებოდ Firefox-ისთვის, ასე რომ თქვენი მონაცემები სანდო ხელშია და დარჩება პირადი.

  • Firefox იყენებს Google-ს?

    Google ნაგულისხმევი საძიებო სისტემაა Firefox-ში, რაც ნიშნავს, რომ მისით გვერდების მოძიება, პირდაპირ მისამართების ველიდან შეიძლება. იხილეთ ვრცლად, საძიებოს სისტემის პარამეტრებისა და მისი ჩანაცვლების შესახებ.

  • Firefox-ს მოყვება VPN?

    Firefox-ს არ მოყვება VPN (ვირტუალური კერძო ქსელი), თუმცა არის ორი პროდუქტი, რომელსაც ქმნის Mozilla/Firefox და შეგიძლიათ დამატებით გამოიყენოთ პირად Firefox-ბრაუზერთან ერთად, რომ დაიცვათ ან თქვენი ბრაუზერის (Firefox Private Network) ან მოწყობილობის (Mozilla VPN) WiFi-კავშირი, ისევე როგორც თქვენი IP-მისამართი.

    მსგავსი კითხვები: ფარავს Firefox თქვენს IP-მისამართს
  • ვის ეკუთვნის Firefox?

    Firefox შექმნილია Mozilla Corporation-ის მიერ, რომელიც სრულად ექვემდებარება არამომგებიან Mozilla Foundation-ს, და ხელმძღვანელობს Mozilla-ს დებულებებით. ვრცლად, გაეცანით Firefox-ის შემქმნელს აქედან.

    მსგავსი კითხვები: Firefox ვის მფლობელობაშია, ვინ ფლობს Firefox-ბრაუზერს, Firefox არის Google-ის საკუთრება, Mozilla Firefox ეკუთვნის Google-ს