Firefox Browser fergelykje mei Opera

De Firefox Browser Browser en Opera binne twa fan de earste browsers yn de wrâld dy't noch hieltyd geregeld fernijingen útbringe. Hoewol Opera net itselde oantal brûkers hat as Firefox of Google Chrome, hat it ûnder in langere perioade in relatyf stabile en loyale basis behâlden. Yn dizze beoardieling fergelykje wy de Opera-browser mei ús Firefox-browser op it mêd fan befeiliging en privacy, brûkberheid en portabiliteit, om jo te helpen kiezen hokker browser it beste by jo past.

Befeiliging en privacy

Befeiliging en privacy Firefox Opera
Priveenavigaasjemodus Ja Ja
Blokkearret standert tracking-cookies fan tredden Ja Ja
Blokkearret cryptomining-scripts Ja Ja
Blokkearret sosjale trackers Ja Nee

It privacybelied fan Opera mist wat details yn de útlis fan hokker soarten gegevens it sammelet en hoe. Yn bepaalde ûnderdielen stiet dat se nammen fan accounteigeners, IP-adressen en syktermen sammelje. Wat ferwarrend en ûntrêstigjend liket, is it part oer ynternasjonale gegevensoerdracht; wannear, hoe faak en wêrom se jo gegevens ynternasjonaal oerdrage moatte, wurdt net útlein.

It privacybelied fan Firefox is hiel transparant oer hokker persoanlike gegevens wy sammelje, wêrby it iennige eindoel is jo mear kontrôle te jaan oer de gegevens dy't jo online diele.

Wat de werklike privacybeskerming yn de Opera-browser oanbelanget, biedt dizze in robúste priveemodus wêrmei jo op ynternet navigearje kinne sûnder dat de browser jo aktiviteit folget. Ek yn de normale navigaasjemodus kinne jo guon funksjes foar gegevenssamling útskeakelje troch yn de ynstellingen de adblocker yn te skeakeljen en oare befeiligingsfunksjes oan te passen.

Yn de nijste ferzje fan Firefox is Ferbettere beskerming tsjin folgjen standert ynskeakele yn de normale navigaasjemodus, sadat jo net hoege te rommeljen mei de ynstellingen om josels te beskermjen tsjin trackers. Mei Ferbettere beskerming tsjin folgjen blokkearret Firefox aktyf tûzenen trackers fan tredden dy't probearje jo op ynternet te folgjen. Jo krije in personalisearre beskermingsrapport, dat sjen lit hoe faak Firefox cookies fan tredden, sosjale-mediatrackers, fingerprinters en cryptominers blokkearre hat.

Wy meitsje Firefox foar minsken lykas jo, dy't in protte wearde hechte oan persoanlike privacy en befeiliging. Dêrom sammelje wy sa lyts bytsje gegevens oer brûkers en binne wy transparant oer hoe't wy dy gegevens brûke. It is swier te bepalen hoe't Opera wurket fan in privacyperspektyf út. Hoewol der robúste privacyfunksjes binne, is it net dúdlik hoe't sy sels jo gegevens sammelje en diele. Firefox bliuwt konsistint yn wat wy sizze en wat wy dogge om jo privacy te beskermjen.

Firefox Browser downloade

Brûkberheid

Brûkberheid Firefox Opera
Automatysk ôfspyljen blokkearje Ja Nee
Navigearje mei ljepblêden Ja Ja
Blêdwizerbehearder Ja Ja
Automatysk ynfoljen fan formulieren Ja Ja
Sykmasine-opsjes Ja Ja
Tekst nei spraak Ja Nee
Lêzermodus Ja Ja
Staveringshifker Ja Ja
Webútwreidingen/add-ons Ja Ja
Helpmiddel foar skermôfdrukken yn de browser Ja Ja

Der is gjin diskusje oer dat Opera in browser fol funksjes is mei in kreaze brûkersynterface en sterke oanpasberheidsopsjes. Omdat Opera op Chromium boud is, kin it profitearje fan de measte útwreidingen fan Google Chrome. Firefox biedt ek in grutte hoemannichte útwreidingen, mar net sa folle as Chrome.

Krekt as Firefox biedt Opera scrolle troch ljepblêden, wat betsjut dat wannear't jo mear ljepblêden iepenje dan op het skerm passe, dizze fan it skerm skowe yn stee fan se hieltyd fierder te ferlytsjen. Sawol Firefox as Opera hawwe ek in helpmiddel foar skermôfdrukken wêrmei't jo in ôfdruk fan jo skerm of in part fan de side meitsje kinne. It helpmiddel yn Opera jout jo echter net de mooglikheid om ien grutte opname fan de hiele webside te meitsjen, allinnich fan it sichtbere diel.

Opera biedt in protte ferburgen funksjonaliteit yn de ienfâldige en behearsbere ynterface. Der is bygelyks ynboude stipe foar berjochten-apps, lykas Facebook Messenger. Der is ek in nijslêzer dy't artikelen fan jo kar sammelet fan websites en nijsboarnen. In fergelykbere funksje hjirfoar yn Firefox is Pocket. Pocket is in fergeze tsjinst foar brûkers mei in Firefox-account, wêrmei't jo maklik ynteressante artikelen en fideo’s op ynternet fine en bewarje kinne. Dêrneist rekommandearret it in protte oan artikelen oan dy't jo kennis útwreidzje, gearstald troch echte, betochtsume persoanen.

Op it mêd fan brûkberheid binne Opera en Firefox nauwe konkurrinten. Opera kin yn ien opsicht in foardiel hawwe fanwegen de kompatibiliteit mei en tagong ta de enoarme útwreidingsbiblioteek fan Chrome. Mar in wichtige faktor om te betinken is it feit dat Opera, omdat it boud is op Chromium, in protte fan jo prosessor freget, mei in ûnthâldgebrûk fergelykber mei Chrome, dat bekend stiet om syn hege prosessorgebrûk.

Firefox Browser downloade

Portabiliteit

Portabiliteit Firefox Opera
Beskikberheid op bestjoeringssystemen Ja Ja
Beskikberheid op mobile bestjoeringssystemen Ja Ja
Syngronisearret mei mobyl Ja Ja
Wachtwurdbehear Ja Ja
Haadwachtwurd Ja Ja

Sawol Firefox as Opera binne kompatibel mei elk platfoarm, wêrûnder Windows, macOS, Linux, Android en iOS. Brûkers mei in Firefox-account kinne harren blêdwizers, wachtwurden, iepen ljepblêden en navigaasjeskiednis ienfâldich syngronisearje mei al harren oanmelde apparaten. Itselde jildt foar Opera-brûkers mei in account. In protte websites, foaral âlde websites dy't yn jierren net bywurke binne, blokkearje de nijste ferzje fan Opera echter folslein. Dus as jo it besykjen fan plakken lykas it âlde blog fan jo eks wichtich fine, let dan op. Jo hawwe miskien gjin tagong ta de stoffiger úthoeken fan it ynternet as jo Opera brûke.

Neist de reguliere mobile app hat Opera twa oare mobile ferzjes fan syn browser: Touch en Mini. Touch hat net folle funksjes, mar it is ûntwurpen om ûnderweis mei mar ien hân te brûken. De Mini-ferzje is rjochte op it ferleegjen fan datagebrûk en ferhege snelheden op stadige ferbiningen troch ôfbyldingen te ferlytsjen en ynhâld fuort te heljen. Wy biede ek in ekstra, hoewol eksperimintele ferzje fan ús mobile Firefox-app, Firefox Preview, dy't him rjochtet op snelheid en feilichheid.

De measte grutte browsers wurkje tsjintwurdich, mei útsûndering fan Safari, probleemleas op ferskate platfoarms en browsers. Opera en Firefox binne gjin útsûndering: beide browsers biede poerbêste portabiliteit op elk apparaat.

Firefox Browser downloade

Algemiene beoardieling

Oer it algemien is Opera in solide browser, mei in kreaze ynterface en in protte handige funksjes. Der binne echter inkelde earnstige soargen oer de privacy en in probleem mei it gebrûk fan in protte rekkenkrêft. Hoewol Opera in oantal echt geweldige brûksgemakfunksjes hat, leauwe wy noch hieltyd dat Firefox in superieure browser bliuwt op basis fan prestaasjes en mei in transparant belied ta oansjen fan privacy fan brûkers en strange privacybeskermingen.

De hjir makke fergelikingen binne mei standertynstellingen yn de folgjende browserferzjes útfierd:
Firefox (81) | Opera (67)
Dizze side wurdt twa kear yn it kwartaal bywurke om de nijste ferzjes wer te jaan en jout mooglik net altyd de lêste updates.