Wužiwarjo 64-bitoweho Windows, kotřiž Firefox sćahuja, móža našu 64-bitowu wersiju po standardźe dóstać. To rěka, zo wěsćišu wersiju Firefox dóstawaće, jednu, kotraž tež wjele mjenje spaduje. Kelko mjenje? W našich dotalnych testach Firefox na mašinach z 4 GB RAM abo wjace wo 39 % spaduje.
Kotry je rozdźěl mjez 32-bitowym a 64-bitowym?
Tu je najwažniše, štož dyrbiće wědźeć: 64-bitowe nałoženja móža wjace składa wužiwać a spaduja rědšo hač 32-bitowe nałoženja. Ze skokom wot 32 bitow do 64 bitow wěstotna funkcija z mjenom Address Space Layout Randomization (ASLR) lěpje funguje, zo by was před nadběhowarjemi škitał. Wužiwarjo Linux a macOS, njerudźće so, wužiwaće hižo Firefox, kotryž je za 64 bitow optimowany.
Kak móžeće 64-bitowy Firefox dóstać?
Jeli 64-bitowy Windows wužiwaće (tu móžeće to zwěsćić), maće snano hižo 64-bitowu wersiju Firefox. Přepruwujće swoju wersiju Firefox (we woknje „Wo Firefox“) a pytajće za „(32-bitowy)“ abo „(64-bitowy)“ za wersijowym čisłom:
- Jeli tam „(32-bitowy)“ steji a Firefox 56.0 abo starši wužiwaće, dóstanjeće při aktualizowanju na najnowšu wersiju Firefox awtomatisce 64-bitowu wersiju.
- Jeli tam „(32-bitowy)“ steji a Firefox 56.0.1 abo nowši wužiwaće, waš ličak snano minimalnemu składowemu žadanju za 64-bitowu wersiju njewotpowěduje (3 GB RAM abo wjace). Móžeće potom hišće 64-bitowy Firefox manuelnje instalować.