Přidawk k manifestej Mozilla

Slubjenje za strowy internet

Wotewrjeny, globalny internet je najmócniša resursa za komunikaciju a zhromadne dźěło, kotruž hdy smy widźeli. Sćelesnja někotre našich najhłubšich nadźijow za čłowjeski pokrok. Skići nowe šancy za wuknjenje, tworjenje zrozumjenja za zhromadnu čłowjeskosć a rozrisanje chwatacych problemow, před kotrymiž ludźo wšudźe steja.

Za posledni lětdźěsatk je so tute slubjenje na wšelake wašnja spjelniło. Smy wšak tež widźeli, zo so móc interneta tež wužiwa, zo by rozdwojenje zesylniła, namóc naškarała, hidu wubudźiła a z wotpohladom fakty a woprawdźitosć manipulowała. Smy wuknyli, zo my měli naše cile za čłowjeske byće w interneće jasnišo předstajić. To nětko činimy.

  1. Zastupujemy internet, kotryž wšě ludy zemje zapřijima - hdźež demografiske kajkosće wosoby jeje přistup online, šancy abo kwalitu dožiwjenja njepostajeja.
  2. Zastupujemy internet, zo přistojny wobchad mjez sobu, čłowjesku dostojnosć a wosobinsku wurazniwosć spěchuje.
  3. Zastupujemy internet, kotryž kritiske myslenje, přemyslenu argumentaciju, dźělenu wědu a přepruwujomne fakty wysoko waži.
  4. Zastupujemy internet, kotryž zhromadne dźěło wšelakich zhromadźenstwow doprědka ćěri, kotrež za zhromadne dobro hromadźe dźěłaja.

Manifest Mozilla

Našich 10 principow

Princip 1 Internet je integralny dźěl moderneho žiwjenja — klučowa komponenta w kubłanju, komunikaciji, kooperaciji, wobchodźe, zabawjenju a towaršnosći w cyłku.

Dalše informacije

Princip 2 Internet je globalna zjawna resursa, kotryž dyrbi wotewrjena a přistupna wostać.

Dalše informacije

Princip 3 Internet dyrbi žiwjenje jednotliwych ludźi wobohaćić.

Dalše informacije

Princip 4 Wěstota a priwatnosć jednotliwcow w interneće stej fundamentalnej a njesmědźa jej jako opcionalnej wohladować.

Dalše informacije

Princip 5 Jednotliwcy dyrbja kmanosć měć, internet a swoje dožiwjenja w nim wuhotować.

Dalše informacije

Princip 6 Efektiwita interneta jako zjawna resursa wotwisuje wot komunikacije mjez sobu (protokole, datowe formaty, wobsah), inowacije a decentralneho wobdźělenja swětodaloko.

Dalše informacije

Princip 7 Darmotna softwara z wotewrjeneho žórła spěchuje wuwiwanje interneta jako zjawnu resursu.

Dalše informacije

Princip 8 Transparentne procesy na zakładźe zhromadźenstwa sylnja wobdźělenje, zamołwitosć a dowěru.

Dalše informacije

Princip 9 Komercielne wobdźělenje na wuwiću interneta wjele lěpšinow přinjese; balansa mjez komercielnym profitom a zjawnym wužitkom je rozsudna.

Dalše informacije

Princip 10 Zesylnjowanje aspektow zjawneho wužitka interneta je wažny zaměr, kotryž je hódny nałožka na času, kedźbnosći a angažemenće.

Dalše informacije