Za nas ludźo nad profitom steja.
Husto ludźo newědźa, štož móža wot softwary abo słužbow wočakować, kotrež dźensa wužiwaja. Technologija, kotraž naše žiwjenje doprědka ćěri, je kompleksna a ludźo nimaja chwile, so nadrobnje z podrobnosćemi zaběrać. To tež za Firefox płaći, přetož husto widźimy, zo ludźo maja rozdźělne předstawy wo tym, štož so w jich wobhladowaku pod hawbu stawa.
My pola Mozilla waše wosobinske daty respektujemy a škitamy:
- Sćěhujemy rjad zasadow priwatnosće, kotrež naše wašnje přistupa k priwatnosći we Firefox za desktop a mobilne graty postajeja.
- Prócujemy so, jenož daty zhromadźić, kotrež trjebamy, zo bychmy najlěpše produkty wuwiwali.
- Dźěłamy, zo bychmy ludźom kontrolu nad jich datami a dožiwjenjemi online wostajili.
- Za nas princip „žane překwapjenki“ płaći, to rěka, dźěłamy ćežko na tym, zo so wočakowanja ludźi na Firefox z woprawdźitosću kryja.
Slědowace prašenja a wotmołwy maja wam pomhać, rozumić, štož móžeće wot Mozilla a Firefox wočakować:
- Wužiwam Firefox za nimale wšitko w interneće. Najskerje wě Mozilla tójšto wo mni, něwěrno?
-
Mozilla njewě telko, kelko wy byšće wočakował wo tym, kak ludźo web přehladuja. Firefox, webwobhladowak, kotryž na wašim graće abo ličaku běži, je waše zachodne wrota k internetej. Waš wobhladowak wjele informacijow wo websydłach rjadować, kotrež wopytujeće, ale te informacije zwjetš na wašim graće wostawaja.
- Zda so, kaž by kóžde předewzaće we webje moje daty kupiło a předało. Pola was to najskerje hinak njeje.
-
Mozilla daty wo was njepředawa (w tym zmysle, kak sej najwjace ludźi „předań datow“ předstaja), a my daty wo was njekupujemy. Dokelž so wo transparencu prócujemy a PRAWNISKA definicija „předanje datow“ je na někotrych městnach tójšto šěroka, dyrbjachmy so definitiwnych zwěsćenjow wzdać, kotrež znajeće a lubujeće. Tykamy hišće wjele dźěła do toho, zo bychmy zawěsćili, zo so daty, kotrež ze swojimi partnerami dźělimy (kotrychž trjebamy, zo bychmy Firefox komercielnje wužiwajomny činili) wot identifikowacych informacijow wuswobodźuja, abo so jenož w cyłku dźěla abo so z našimi priwatnosć wobchowowace technologijemi (kaž OHTTP) předźěłuja.
- Moment, z čim da pjenjezy zaslužiće?
-
Mozilla žana wšědna organizacija njeje. Jako projekt wotewrjeneho žórła zhromadźenstwa w lěće 1998 załoženy, je Mozilla organizacija z misiju, kotraž za strowši internet dźěła. Wjetšina dochodow, kotrež předewzaće Mozilla Corporation docpěwa, pochadźeja z płaćenjow přez partnerstwa webwobhladowaka Firefox a rozdźělenskich dojednanjow z cyłeho swěta. Móžeće w našej lětnej financnej rozprawje wjace wo tym zhonić, kak pjenjezy zasłužimy.
- W porjadku, tute prašenja su jednore byli. Kotre daty zběraće?
-
Mozilla zběra po standardźe wobmjezowane mnóstwo datow z Firefox, kotrež nam pomhaja, rozumić, kak ludźo wobhladowak wužiwaja. Móžeće w našej zdźělence priwatnosće wjace wo tym čitać, a čitajće dospołnu dokumentaciju za zběranje datow. Wozjewimy sowju dokumentaciju, zo by kóždy móže přepytać, zo to, štož prajimy, je wěrne, zdźělće nam, hač dyrbimy polěpšić a mějće dowěru, zo ničo njezatajamy.
- Zběraće wjace datow w předwersijach Firefox?
-
We wěstym nastupanju. Přidatnje k datam, kotrež smy horjeka wopisali, dóstawamy w předwersijach Firefox po standardźe rozprawy wo zmylkach a spadach.
Móžemy tež dalše daty w předwersiji hromadźić, za jednu z našich studijow. Někotre studije na přikład tak mjenowane „přehladowanske daty“ trjebaja, ke kotrymž móža URL a druhe daty wo wěstych websydłach słušeć. To nam pomha, na wěste prašenja wotmołwić, zo bychmy Firefox polěpšili, na přikład, kak dadźa so wěste woblubowane websydła do wěstych rěčnych wersijow integrować.
Předwersije Mozilla Firefox su wuwiwanske platformy, kotrež so husto z eksperimentelnymi funkcijemi aktualizuja. Zběramy w předwersiji wjace datow hač w kónčnych wersijach, zo bychmy rozumili, kak tute eksperimentelne funkcije funguja. Móžeće zběranje tutych datow w nastajenjach znjemóžnić.
- Ale čehodla poprawom daty zběraće?
-
Jeli njewěmy, kak wobhladowak běži abo kotre funkcije ludźo wužiwaja, njemóžemy jón polěpšić a wam wulkotny produkt poskićić. Smy nastroje za zběranje a analyzowanje datow wuwili, kotrež nam zmóžnjeja, inteligentne rozsudy wo našim produkće činić a priwatnosć ludźi respektować. Móžeće wjace wo někotrych technologijach čitać, kotrež priwatnosć wobchowuja a kotrež wužiwamy, na přikład OHTTP.
- Zběranje datow mi hišće wadźi. Mógu jo znjemóžnić?
-
Haj. Kontrola přez wužiwarja je jedna z našich zasadow datoweje priwatnosće. Zwoprawdźamy to w Firefox w našej stronje nastajenjow priwatnosće, kotrež jako zaběhowe městno za kóždeho słuži, kotryž chce swoju priwatnosć w Firefox kontrolować. Móžeće tam zběranje datow znjemóžnić.
- Što je z mojimi kontowymi datami?
-
Dawamy wjele na miniměrowanje datow a njeprašamy so was za ničim, kotrež njetrjebamy.
Njetrjebaće konto, zo byšće Firefox wužiwał. Konta su trěbne za synchronizowanje datow mjez gratami, my pak prosymy was jenož wo e-mejlowu adresu a wašu starobu (jenož, zo bychmy wědźeli, zo wy dźěćo njejsće).
- Wužiwaće digitalne wabjenje jako dźěl swojeje marketingoweje strategije. Kupujeće daty ludźi, zo byšće swoje wabjenje online lěpje přitřihał?
-
Ně, njekupujemy daty ludźi, zo bychmy zaměrne wabjenje činili.
Žadany wot našich wabjenskich partnerow, jenož daty prěnjeho poskićowarja wužiwać, kotrež websydła a wozjewjerjo wo wšěch wužiwarjach maja, na přikład wobhladowak, kotryž wužiwaće a grat, na kotrymž jón wužiwaće.
- Derje, zda so, zo woprawdźe moju priwatnosć škitaće.
-
Haj, tomu tak je.