Njeźiwajucy na to, lěc sćo pytał malsny wobglědowak abo za njewótwisneju technologiju pytaśo, kótaryž wašu priwatnosć šćita, namakajośo how mjazy toś tymi cesto stajonymi pšašanjami wótegrona na pšašanja nastupajucy Firefox.
Firefox Browser jo jadnučki wjeliki wobglědowak, kótaryž se pśez za wše wužytnu organizaciju pódpěra, kótaraž wabjarjam waše wósobinske daty njepśedawa, a wam pomaga, waše wósobinske informacije šćitaś. Zgóńśo wěcej wó Wobglědowaki Firefox a drugich produktach.
Móžośo desktopowy wobglědowak Firefox how lažko ześěgnuś. Firefox na rědach Windows, Mac a Linux funkcioněrujo, a jo teke za Android a iOS k dispoziciji. Zawěsććo, až naš wobglědowak wót jadneje z našych dowěry gódnych bokow Mozilla/Firefox ześěgujośo.
Jo! Firefox Browser jo dermotny. Samo wěcej ako dermotny. Žedne schowane kosty abo tak. Njetrjebaśo nic płaśiś, aby jen wužywał a my waše wósobinske daty njepśedawamy.
Pódobne pšašanja: Jo Firefox Browser dermotny, płaśi Firefox pjenjezeNě, njemyslimy se, až Chrome jo lěpšy ako Firefox a to jo pśicyna: Gaž luźe se pšašaju, kótary wobglědowak jo lěpšy, pšašaju se pópšawem, kótary wobglědowak jo malsnjejšy a wěsćejšy. Firefox se kuždy mjasec aktualizěrujo, aby zawěsćił, až maśo nejmalsnjejšyi wobglědowak, kótaryž wašu priwatnosć awtomatiski respektěrujo.
Pódobne pšašanja: Jo Firefox lěpšy ako Chrome, jo Firefox lěpšy ako Google, jo Firefox wěsćejšy ako Chrome, jo Firefox priwatnjejšy ako ChromeŠćit wašeje priwatnosći ma nejwušu prioritu za nas, a zawěsćamy, až instalěrowanje Firefox na wašych rědach jo cele wěste – ale zawěsććo pśecej, až z dowěry gódnego sedła Mozilla/Firefox ześěgujośo, ako na pśikład z našogo ześěgnjeńskego boka.
Firefox njejo jano wěsće wužywajobny, ale teke pomaga, waše a priwatne informacije wěste źaržaś. Firefox Browser awtomatiski znatym pśeslědowakam tśeśich póbitowarjow, pśeslědowakam socialnych medijow, kryptokopakam a palcowym śišćam gromaźenje datow zawoborujo. Zgóńśo wěcej wó priwatnosći w našych produktach.
Pódobne pšašanja: Jo Firefox dobry za priwatnosć, jo Firefox wěsty, jo Firefox lěpšy za priwatnosćNě. Njejo to nigda cynił a njebuźo to nigda cyniś. A my šćitamy waš pśed wjele wabjarjami, kótarež to cynje. Produkty Firefox wašu priwatnosć šćitaju. To jo zlubjenje.
Firefox njejo pómały … wěcej nic. W lěśe 2017 smy dopołnje pśetwarili našu wobglěwakowu mašinu (z mjenim quantum), aby zawěsćili, až Firefox móžo z drugimi wjelikimi wobglědowakami konkurěrowaś. A, naše blokěrowaki pśeslědowakow pomagaju, boki hyšći malsnjej zacytaś. Firefox jo pótakem malsny kaž błysk, bźez togo, aby se waša priwatnosć wobškóźiła.
Firefox na Chromium njebazěrujo (projekt wobglědowaka wótwórjonego žrědła w jědrje Google Chrome). W napšawdnosći smy jaden ze slědnych wjelikich wobglědowakow, kótarež na tom njebazěruju. Firefox na našej wobglědowakej mašinje Quantum běžy, kótaruž smy specielnje za Firefox wuwili, aby my mógli zawěsćiś, až z wašymi datami z respektom wobchadamy a daty priwatne wóstawaju.
Google jo standardna pytnica w Firefox, což groni, až móžośo web direktnje z adresowego póla pśepytaś. Zgóńśo wěcej wó nastajenjach pytnice a změnjanju standardnych nastajenjow.
Firefox zatwarjony VPN (virtual private network „wirtuelna priwatna seś“) njama, ale Mozilla produkt z mjenim Mozilla VPN napórajo, kótaryž móžośo pśidatnje k priwatnemu Firefox Browser wužywaś, kótaryž waš zwisk we WLAN ako teke wašu IP-adresu šćita.
Pódobne pšašanja: Chowa Firefox wašu IP-adresuFirefox se wót Mozilla Corporation wuwija, stoprocentoweje wótnožki towaristwa wšymi wužytneje załožby Mozilla Foundation, a wjeźo se pó principach manifesta Mozilla. Zgóńśo how wěcej wó wuwijarju Firefox.
Pódobne pšašanja: Komu Firefox słuša, komu Firefox Browser słuša, słuša Firefox Google, słuša Mozilla Firefox Google