Njedźiwajo na to, hač sće spěšny wobhladowak pytał abo za njewotwisnej technologiju pytaće, kotryž wašu priwatnosć škita, namakaće tu mjez tutymi husto stajenymi prašenjemi wotmołwy na prašenja nastupajo Firefox.
Firefox Browser je jenički wulki wobhladowak, kotryž so přez powšitkownosći wužitnu organizaciju podpěruje, kotraž wabjerjam waše wosobinske daty njepředawa, a wam pomha, waše wosobinske informacije škitać. Zhońće wjace wo Wobhladowaki Firefox a druhich produktach.
Móžeće desktopowy wobhladowak Firefox tu lochko sćahnyć. Firefox na gratach Windows, Mac a Linux funguje, a je tež za Android a iOS k dispoziciji. Zawěsćće, zo naš wobhladowak wot jedneje z našich dowěry hódnych stronow Mozilla/Firefox sćahujeće.
Haj! Firefox Browser je darmotny. Samo wjace hač darmotny. Žane schowane košty abo tak. Njetrjebaće ničo płaćić, zo byšće jón wužiwał a my waše wosobinske daty njepředawamy.
Podobne prašenja: Je Firefox Browser darmotny, płaći Firefox pjenjezyNě, njemyslimy sej, zo Chrome je lěpši hač Firefox a tole je přičina: Hdyž ludźo so prašeja, kotry wobhladowak je lěpši, prašeja so poprawom, kotry wobhladowak je spěšniši a wěsćiši. Firefox so kóždy měsac aktualizuje, zo byšće zawěsćił, zo maće najspěšniši wobhladowak, kotryž wašu priwatnosć awtomatisce respektuje.
Podobne prašenja: Je Firefox lěpši hač Chrome, je Firefox lěpši hač Google, je Firefox wěsćiši hač Chrome, je Firefox priwatniši hač ChromeŠkit wašeje priwatnosće ma najwyšu prioritu za nas, a zawěsćamy, zo instalowanje Firefox na wašich gratach je cyle wěste – ale zawěsćće přeco, zo z dowěryhódneho sydła Mozilla/Firefox sćahujeće, kaž na přikład z našeje sćehnjenskeje strony.
Firefox njeje jenož wěsće wužiwajomny, ale tež pomha, waše a priwatne informacije wěste dźeržeć. Firefox Browser awtomatisce znate přesćěhowaki třećich poskićowarjow, přesćěhowaki socialnych medijow, kryptokopaki a porstowe ćišće při hromadźenju datow haći. Zhońće wjace wo priwatnosći w našich produktach.
Podobne prašenja: Je Firefox dobry za priwatnosć, je Firefox wěsty, je Firefox lěpši za priwatnosćNě. Njeje to ženje činił a njebudźe to ženje činić. A my škitamy waš před wjele wabjerjemi, kotřiž to činja. Produkty Firefox wašu priwatnosć škitaja. To je slub.
Firefox pomały njeje … hižo nic. W lěće 2017 smy našu wobhlowakowu mašinu (z mjenom quantum) dospołnje přetwarili, zo bychmy zawěsćili, zo Firefox móže z druhimi wulkimi wobhladowakami konkurować. A, naše blokowaki přesćěhowakow pomhaja, strony hišće spěšnišo začitać. Firefox je tuž spěšny kaž błysk, bjez toho, zo by so waša priwatnosć wobškodźiła.
Firefox na Chromium njebazuje (projekt wobhladowaka wotewrjeneho žórła w jadrje Google Chrome). We woprawdźitosće smy jedyn z poslednich wulkich wobhladowakow, kotrež na tym njebazuja. Firefox na našej wobhladowakej mašinje Quantum běži, kotruž smy specielnje za Firefox wuwili, zo bychmy móhli zawěsćić, zo z wašim datami z respektom wobchadźamy a daty priwatne wostawaja.
Google je standardna pytawa w Firefox, štož rěka, zo móžeće web direktnje z adresoweho pola přepytać. Zhońće wjace wo nastajenjach pytawy a měnjenju standardnych nastajenjow.
Firefox zatwarjeny VPN (virtual private network „wirtuelna priwatna syć“) nima, ale stej dwaj produktaj zhotowjenej wot Mozilla/Firefox, kotrejž móžeće přidatnje k priwatnemu Firefox Browser, kotryž móže pak swój wobhladowak (Firefox Private Network) abo gratowy (Mozilla VPN) zwisk na WLAN kaž tež wašu IP-adresu škita.
Podobne prašenja: Chowa Firefox wašu IP-adresuFirefox so wot Mozilla Corporation wuwiwa, stoprocentoweje wotnožki towarstwa powšitkownosći wužitneje załožby Mozilla Foundation, a wjedźe so po zasadach manifesta Mozilla. Zhońće tu wjace wo wuwiwarju Firefox.
Podobne prašenja: Komu Firefox słuša, komu Firefox Browser słuša, słuša Firefox Google, słuša Mozilla Firefox Google