Rujunamaxik Firefox Browser rik'in Google Chrome

Pa 2008, Google xrelesaj Chrome, chuqa' ri nïm rutz'ukuj pa ri runa'ob'al okika'maya'l anin xtz'et. Aninäq xerusamajij ri ajk'amaya'l taq ruxaq, jub'a' ok nuq'atapuj pa ri ruwäch chuqa' man k'ayew ta rub'anikil ruk'amab'ey okisanel.

Anin-q'axinäq k'a wakami, ronojel ri kijunamaxik okik'amaya'l xjalatäj toq k'ïy winaqi' xkik'utuj ri nik'ulwachitäj kik'in ri kitzij pa k'amab'ey, achi'el ri runatab'al kokem pa k'amaya'l, ri ewan taq tzij chuqa' juley ichinan taq etamab'äl. K'ïy xjalatäj pa 2008 toq Chrome xwachin pe. Pa Firefox xojnab'eyij richin xqasamajij richin xqawachib'ej ri qak'amab'ey richin xqaya' chi ke ri okisanela' jun utzirisaxik chi rij kichinanem chuqa' samaj ruk'amon pe, rik'in k'ïy utziläj taq rusamajib'al okik'amaya'l.

Chuqa' wawe' öj k'o wi, ri kijunamaxik taq okik'amaya'l yalan ninimär, ramaj chik richin nitojtob'ëx chik chuqa' nijunamäx chik Firefox Browser rik'in Google Chrome.

Jikomal chuqa' Ichinanem

Jikomal chuqa' Ichinanem Firefox Chrome
Ichinan Okem pa K'amaya'l rub'eyal Ja' Ja'
Yeruq'ät kikuki ojqanem kichin aj rox winäq, ri ruk'amon wi pe Ja' Manäq
La yeruq'ät kiskrip ajkriptominer Ja' Manäq
Keq'at winaqil taq ojqanela' Ja' Manäq

Pa Firefox, k'o k'ïy okisanela' ri nikiya' ruq'ij ri ichinanem niqasamajij pa k'amab'ey. Akuchi' ri ruk'isib'äl ruwäch Firefox ruk'amon pe ri Chajinïk chuwäch Ojqanem (ETP pa q'anchi') ri ruk'amon pe chi kiwa ri okisanela' chi jun ri ruwach'ulew. ETP yeruq'ät jun 2,000 ojqanela', achi'el chuqa' aj winäq ojqanela' kichin ajk'ay moloj achi'el Facebook, Twitter, chuqa' LinkedIn. Chuqa' ruk'amon pe jun tz'aqät rub'anikil Firefox Monitor rub'i' richin nuya' rutzijol chawe we etaman ruwa ri ewan atzij o k'atzinel chi nik'ex. Achi'el ri taq chajinïk ri ichinan okem pa k'amaya'l richin ri Firefox pa ruyonil nuyüj ri rutzij awokem pa k'amaya'l, achi'el ri natab'äl chuqa' ri taq cookies, akuchi' majun retal nuya' kan toq nak'ïs amolojri'ïl.

Chuqa' qajikib'an ri qana'oj rik'in ri ichinanem chuqa' ri ch'ajch'ojilal pa kiwi' ri taq kitzij okisanela' pa Rutzijol Ichinanem ri nub'ij, “Pa Mozilla k'o pa qajolom chi yalan k'atzinel ri ichinanem richin jun raxinäq k'amaya'l.”

Google Chrome jun jikïl okik'amaya'l, ri ruk'wan jikïl okem pa k'amaya'l richin Google, ri nito'on richin yeruchajij ri okisanela' toq nuk'üt pe jun rutzijol k'ayewal chuqa' ri majub'ey choj xtik'o toq nitojtob'ëx nok pa itzel taq ruxaq k'amaya'l o yeqasäx itzel taq yakb'äl.

Ki ri' ri Chrome chuqa' Firefox k'o ütz kijikomal. Kik'wan jun samaj rub'ina'om “sandboxing” ri yerujäch ri nitajin ri okik'amaya'l richin chi jun itzel ajk'amaya'l ruxaq man tutz'ila' ch'aqa' chik ruperaj ri akematz'ib' o awokisab'al.

Qitzij chi ri Chrome nuk'üt chi jun jikïl ajk'amaya'l okik'amaya'l, k'ïy itzel nib'ïx chi rij ri runatab'al ichinanem. Pa qitzij chi ri Google yerumöl k'ïy kitzij rokisanela' achi'el ri kik'ojlib'äl, ri runatab'al kanoxïk chuqa' ri kitz'etik ajk'amaya'l taq ruxaq. Google ütz nutz'ët ri kimolik tzij, akuchi' nub'ij chi nik'atzin richin yerutzilaj ri taq rusamaj (achi'el richin yaruto' richin nakano jun koton o jun kape' achi'el ri xalöq' o atz'eton). Po k'o yeb'i'in chi man ütz ta akuchi ri Google k'ïy taq tzij yerumöl richin kich'akoj. Rije' nikib'ij chi ekichajin ri etamab'äl akuchi' man nikitz'ët ta ri eleq'oma' ruma ri' majun k'ayewal. Ri Google pa'äl pa ruwi' ri nimaläj ruk'amab'ey eltzijol chi jun ri ruwach'ulew, matyox chi ke ri taq tzij yekik'ül kuma ri taq rokisanela'.

Pa ruk'isib'äl, pan aq'a' k'o we nawajo' o man nawajo' naya' ruchi' toq ye'akomonij taq wachinäq, achi'el ri runatab'al akanoxik chuqa' runatab'al aloq'oj. Po we at junam kik'in ri juley winäq, rik'in jub'a' e'akanon taq wachinäq pa k'amaya'l, ri nawajo' nawichinaj.

Taqasaj Firefox Browser

Rokisaxik:

Rokisaxik Firefox Chrome
Ruq'atik ruyonil tzijonïk Ja' Manäq
Okem rik'in ruwi' Ja' Ja'
Runuk'samajel yaketal Ja' Ja'
Kenojisäx kiyonil ri taq nojwuj Ja' Ja'
Taq rucha'oj ruk'wab'äl kanoxïk Ja' Ja'
Tz'ib'anïk pa ch'ab'äl Ja' Manäq
Sik'inïk rub'anikil Ja' Ja'
Ninik'öx rutz'ib'axik Ja' Ja'
Ajk'amaya'l taq k'amal/Taq Tz'aqat Ja' Ja'
Rusamajib'al taq chapoj ruwa pa ri okik'amaya'l Ja' Manäq

Rik'in ri kib'anikil, ri Firefox chuqa' Chrome nikisüj kiwujb'al taq k'amal chuqa' taq tz'aqat, rik'in ri ruk'utwuj Chrome, ri nikich'äk pa ajilab'äl xab'achike jun chik okik'amaya'l achi'el chuqa' nuk'äm jeb'ël ri' kik'in juley chik taq kisamaj Google achi'el Gmail chuqa' Google Docs.

Estape' man nïm achi'el ri ruwujb'al rutz'aqat Chrome, Firefox achi'el aj jaqäl b'itz'ib' cholkema' rik'in jun nïm molaj samajel to'onela' chuqa' nikik'üt jun nïm utziläj taq k'amal.

Firefox chuqa' k'o jun rusamaj chi rij ximoj richin ye'atz'ët pa ronojel taq awokisab'al ri k'ak'a', jaqäl taq ruwi', ri runatab'al okem pa k'amaya'l chuqa' taq yaketal.

Ja k'a ri Chrome nich'akon rik'in ri k'ïy taq tz'aqat chuqa' taq k'amal, Firefox ruk'wan jumolaj k'amonel taq b'anikil ri jeb'ël enuk'un chuqa' echajin achi'el ri chapoj ruwa, ri yalan k'atzinel chuqa' ri samaj richin sik'inem rub'anikil ri nuyüj ronojel richin ri ruxaq man ke ta ri' ri rutz'ib'axik cholna'oj nisik'ïx.

We awichin chi ye'ajäq k'ïy taq ruwi', ronojel k'o pa ri ak'amab'ey richin okisanel. Firefox nuk'üt pa kotz'öl cholajem ronojel ri jaqon ruwi' chuwäch yeruch'utinisaj jujun k'ak'a' ruwi'. Google Chrome ütz nutz'ët yeruch'utinisaj k'a jampe' xa xe niwachin kan ri ruwachib'al. Ri k'ayewal rik'in re' chi toq ajaqon k'ïy ruwi' jun junam ajk'amaya'l ruxaq, junam ri kiwachib'al natz'ët.

Chi rij ri runuk'ulem, xtikib'ij chawe chi jun wachinäq jeb'ël nikitz'ët chi rij ri qokik'amaya'l ja ri yatikïr xapik'wi' yab'e chuqa' ye'anük ronojel ri taq ruch'akulal ruk'amab'ey okisanel richin ütz nub'än ri rusamaj. Chrome nuya' q'ij chawe ye'awewaj jujun taq ruch'akulal ruk'amab'ey okisanel, po man yatikïr ta nasiloj xa pichike achi'el nawajo'. Chuqa' k'o chi nitz'ët chi ri Chrome chuqa' ri Firefox man k'ayew ta najäl ri kib'anikil chuqa' ri ruwachinel okik'amaya'l.

Taqasaj Firefox Browser

K'wayel:

K'wayel Firefox Chrome
Wachel pa Samajel Q'inoj Ja' Ja'
Wachel pa ajoyonib'äl Samajel Q'inoj Ja' Ja'
Ximoj rik'in oyonib'äl Ja' Ja'
Runuk'samajel ewan tzij Ja' Ja'
Nab'ey ewan tzij Ja' Manäq

B'ama man k'atzinel ta chi nib'ix chi ri taq ruwäch Firefox chuqa' Chrome k'o pa ri kisamajel q'inoj richin ajkematz'ib' chuqa' taq oyonib'äl (Windows, macOS, Linux, Android, iOS).

Ri Chrome ke ri chuqa' ri Firefox chuqa' nikiya' q'ij richin ye'axïm ewan taq tzij, taq yaketal chuqa' taq jaqon ruwi' pa ronojel awokisab'al. Chuqa' ri Firefox xutz'aqatisaj jun jikon nab'ey ewan tzij ri yeruya' pa jun tz'apib'äl ri tikirib'äl amolojri'ïl chuqa' ri ewan taq tzij. We k'o jun rub'i' ataqoya'l richin Firefox, yatikïr natäq jun jaqon ruwi' pan akematz'ib' pan awoyonib'al. Rik'in ri Chrome pa ruyonil nib'anatäj we acha'on kan pa rajowab'al. Ütz nitaq chi q'ab'aj ri ruwi' jun okisab'äl pa jun chik toq k'a nawajo' nasik'ij jun cholna'oj man xak'ïs ta rusik'ixik. Rik'in jub'a' k'o ramaj akuchi' ri ruyon niximon man ruk'amon toq k'o okisanela' e'okinäq pa k'amaya'l toq natikirisaj molojri'ïl pa rub'i' ataqoya'l richin Google.

Taqasaj Firefox Browser

Chi jun Tojtob'enïk

Niqana'ojij chi k'atzinel nib'ix chi ri Firefox chuqa' Chrome choj nikijunamala' ki' toq yojch'o chi rij ri kik'waxik chuqa' kokisaxik, rik'in Chrome jotöl ruwi' rik'in ri rokisaxik ruma ri nïm ruwujb'al taq ruk'amal chuqa' tz'aqät rub'anikil. Po chi rij ri Ichinanem, Firefox jotöl ruma ri qana'ojb'al richin yeqachajij ri taq kitzij okisanela' pa k'amab'ey chuqa' chi yeqaya' sipan ximon taq samaj akuchi' k'o jun kinuk'samajel ewan taq tzij, ri nuya' rutzijol chawe we xetz'iläx ri taq atzij rik'in ri awujil.

Chi rij asamaj, majun yak'aton richin ye'awokisaj chi ka'i' okik'amaya'l—Firefox richin toq yalan nik'atzin chawe ri ichinanem chuqa' ri Chrome we k'a ütz natz'ët ri rekosistema' Google. Ruma chi jutaqil yetz'etelöx ri taq qatzij, Firefox rik'in jub'a' ja ri' ri yalan ütz chi qe ri niqaya' ruq'ij ri qichinanem pa k'amab'ey.

Ri taq junamaxïk xeb'an wawe', xeb'an rik'in ri kinuk'ulem kik'amon pe chuqa' ri taq ruwäch xe'elesäx pe richin ri okik'amaya'l ke re':
Firefox (81) | Chrome (85)
Re ruxaq nik'ëx pa taq ik' rik'in nik'aj richin yek'ut ri ruk'isib'äl taq ruwäch po rik'in jub'a' man jutaqil ta nuk'üt ri ruk'isib'äl taq ruwäch.