Taqasaj Firefox

Firefox is no longer supported on Windows 8.1 and below.

Please download Firefox ESR (Extended Support Release) to use Firefox.

Firefox is no longer supported on macOS 10.14 and below.

Please download Firefox ESR (Extended Support Release) to use Firefox.

Firefox Ichinan Rutzijol

Rujunamaxik Firefox Browser rik'in Apple Safari

Taqasaj Firefox

Firefox is no longer supported on Windows 8.1 and below.

Please download Firefox ESR (Extended Support Release) to use Firefox.

Firefox is no longer supported on macOS 10.14 and below.

Please download Firefox ESR (Extended Support Release) to use Firefox.

Firefox Ichinan Rutzijol

We nawokisaj Mac o k'o jun iPhone awik'in, to ruk'ulun chik chawe ri ajk'amaya'l okik'amaya'l Safari. Toq yakon chik pe ri okik'amaya'l chi kiwa ri rokisanela' rutikojil Apple nïm ruchuq'a' nuya' chi re, xa xe chi ri Firefox e k'o ri jeb'ël taq rusamaj, ri jeb'ël richin nawokisaj chuqa' wakami yatikïr nayäk achi'el ri awokik'amaya'l pa ri Mac chuqa' iPhone. Wawe' xtiqanik'oj ri nïm taq rukojol qokik'amaya'l rik'in ri Safari chi rij ri ichinanem, rokisaxik chuqa' ruk'waxik chi kikojol taq okisab'äl.

Jikomal chuqa' Ichinanem

Jikomal chuqa' Ichinanem Firefox Safari
Ichinan Okem pa K'amaya'l rub'eyal Ja' Ja'
Yeruq'ät kikuki ojqanem kichin aj rox winäq, ri ruk'amon wi pe Ja' Ja'
La yeruq'ät kiskrip ajkriptominer Ja' Manäq
Keq'at winaqil taq ojqanela' Ja' Ja'

Ri ichinanem okinäq jun nimaläj na'oj chi kiwa ri rajk'aymoloj na'ob'äl, ruma niya' retal chi k'ïy winaqi' k'ayew nikina' chi ruwa ri rutz'ilanem tzij, rojqanela' eltzijol chuqa' eleq'oma' taq kematz'ib'il. Po toq nitzijöx chi kij ri qitzij taq samajib'äl yekokisaj ri winaqi' richin ye'ok pa k'amaya'l pa ri qitzij taq k'amab'ey, ¿La xa xe yech'o chi rij o la pa qitzij nikichajij ki' richin yekichajij ri taq kitzij?

Achi'el xtzijöx, Apple jun chi ke ri ajk'aymoloj k'a xunimirisaj ri rusamaj chi rij ichinanem. Man k'ïy taq q'ij tiq'ax, Apple xusamajij ri chajinïk chuwäch ojqanem chi kikojol ruxaq pa Safari, ri nub'än chi man yatkojqajta ri taq eltzijol pa k'amab'ey. Safari nusüj chuqa' chilab'exïk nïm ewan taq tzij toq nikitz'ib'aj ki' pa jun k'ak'a' rub'i' taqoya'l pa xab'achike ajk'amaya'l ruxaq. Chuqa' chupam ri iCloud ekosistema', jikïl nuxïm ri ewan tzij kik'in ri ch'aqa' chik taq okisab'äl.

Achi'el ri Safari, pa ri Firefox niqaya' rejqalem ri ichinanem chuqqa' ri jikomal. Po pa rujunamaxik rik'in Safari, ojer chik tiqajikib'a' pe ri ichinanem. Achi'el ri Mozilla (ruxe'el qamoloj) xch'o nab'ey chi rij ri na'ob'äl tinamital, akuchi' xuya' rutzijol k'ayewal chi rij ri ichinanem pa k'amab'ey.

Ri Ichinan Okem pa K'amaya'l yeruq'ät ojqanela' chuqa' yeruyüj ewan taq tzij, taq cookie chuqa' ri natab'äl toq nitz'apïx. Po yatikïr nawokisaj ri q'axinäq rub'anikil qichinanem toq choj k'o pa ri k'amaya'l. Rik'in ri ruk'isib'äl ruwäch Firefox ri q'axinäq chajinïk chuwäch ojqanem k'o chik pe chupam. Re re' nuchajij chi ri ojqanela' yatkojqaj chi kikojol taq ruxaq toq yatok pa ajk'amaya'l. Chuqa' Facebook nilitäj chi ronojel q'ij k'o ruk'ayewal chi rij ichinanem ruma ri' ri qak'amal Facebook Container k'o janila rejqalem. K'ayew nub'än chi re ri Facebook richin yatrojqaj pa k'amab'ey — b'ama junam rik'in ri nub'än Safari richin nuchajij ri ojqanem chi kikojol ruxaq — po Firefox nujech'uj ri rokem rumolojri'ïl Facebook pa jun chik k'wab'äl, akuchi' nuq'ät richin man trojqaj ri nib'an pa ch'aqa' chik taq ruxaq. ¿Achike ruma toq nik'atzin chi qe niketamaj ri nikanöx pa WebMD?

Chi rij ri jikomal, Firefox yalan ruchajin ri'. Toq at k'o pa Firefox, yatikïr napïtz pa ruwi' ri rajkiq'a' pitz'b'äl pa ri ruk'ojlib'al ewan tzij richin natz'ük jun jikïl ewan tzij, rik'in ri cha'oj richin Nanojisaj Ewan tzij. Toq xtayäk ri k'ak'a' ewan atzij, xtiqak'utuj chawe chi nayäk pa ri nuk'samajinel ewan tzij k'o pe chupam, Lockwise. Chuqa' niqasüj chi kiwa ri okisanela' chuqa' e rajaw rub'i' taqoya'l jun chik sipan tikojil, ri yalan rejqalem rub'i' Monitor ri ruyon nuya' rutzijol chawe we ri taq atzij e k'o pa jun kitz'ilanem tzij etaman ruwäch.

We nacha' nawokisaj Safari, ütz toq nawokisaj jun rokisab'al Apple. Ri Safari xa xe nisamäj pa taq rokisab'al Apple, ja k'a ri Firefox nisamäj pa Windows, macOS, iOS, Android chuqa' Linux. Ruma ri' toq majun rejqalem achike samajel q'inoj nawokisaj, Firefox yatruchajij rik'in ri qachajinik pa ruwi' jikomal chuqa' ichinanem.

Taqasaj Firefox Browser

Rokisaxik:

Rokisaxik Firefox Safari
Ruq'atik ruyonil tzijonïk Ja' Manäq
Okem rik'in ruwi' Ja' Ja'
Runuk'samajel yaketal Ja' Ja'
Kenojisäx kiyonil ri taq nojwuj Ja' Ja'
Taq rucha'oj ruk'wab'äl kanoxïk Ja' Ja'
Tz'ib'anïk pa ch'ab'äl Ja' Ja'
Sik'inïk rub'anikil Ja' Ja'
Ninik'öx rutz'ib'axik Ja' Ja'
Ajk'amaya'l taq k'amal/Taq Tz'aqat Ja' Ja'
Rusamajib'al taq chapoj ruwa pa ri okik'amaya'l Ja' Manäq

Apple etaman ruwa ruma ri tz'apäl rekosistema pa ruwi' ri runuk'ik kikema' taq rutijokil. Po pa App Store, nusüj jun peraj chi ke ri b'anonela' richin yekitz'ük taq pluyin chuqa' taq tz'aqat richin chi yalan köw ri okik'amaya'l. Re taq k'amal chuqa' tikirel ye'ok pa k'amaya'l rik'in App Store richin anin nitz'aqatisäx pa Safari.

Rik'in ri molaj taq samaj ruk'amon pe jun okik'amaya'l, achi'el ri okem pa k'amaya'l rik'in ruwi' chuqa' ri ichinan okem pa k'amaya'l, Safari chuqa' k'o jun chik taq rusamaj. Achi'el, we jun okisanel nupïtz ri rajkiq'a' rupitz'b'al pa ruwi' jun tzij pa xab'achike ruxaq pa Safari, k'a ri nipitz pa Tikanöx, nrïl jun ruq'ajarik pa soltzij chuqa' ch'aqa' chik rutzij soltzij junam kiq'ajarïk, App Store, taq silowachil chuqa' ch'aqa' chik. Ri taq rusamajib'al Safari man k'ayew ta nib'an kinuk'ulem, ri nub'än chi ke ri winaqi' majun kik'ayewal toq ri ak'wala' nikajo' nikinik'oj ri k'amaya'l.

Achi'el Safari, Firefox nuyäk kik'u'x ri kitinamit b'anonela' richin yekinük' taq tz'aqat chuqa' taq k'amal richin ri okik'amaya'l. Ri qanuk'uche'el jaqäl rub'itz'ib', k'o jun peraj ri nutz'aqatisaj jun nïm kajilab'al samaj.

Chuqa' toq natz'ib'aj ab'i' pa jun rub'i' rutaqoya'l Firefox, yatikïr yatok pa taq samajib'äl achi'el Pocket ri nikitz'aqatisaj ri okik'amaya'l. Ri pitz'b'äl Pocket richin Firefox nuya' q'ij chawe richin ye'ayäk ajk'amaya'l taq ruxaq chuqa' taq silowäch pa Pocket rik'in jun pitz'oj, richin nasik'ij jun ch'ajch'öj chuqa' majun yajek'on ruwäch xab'akuchi' at k'o wi chuqa' achi'el nawajo', ke ri' chuqa' toq majun okem.

Firefox chuqa' yalan jeb'ël richin silowäch chuqa' k'oxom. Rik'in ri ruq'atik ruyon nitzijtäj k'o pe pan okik'amaya'l chuqa' tzijon chik pe, majun ajk'amaya'l ruxaq xturäq ruchi' chawe o niwu'in pe chawe estape' man apeyon ta.

Screenshots jun chik samajib'äl k'o pa ri okik'amaya'l Firefox, ri nuya' q'ij chawe nachäp anin ruwachib'al ri ruwa akematz'ib'. Toq nachäp jun chapoj ruwa, yatikïr nawachib'ej ri yakb'äl o nacha' akuchi' niyak kan richin nawïl, chuwa nanojisaj ri awajch'atal.

Chi ka'i' okik'amaya'l k'ïy junam kisamajib'al, ke ri' chuqa' xa xe kichin rije'. K'atzinel nib'ïx chi toq nab'än k'ïy chapoj ruwa, xtak'utuj qa chawe achike rub'eyal at k'äs toq re samajib'äl k'o ta pe pa Firefox. We xa xe nakanoj jun anin chuqa' ichinan okik'amaya'l richin yatok pa k'amaya'l chuqa' richin yaloq'o, yatikïr natojtob'ej Firefox, — toq rik'in jub'a' xawokisaj ri Safari ruma yakon chik pe pa ri okik'amaya'l. Pa ruk'isib'äl xtawïl achike ri yalan ütz nik'atzin chawe.

Taqasaj Firefox Browser

K'wayel:

K'wayel Firefox Safari
Wachel pa Samajel Q'inoj Ja' Manäq
Wachel pa ajoyonib'äl Samajel Q'inoj Ja' Manäq
Ximoj rik'in oyonib'äl Ja' Ja'
Runuk'samajel ewan tzij Ja' Ja'
Nab'ey ewan tzij Ja' Manäq

Firefox chuqa' Safari nusüj etamab'äl toq yaq'ax pa akematz'ib' rik'in ri awoyonib'al. Richin Safari, jun nïm rusamaj k'o ruchuq'a' chi rij ri rusamaj rutzeqelb'en. Ke'axima' ri taq ayaketal, taq ruwi', natab'äl chuqa' rik'in iCloud richin nik'oje' pa ronojel taq awokisab'al. Re nuq'ajuj chi yatikïr najäq jun ruwi' pa iPhone, chuqa' tiwachin pa macOS rik'in xa jun pitz'oj.

Firefox nusüj chuqa' jun samajib'äl richin ximoj toq natz'ib'aj ab'i' richin jun sipan Firefox Account ri nuya' q'ij chi ke ri okisanela' richin anin ye'axïm ri taq ayaketal, kinatab'al okem pa k'amaya'l, taq ajowab'äl, ewan taq tzij, etz'aqatisan pa nojwuj, taq tz'aqat chuqa' ri ruk'isib'äl 25 jaqon taq ruwi' chi kikojol jalajöj taq molaj. Ri nijachon Firefox rik'in Safari chi k'o pa xab'achike kematz'ib' o runuk'uche'el oyonib'äl, iOS, Android, Windows o macOS, ri nunimirisaj ruk'waxik pa xab'achike okisab'äl xtik'oje' pan aq'a'.

Ri ruchokoy Firefox richin iOS chuqa' Android jun chi ke chi anin okik'amaya'l k'o chuqa' jikïl taq rub'anikil chi rij jikomal — man nuya' ta q'ij noqäx: Jun nïm uchuq'a' to yatok pa okik'amaya'l chi kikojol jun kematz'ib' chuqa' oyonib'äl taq okisab'äl.

Qitzij chi ri Safari ajk'amaya'l rokik'amaya'l Apple ri ruximoj iCloud xa xe nisamäj kik'in rutikojil Apple. Re' rik'in jub'a' k'ayew jub'a', achi'el, wi ri jun rokisanel Android chuqa' jun iPhone o k'o jun PC rik'in Windows rik'in, richin nisamäj po nrokisaj jun iPhone achi'el rokisanel.

Taqasaj Firefox Browser

Chi jun Tojtob'enïk

Safari nub'än jun jeb'ël samaj toq k'o etamab'äl richin okem pa k'amaya'l jeb'ël relik anin nub'än, chuqa' majun k'ayewal toq at rokisanel Apple rik'in jalajöj taq rutikojil Apple. Achi'el ri Safari, Firefox jun anin chuqa' okisel okik'amaya'l, po ri richinanem chuqa' ri ruk'amoxik k'ïy nuk'uche'el, ke ja qab'anikil ri'. Firefox nik'extäj ik' ik' rik'in k'ak'a' rub'anikil chuqa' taq rusamaj, Achi'el, jun k'ak'a' ruk'exoj xutzïj ri Nimirisan Chajinïk chuwäch Ojqanem (ETP) ri k'o wi pe chupam chi kiwa ri okisanela', ri ütz yeruq'ät ri taq cookies chuqa' ri taq ojqanela' chi kikojol ri taq ruxaq.

Pa ruk'isib'äl, petenäq chi rij ri rejqalem rokik'amaya'l. K'o chupam ri rekosistema' Apple, Safari k'a jun jeb'ël samajib'äl. We naya' ruq'ij ri ruk'isib'äl chuqa' ütz taq ruchajinik ichinanem chuqa' yasamäj pa jalajöj taq samajel q'inoj, niqana'ojij chi ri Firefox yalan ütz samajib'äl. Firefox chuqa' jun kowiläj samajib'äl achi'el ruka'n okik'amaya'l kik'in ri cha'el taq rokisanela' Apple ri nikajo' nikijäl rik'in jun chik okik'amaya'l toq najowäx ruka'n taq ruchajixik ichinanem pa k'amab'ey.

Ri taq junamaxïk xeb'an wawe', xeb'an rik'in ri kinuk'ulem kik'amon pe chuqa' ri taq ruwäch xe'elesäx pe richin ri okik'amaya'l ke re':
Firefox (81) | Safari (14)
Re ruxaq nik'ëx pa taq ik' rik'in nik'aj richin yek'ut ri ruk'isib'äl taq ruwäch po rik'in jub'a' man jutaqil ta nuk'üt ri ruk'isib'äl taq ruwäch.