გადმოწერეთ Firefox-ბრაუზერი Chromebook-ზე

რატომ უნდა გამოიყენოთ Firefox Chromebook-ზე?

მართალია Chromebook-ს უკვე აქვს Chrome დაყენებული, მაგრამ Firefox-ის გადმოწერა და ყოველდღიურ ბრაუზერად გამოყენება იძლევა შემდეგ უპირატესობებს:

  • თვალთვალისგან მუდმივი დაცვა: ნაგულისხმევად, Firefox-ზე ჩართულია თვალთვალისგან გაძლიერებული დაცვა (ETP) თქვენი პირადი მონაცემების დასაცავად ცნობილი სარეკლამო მეთვალყურეებისგან, სოციალური ქსელებისგან და კროპტოგამომმუშავებელი სკრიპტებისგან, რომლებიც თან დაგყვებათ ვებსივრცეში.
  • მხარდაჭერა დამოუკიდებელი ტექნოლოგიების: რადგან ძირითადი ბრაუზერების უმეტესობა უკვე Chromium-ზეა დაფუძნებული, აღარ რჩება არჩევანი იმ საშუალებების, რომლებიც არ კვებავს ერთ დიდ ტექმანქანას. ხოლო Firefox-ს წარმოადგენს არამომგებიანი და ინტერნეტის სიჯანსაღეზე მომუშავე ხალხის გუნდი. Firefox-ის გამოყენებით კი თქვენც ამ საქმის მონაწილე ხდებით.

რთულია Firefox-ის დაყენება Chromebook-ზე?

ვისურვებდით უფრო მარტივს, მაგრამ Chromebook ამჯობინებს დაგტოვოთ Google Play-ის ეკოსისტემის ქვეშ. თუმცა, მიგვაჩნია, რომ გამართლებულია ძალისხმევა Firefox-ბრაუზერის დასაყენებლად Chromebook-ზე – და გთავაზობთ მითითებებს, რომლებიც ამაში დაგეხმარებათ. ორი გზაა, Firefox-ის თქვენს მოწყობილობაზე მოსახვედრად.

დააყენოთ Firefox პირდაპირ Google Play Store-იდან: ახალი ვერსიის Chrome OS (x86-ზე დაფუძნებულ Chromebook-ზე ეშვება Chrome OS 80 ან ახალი), გაძლევთ საშუალებას დააყენოთ Firefox აპლიკაცია Android-ისთვის. ეს აპლიკაცია განკუთვნილია მობილური მოწყობილობებისთვის.

ხელმისაწვდომია Google Play-ზე

დააყენოთ Firefox როგორც Linux-პროგრამა: ცოტა მეტი საფეხური დასჭირდება, მაგრამ ღირს ამად. როცა Firefox დაყენდება Linux-პროგრამის სახით, თქვენ გექნებათ Firefox-ის კომპიუტერის ვერსია ყველა მისი უპირატესობით, მათ შორის თვალთვალისგან გაძლიერებული დაცვით, ჩაშენებული პაროლების მმართველით, ათასობით დამატებასთან წვდომით (როგორიცაა UBlock Origin, რეკლამების შესაზღუდად) და თემებით, ბრაუზერის იერსახის მოსარგებად. იხილეთ ვრცლად, როგორ უნდა დაყენდეს კომპიუტერის Firefox-ბრაუზერი Chromebook-ზე.