Wulkotny internetny wobhladowak měł funkcionalnosć měć, kotruž trjebaće, portabelnosć přez graty a priwatnosć, kotruž sej zasłužiće.
Dokelž waš wobhladowak je waše wrota do interneta, maja spěšnosć, wěstota, priwatnosć a wužiwajomnosć prioritu. W zańdźenych lětach je za wjele ludźi Google Chrome wobhladowak z jich wólby był. Ale w času, w kotrymž so zda, zo wabjenje online nam wšudźe sćěhuje a datowe dźěry su stajny wobstatk hłownych nadpismow powěsćow, sej wjele ludźi wjace priwatnosće a respekta wot swojeho wobhladowaka žada.
Je tuž waš wobhladowak najlěpši za wašu aktiwitu online? Prawy wobhladowak móže wulki rozdźěl w tym wučinić, kak web dožiwjeće. Tohodla přirunujemy bjez wulkeho hołka Google Chrome, Firefox, Safari, Opera, Brave, Microsoft Internet Explorer a Edge, zo bychmy widźeli, kotry najlěpje wašim žadanjam wotpowěduje.
Wěstota a priwatnosć
Kotry wobhladowak najlěpje dowěrliwosć wobchowuje?
| Wěstota a priwatnosć |  |
 |
 |
 |
 |
 |
 |
|---|---|---|---|---|---|---|---|
| Priwatny modus |  |
|
|
|
|
|
|
| Blokuje slědowanske placki třećich poskićowarjow po standardźe | |
 |
|
|
|
|
|
| Blokuje kryptokopanske skripty | |
|
|
|
|
|
|
| Blokuje přesćěhowaki socialnych syćow | |
|
|
|
|
|
|
Njeje wopak, wulki niwow škita datow a priwatnosće wot produktow wočakować, kotrež prawidłownje online wužiwamy. Wobhladowak měł znajmjeńša „priwatny modus“ skićić, kotryž wašu historiju a pytansku historiju awtomatisce haša, zo njebychu druzy wužiwarjo na samsnym ličaku na nje přistup měli. Na tutym polu móžachu wšě sydom přirunanych wobhladowakow dypki hromadźić.
Štož online činiće, jenož was stara a nikoho druheho.
Dalša funkcija wobhladowaka, kotraž měła samozrozumliwa być, websydła a předewzaća při slědowanju wašich přehladowanskich a nakupowanskich datow haćić – samo w normalnym přehladowanskim modusu.
Wužiwanje wobhladowaka, kotryž přesćěhowaki třećich poskićowarjow blokuje, nic jenož za priwatnosć wažne njeje - tež zwjetša rěka, zo wobhladowak spěšnišo běži. Wjele přesćěhowakow je prosće skripty, kotrež na wjele websydłach w pozadku běža. Njemóžeće je widźeć, ale móžeće je čuć, hdyž so waš wobhladowak spomaluje. Wot wersije Firefox 67 so porstowe wotćišće a kryptokopaki blokuja. Jeli so z kryptokopakami njewuznawaće, tu je přikład, kak móža was potrjechić: Snano sće dožiwił, zo so waš ličak nadobo přećopleše abo baterija so spěšnišo hač hewak wuprózdnješe. To je husto pódlanski skutk, hdyž kryptokopaki na wašim graće łaža.
Wužitnosć:
Što je waš wobhladowak njedawno za was činił?
| Wužitnosć | |
|
|
|
|
|
|
|---|---|---|---|---|---|---|---|
| Blokowanje awtomatiskeho wothrawanja | |
|
|
|
|
|
|
| Rajtarkowe přehladowanje | |
|
|
|
|
|
|
| Zrjadowak zapołožkow | |
|
|
|
|
|
|
| Awtomatiske wudospołnjenje formularow | |
|
|
|
|
|
|
| Nastajenja pytawy | |
|
|
|
|
|
|
| Tekst do rěčenja | |
|
|
|
|
|
|
| Čitanski modus | |
|
|
|
|
|
|
| Prawopisna kontrola | |
|
|
|
|
|
|
| Webrozšěrjenja/přidatki | |
|
|
|
|
|
|
| Nastroj za fota wobrazowki we wobhladowaku | |
|
|
|
|
|
|
Nimo škitanja priwatnosće, kotrež so zwjetša w pozadku wobhladowaka stawa, stej wužiwarski powjerch a funkcionalnosć dalši klučowy wobstatk poradźeneho wobhladowaka. Skoro wšě sydom wobhladowakow su runohódne, štož rajtarkowe přehladowanje, rjadowanje zapołožkow, awtowudospołnjenje, prawopisnu kontrolu a rozšěrjenja nastupa. Firefox, Edge a Opera tež funkciju za fota wobrazowaki skića, kotraž so jako chětro praktiska wopokazuje a je na kóždy pad něšto, štož parujeće, hdyž naraz wobhladowak wužiwaće, kotryž tutu funkciju nima.
Portabelnosć
Kak waš wobhladowak na wšěch wašich gratach funguje?
| Portabelnosć | |
|
|
|
|
|
|
|---|---|---|---|---|---|---|---|
| Disponujomnosć dźěłowych systemow | |
|
|
|
|
|
|
| Disponujomnosć mobilnych dźěłowych systemow | |
|
|
|
|
|
|
| Synchronizacija z mobilnym gratom | |
|
|
|
|
|
|
| Rjadowanje hesłow | |
|
|
|
|
|
|
| Hłowne hesło | |
|
|
|
|
|
|
Prěni dypk, na kotryž dyrbi so nastupajo portabelnosć skedźbnić, je, zo nic wšě wobhladowaki na wšěch dźěłowych systemach funguja. Mjeztym zo Firefox, Chrome, Edge, Brave a Opera na wšěch wažnych systemach funguja a su lochko instalujomne, Internet Explorer a Safari jenož na systemomaj Microsoft a Apple funguja. Mobilna wersija Safari je na mobilnych gratach Apple předinstalowana, a najwjace gratow Android přińdźe z předinstalowanym wobhladowakom, kotryž je zhotowjer grata změnił. Firefox, Chrome, Brave, Edge a Opera dadźa so lochko instalować a samo porno sebi wužiwać.
Nimale wšě z tu přirunanych wobhladowakow synchronizaciju mjez desktopom a mobilnymi gratami dowoluja. Trjebaće konto, zo byšće to činił, kotrež móžeće wužiwać, zo byšće so pola wobhladowaka přizjewił a wěcy kaž hesła, přehladowansku historiju, zapołožki a nastajenja synchronizował.
Facit:
A dobyćer je…
Na zakładźe kriterijow, kotrež smy wobrysowali - priwatnosć, wužiwajomnosć a portabelnosć - je jenož jenički wobhladowak, kotryž wšěm žadanjam wotpowěduje, to je Firefox. Poprawny rozdźěl we funkcionalnosći njeje, ale w priwatnosći. Firefox je najpriwatniši wobhladowak, kotryž was do ekosystema njezamka. Móžeće jón na kóždym dźěłowym systemje a na wšěch wašich gratach wužiwać a so wšudźe wěsty čuć.
Wobhladowaki su so wot zawjedźenja Chrome dale wuwili a su wične podźěle přewzali. Najwjace modernych wobhladowakow je dźěru w portabelnosći a funkcionalnosći wupjelniło a na někotrych polach, kaž spěšnosć a priwatnosć, samo Chrome přetrjechiło. Ale wězo rozsud, kotry wobhladowak je prawy za was, wot wašich wosobinskich žadanjow wotwisuje, a wot toho, štož sej při přehladowanju online najwjace wažiće.
Tu přewjedźene přirunanja su so z standardnymi nastajenjemi a za wersije wobhladowakow takle činili:
Firefox (81) |
Chrome (85) |
Edge (85) |
Safari (14) |
Opera (67) |
Internet Explorer (11) |
Brave (1.14.81)
Tuta strona so kóžde štwórć lěta aktualizuje, aby najnowše wersionowanje wotbłyšćować a njepokaza přeco najnowše aktualizacije.
Firefox so wot powšitkownosći słužaceje organizacije Mozilla podpěruje.
Firefox wašu priwatnosć na prěnje městno staja - při wšěm, štož činimy. Wěrimy, zo wy maće prawo rozsudźić a z kimž swoje wosobinske informacije dźěliće. Firefox tak mało kaž móžno daty hromadźi a wone so ženje njepředawaja. Mało datow, kotrež hromadźimy, so jenož wužiwa, zo by produkty a funkcije polěpšowało. Žane potajnstwa. Ale wjele transparency a woprawdźiteje priwatnosće.
Firefox sćahnyć — Hornjoserbsce
Waš system najskerje žadanjam Firefox njewotpowěduje, ale móžeće jednu ze slědowacych wersijow pospytować:
Firefox sćahnyć — Hornjoserbsce
- Firefox sćahnyć
- Firefox sćahnyć
- Firefox sćahnyć
- Firefox sćahnyć
- Firefox sćahnyć
- Firefox sćahnyć
- Firefox sćahnyć
- Firefox sćahnyć
- Firefox sćahnyć
- Firefox sćahnyć