Firefox sćahnyć

Firefox so na Windows 8.1 a staršich hižo njepodpěruje.

Prošu sćehńće Firefox ESR (wersija za rozšěrjenu podpěru), zo byšće Firefox wužiwał.

Firefox so na macOS 10.14 a staršich hižo njepodpěruje.

Prošu sćehńće Firefox ESR (wersija za rozšěrjenu podpěru), zo byšće Firefox wužiwał.

Pokazki priwatnosće Firefox

Wěstotny přewodnik za wěsćiše přizjewjenja a hesła

Škitanje wašich kontow njetrjeba komplikowane być – a Firefox móže pomhać.

Waš system najskerje žadanjam Firefox njewotpowěduje, ale móžeće jednu ze slědowacych wersijow pospytować:

Firefox so na Windows 8.1 a staršich hižo njepodpěruje.

Prošu sćehńće Firefox ESR (wersija za rozšěrjenu podpěru), zo byšće Firefox wužiwał.

Firefox so na macOS 10.14 a staršich hižo njepodpěruje.

Prošu sćehńće Firefox ESR (wersija za rozšěrjenu podpěru), zo byšće Firefox wužiwał.

Pokazki priwatnosće Firefox

Přeco wjace sensibelnych, hódnotnych wěcow w našim žiwjenju so z přez hesło škitanymi kontami online škita – lubosćinske listy, akty pacientow, bankowe konta a wjace. Websydła přizjewjenske metody wužiwaja, zo bychu te hódnotne wěcy škitali. Hdyž nichtó njemóže so pola wašeho konta přizjewić, njemóže waše mejlki čitać abo pjenjezy z wašeho bankoweho konta přepokazać. Kak měli my naše přizjewjenja škitać, hdyž smy naše žiwjenja online žiwi?

Zjeće:

  • Wužiwajće připadne hesła, a wužiwajće druhe hesło za kóžde sydło
  • Kedźbujće na wěstotne signale wobhladowaka a budźće njedowěrliwy
  • Čińće swoje wotmołwy na wěstotne prašenja tak mócne kaž swoje hesła
  • Wužiwajće zrjadowak hesłow, zo byšće wutworjenje a składowanje hesłow wosnadnił
  • Wužiwajće „dwufaktorowu awtentifikaciju“, hdźežkuli móžeće

Hesła so ćežko maja

Najwjace přizjewjenjow so dźensa přez hesło škita. Jeli nadpadnik móže waše hesło dóstać, změje přistup k wašemu kontu a móže wšitko činić, štož wy móžeće z tym kontom činić. Jeli so tuž prašeće, kak wěste waše konto je, dyrbjał wy woprawdźe wo tym přemyslić, kak wěste waše hesło je. A to rěka, zo dyrbiće wo wšěch rozdźělnych móžnosćach přemysłić, z kotrymiž nadpadnik přistup k wašemu kontowemu hesłu ma:

  • Widźi, zo jo z njezaklučowanym websydłom wužiwaće
  • Zhóduje jo
  • Kradnje dataju, kotraž waše hesło wobsahuje
  • Wužiwa hesłowe wobnowjenje, zo by jo wróćo stajił
  • Pohnuwa was k tomu, zo jo jemu dawaće.

Zo byšće swoje přizjewjenje škitał, dyrbiće tak wjele z tych rizikow zadźěwać, jeli móžno. Kóžde riziko da so hinak redukować.

Pytajće zamk w swojim wobhladowaku

Je lochko, nadpadnikow při tym haćić, waše hesło kradnyć, hdyž so pola njezaklučowaneho websydła přizjewjeće: Přemsylće sej dwójce, prjedy hač swoje hesło zapodawaće, jeli w adresowym polu zamkowy symbol njewidźiće:

Začinjeny zamk so direktnje před websydłowej adresu w adresowym polu we wšěch hłownych wobhladowakach pokazuje.

Zamk woznamjenja, zo websydło, kotrež wužiwaće, je zaklučowane, zo njeby nichtó, kotryž waše přehladowanje w syći wobkedźbuje (na přikład druha wosoba w zjawnym WLAN-hotspoće), móhł waše hesło widźeć. Firefox budźe pospytować, was warnować, hdyž chceće swoje hesło na njezaklučowanym sydle zapodać.

Přešmórnjeny zamk podawa, zo zwisk wěsty njeje

Waš wobhladowak was tež wo tym informuje, kak dowěryhódne sydła su, zo by was před kradnjenjom datow škitał. Z druheje strony, hdyž pospytujeće websydło wopytać, kotrež je jako sydło znate, kotrež daty kradnu, Firefox (a kóždy wjetši wobhladowak) warnowanje na połnej wobrazowce pokaza – Dźiwajće na to a přemyslće sej dwójce, hač te sydło wužiwaće!

Firefox warnowanje město websydła pokaza, jeli wo sydło dźe, kotrež daty kradnje.

W cyłku je najlěpše zakitowanje přećiwo kradnjenju datow, zo tomu njedowěrjeće, štož dóstawaće, hač so w mejlce, tekstowej powěsći abo na telefonje jewi. Wopytajće sydło direktnje, město toho zo byšće so na to spušćił, štož je wam něchtó pósłał. Jeli wam na přikład mejlka zdźěla, zo maće swoje hesło za PayPal wróćo stajić, njeklikńće na wotkaz. Zapodajće město toho paypal.com. Jeli banka zazwoni, zazwońće wróćo.

Sylnosć we wšelakorosći

Potajnstwo, zo by zhódawanju, kradnjenju abo wróćostajenju hesła zadźěwało, je wjele připadnosće. Hdyž nadpadnicy pospytuja hesła wuhódać, činja zwjetša dwě wěcy: 1) Wužiwaja „słowniki“ – lisćiny hustych hesłow, kotrež ludźo kóždy čas wužiwaja a 2) wuhódaja je přez připad. Čim dlějše a připadniše waše hesło je ćim mjenje prawdźepodobnje je, zo jedna z tuteju hódanskeju technikow je namaka.

Hdyž nadpadnik datowu banku hesłow za sydło kradnje, kotrež wužiwaće (na přikład LinkedIn abo Yahoo), njemóžeće ničo činić, chibazo měnjeće swoje hesło za te sydło. To je špatne, ale škoda móže wjele wjetša być, jeli sće te hesło tež za druhe websydła wužił – potom ma nadpadnik tež přistup k wašim kontam tych sydłow. Zo byšće škodu zamjezował, wužiwajće přeco rozdźělne hesła za rozdźělne websydła.

Wužiwajće Mozilla Monitor, zo byšće e-mejlowe adresy we wóčku wobchował, kotrež su z wašimi kontami zwjazane. Jeli so waša e-mejlowa adresa w znatej předewzaćelskej datowej dźěrje jewi, dóstanjeće warnowanje a kroki, kotrež wy měł přewjesć, zo byšće potrjechene konto škitał.

Wěstotne prašenja: Holče mjeno mojeje maćerje je „Ff926AKa9j6Q“

Skónčnje wam najwjace websydłow zmóžnja, waše hesło wobnowić, jeli sće jo zabył. Zwjetša sej systemy žadaja, zo na někotre „wěstotne prašenja“ wotmołwjeće, prjedy hač móžeće swoje hesło wróćo stajić. Wotmołwy na tute prašenja dyrbja runje tak tajne kaž waše hesło być. Hewak móže nadpadnik wotmołwy wuhódać a hesło na něšto stajić, kotrež wón znaje.

Připadnosć móže problemy być, dokelž wěstotne prašenja, kotrež sydła husto wužiwaja, su tež wěcy, kotrež ludźo wo was wědźa, na přikład waše ródne městno, waše narodniny abo mjena wašich přiwuznych, abo kotrež dadźa so ze žórłow kaž socialne syće hromadźić. Dobra powěsć je, zo websydło so wo to njestara, hač wotmołwa je woprawdźita abo nic – móžeće łžeć! Ale łžiće produktiwnje: Podajće wotmołwy na wěstotne prašenja, kotrež su dołhe a připadne, kaž waše hesła.

Wobstarajće sej pomoc wot zrjadowaka hesłow

To wšitko chětro zatrašace klinči. Čłowjeski rozum njemóže derje z dołhimi slědami pismikow wobchadźeć, zabywši so na nje dopomnić. Tu zrjadowak hesłow do hry přińdźe. Zrjadowak hesłow je direktnje do wobhladowaka zaintegrowany a Firefox budźe so was prašeć, hač chceće jónkróćne, kompleksne hesło generować a potom swoje přizjewjenske informacije wěsće składować, ke kotrymž maće kóždy čas přistup w about:logins.

Hdyž sće pola Firefox ze swojim kontom Konto Mozilla přizjewił, móžeće mjeze wšěmi swojimi gratami synchronizować a maće přistup k swojim hesłam z mobilneho wobhladowaka Firefox. Zhońće wjace wo tym, kak móžeće zatwarjeny zrjadowak hesłow w połnej měrje wužiwać.

Dwufaktorowa awtentifikacija (2FA)

2FA je wulkotna móžnosć, wašu wěstotu powyšić. Hdyž nowe konto konfigurujeće, skića wam někotre sydła móžnosć, přizjewjenskemu procesej „druhi faktor“ přidać. Husto to rěka, zo swoje telefonowe čisło ze swojim kontom zwjazujeće. Po tym zo sće swoje hesło zapodał, namołwjeja was, wěsty kod zapodać, kotryž so direktnje na was scéle. Na tute wašnje njemóže hacker, kotryž spyta waše hesło dóstać, so do wašeho konta zadobyć, dokelž waš telefon nima.

Waše konto Konto Mozilla na přikład, da so z 2FA škitać, wo čimž móžeće tu wjace zhonić.

2FA wjele lěpšu wěstotu hač hesło same skići, ale nic kóžde websydło ju podpěruje. Móžeće na https://twofactorauth.org lisćinu websydłow namakać, kotrež 2FA podpěruja, a tež lisćinu sydłow, kotrež 2FA njepodpěruja a móžnosće, kak móžeće je namołwić, podpěru přidać.

Mócny, wšělakory a multifaktorielny

Chcyjo nochcyjo budźemy hesła wužiwać, zo bychmy waše konta online na dohladnu dobu škitali. Wužiwajće hesła, kotrež su mócne a rozdźělne za kóžde sydło, a wužiwajće zrjadowak hesłow, zo byšće sej je wěsće spomjatkował. Nastajće dołhe, připadne wotmołwy za wěstotne prašenja (samo hdyž woprawdźitosći njewotpowěduja). A wužiwajće dwufaktorowu awtentifikaciju na kóždej sydle, kotrež ju podpěruje.

W dźensnišim interneće, hdźež so tysacy hesłow kóždy dźeń kradnu a konta so na čornych wikach wikuja, so próca wupłaća, waše žiwjenje online škitać. Hdyž produkty Firefox wužiwaće, so wam dźěl prócy wotewza, dokelž wšě naše produkty su postajene, naše slubjenje priwatnosće dodźeržeć. A Firefox so přeco wot misije Mozilla wjedźe, powšitkownosći wužitneje organizacije, kotraž nas njese, zo by lěpši internet wutworiła.

Čitajće rozłoženje wo škiće datow za naše produkty