Firefox-produkten binne ûntwurpen om jo privacy te beskermjen

Jo soene beslisse moatte kinne wa't jo persoanlike gegevens te sjen kriget. Net allinnich ûnder jo freonen, mar by elke advertearder en elk bedriuw op ynternet – ek by ús.

Dêrom respektearret alles wat wy meitsje en dogge ús belofte oer persoanlike gegevens

Nim minder

Wy meitsje it punt om minder oer jo te witen

Alle technologybedriuwen sammelje gegevens om harren produkten te ferbetterjen. Mar se hoege net sa folle fan jo persoanlike gegevens te befetsjen. De iennige gegevens dy’t wy wolle binne de gegevens dy’t jo úteinlik ta nut binne. Wy freegje ús ôf: hawwe wy dit echt nedich? Wêr hawwe wy it foar nedich? En wannear kinne wy it fuortsmite?

Hâld it feilich

Wat wurkje hurd om jopersoanlike gegevens te beskermjen

Gegevensbefeiliging is yngewikkeld – of dat soe it yn elk gefal wêze moatte. Dêrom nimme wy ekstra stappen om de gegevens dy’t wy hawwe te klassifisearjen, hâlde wy rigels oan foar hoe’t wy elk type bewarje en beskermje, en stopje wy nea mei it ferbetterjen fan ús prosessen. Wy jouwe jo privacy prioriteit. Wy ynvestearje deryn. Wy binne deroan tawijd. Wy leare sels oare bedriuwen hoe’t se it dwaan moatte.

Gjin geheimen

By ús witte jo altyd wêr’t jo oan ta binne

Wy hawwe gjin ferburgen aginda. Us bedriuw is net ôfhinklik fan it stikem misbrûk meitsjen fan jo fertrouwen. Us Privacyferklearring is echt lêsber. As jo jo ferdjipje wolle yn elk datapunt dat wy sammelje: ús koade is iepen. En wy ek.

  • Wêrom kinne jo Firefox fertrouwe?

    Omdat wy minsken foarop stelle. Sterker noch, wy wurde stipe troch in non-profit. Fan it begjin ôf is it ús missy west om it ynternet en al har brûkers te beskermjen.

    Mear ynfo oer ús missy

  • Jo privacy, troch it produkt

    Firefox-produkten wurkje oars – omdat se ûntwurpen binne om foarearst jo privacy te beskermjen.

    Ynformaasje oer ús produkten

Lês de Privacyferklearring foar ús produkten