Slědkglědanje. Doprědkaglědanje.

Mozilla eksistěrujo, aby wótwórjonosć, inowaciju a šanse w interneśe spěchował.
Woglědajśo se dokradnjej, chtož smy a informěrujśo se wó někotarych z našych nejwětšych wudobyśow a mrocnikow.

  • 01

    Projekt Mozilla jo se pla Netscape 31. měrca 1998 startował, aby wužywarjam wuběrk póbitował a inowacije we webje doprědka pórał.

  • 02

    Z gjardosću njekomericelna organizacija, napórajo Mozilla produkty ako Firefox z misiju, wšuźi móc weba w rukach wužywarjow wóstajił.

  • 03

    Wěcej ako 10.000 sobustatkujucych jo swóju pódpěru za našu misiju zwurazniło, za tym až jo cełobocnu anonsu w The New York Times dnja zapłaśiło, gaž Firefox 1.0 jo w lěśe 2004 wujšeł.

  • 04

    Źinsa ma Mozilla sobustatkujucych na kuždem kontinenśe, inkluziwnje Antarktiku (źož Firefox wužywa se wót 80 % luźi).

  • 05

    Dodanki Firefox wam zmóžnjaju, swóje webdožywjenja pśiměriś a kontrolu wó nich wobchowaś. Wěcej ako 4 miliardow z nich jo se dotychměst wót wužywarjow ześěgnuło.

  • 06

    Mozilla jo směrodajucy w priwatnosći online z inowacijami wobglědowaka ako Do Not Track a Lightbeam, kótarež dawaju wužywarjam wětšu kontrolu nad jich wósobinskimi datami.

  • 07

    Našo globalne zgromaźeństwo jo pomógło, Firefox do wěcej ako 70 rěcow pśełožowaś, pśez což wobglědowak stoj wěcej ako 90 % swětowego wobydlarstwa k dispoziciji.

  • 08

    W lěśe 2008 jo 8.002.530 luźi Firefox za jadnučki źeń wóliło, aby Guinessowy swětowy rekord za “Nejwěcej ześěgnjenjow softwarowego nałoženja za 24 góźinow” dojśpiło.

  • 09

    Festiwal Mozilla jo naš nejwětše kuždolětne tšojenje, kótarež gromaźi sta kreatiwnych duchow, aby połnu móc a potencial weba zwopšawdniło.

  • 10

    Mozilla Webmaker źěła ze zaměrom, wěcej nazgónjony planet nastupajucy web napóraś a staja rědy k dispoziciji, kótarež pomogaja luźam, wěcej kontrolu nad jich žywjenim online dobyś.

  • 11

    Firedox za Android donjaso pśeglědowańske dožywjenje Firefox desktop na telefony a tablety. Stoj na Google Play k dispoziciji a jo se južo wušej 80 milionow razow ześěgnuł.

  • 12

    Mozilla Developer Network jo wót zgromaźeństwa nawjedowana webresursa, kótaraž staja wěcej ako 2 milionam woglědowarjam nejlěpšu dokumentaciju, rozpokazanja a rědy kuždy mjasec k dispoziciji.

  • 13

    Mozilla źěła, aby se wó web starał a jen ako źělonu zjawnu resursu k wužytkoju kuždego wobchował.

  • 14

    W lěśe 2013 jo Mozilla Firefox OS startował, aby połnu móc weba na smartfony pušćił a jaden raz wěcej kontrolu a wuběrańsku móžnosć za nowu generaciju luźi póbitował, kótarež su něnto online.

  • 15

    Źěło, kótarež Mozilla cyni, jo z pomocu źaseśtysacow jadnotliwych dobrowólnikow móžno, kótarež wěrje, až web by měł wótwórjony a za wšych pśistupny byś.