Linux-i është i lirë, me burim të hapët dhe që mund të përshtatet, por jo i imunizuar kundrejt problemeve të sigurisë dhe privatësisë. Ashtu si përdoruesit e sistemeve të tjerë operativë, përdoruesit e Linux-it përballen me censurim, survejim dhe hack-im.
Ç’është Mozilla VPN?
Mozilla VPN është një shërbim rrjeti virtual privat që përdor fshehtëzim të fjalës së fundit, me burim të hapët dhe nuk regjistron, ndjek ose i jep dikujt të dhëna të çfarëdo veprimtarie tuajën në rrjet. Ju lejon të lidheni me mbi 500 shërbyes në mbi 30 vende.
Pse të zgjidhet Mozilla VPN për Linux?
- I shpejtë dhe i qëndrueshëm: Mozilla VPN përdor protokollin WireGuard®, që ofron punim dhe qëndrueshmëri më të mirë se sa protokolle të tjerë VPN.
- Pa regjistra: Mozilla VPN nuk mban ndonjë regjistër mbi veprimtarinë tuaj në rrjet; nuk regjistrojmë cilët sajte vizitoni, apo të mbikëqyrim trafikun tuaj.
- Veçori shtesë sigurie: Ne përdorim bllokim DNS për të bllokuar reklama, gjurmues dhe malware. Teksa një shfletues mund të pengojë vetëm sajte të mos ju japin malware dhe t’ju ndjekin.
- Fshehtëzim në shkallë pajisjeje: Ndryshe nga VPN që fshehtëzojnë vetën trafikun e shfletuesit tuaj, Mozilla VPN fshehtëzon krejt trafikun e pajisjes tuaj, përfshi krejt aplikacionet dhe lojërat tuaja.
- Rrugëzim me shume hope: Për më tepër mbrojtje, Mozilla VPN mund ta fshehtëzojë trafikun tuaj dhe ta kalojë përmes dy vendndodhjesh, në vend se një, duke e bërë më të zorshme për këdo të ndjekë veprimtarinë tuaj internetore.
- Ndërfaqe e thjeshtë dhe intuitive: Lidhuni me një shërbyes përmes një klikimi të vetëm. Mundeni edhe të përshtatni rregullimet dhe parapëlqimet tuaja sipas nevojave.
- Ndihmon të rikthehet asnjanësia e rrjetit: Mozilla VPN ju ndihmon të rifitoni kontrollin mbi veprimtaritë tuaja internetore, duke i penguar furnizuesit e shërbimeve internet të reduktojnë gjerësinë e bandës për ju, ose t’ju bllokojnë sajte apo shërbime që nuk i pëlqejnë, apo që konkurrojnë me çka ofrojnë ata vetë.
- Klient GUI:Mozilla VPN përmban një klient GUI (ndërfaqe grafike përdoruesi), ndërkohë që disa shërbime VPN japin vetëm një version CLI (rresht urdhrash).
Duke përdorur Mozilla VPN, mund të rifitoni kontrollin mbi veprimtaritë tuaja internetore dhe të mbroni privatësinë dhe të dhënat tuaja. Shkarkojeni Mozilla VPN që sot dhe shijoni garanci kthimi parash brenda 30 ditësh, pa regjistra, pa yçkla dhe pa rreziqe.
Si të instalohet Mozilla VPN në Linux
Nëse përdorni një nga hedhjet e mbuluara në qarkullim të Ubuntu-së, ka dy rrugë për të instaluar paketat zyrtare mozillavpn të strehuara në Launchpad:
- Mënyra rresht urdhrash Ubuntu: Për udhëzime të hollësishme se si të instalohet Mozilla VPN duke përdorur mjete të mënyrës rresht urdhrash, shihni Si të instalohet Mozilla VPN në një kompjuter Linux.
- Ndërfaqe grafike përdoruesi Ubuntu: Shihni këtë artikull dhe ndiqni udhëzimet te ndarja “Shtim arkiva personalë paketash”.
Më tej, për shpërndarje Linux që nuk i mbulojmë, mund të merrni dhe të përpiloni kodin burim që nga depoja zyrtare në GitHub.