Mozilla

Me vështrimin pas. Me vështrimin përpara.

Mozilla ekziston që të promovojë të qenët të hapur, risitë dhe mundësitë në Internet.
Shihni më nga afër se cilët jemi, përfshi disa nga arritjet dhe pikat kulmore më të mëdha.

  • 01

    Projekti Mozilla zuri fill tek Netscape, më 31 Mars, 1998, për t’u ofruar zgjedhje përdoruesve dhe për të shpënë përpara risinë në Web.

  • 02

    Krenare për të qenët e vet jofitimprurëse, Mozilla krijon produkte si Firefox-i me një mision për mbajtjen e pushtetit të Web-it në duart e përdoruesve ngado.

  • 03

    Më tepër se 10000 kontribues shprehën përkrahjen e tyre për misionin tonë duke paguar për një reklamë te The New York Times sa një faqe e plotë, ditën e hedhjes në qarkullim të Firefox 1.0 më 2004.

  • 04

    Sot Mozilla ka kontribues në çdo kontinent, përfshi Antarktidën (ku Firefox-i përdoret nga 80% e popullsisë).

  • 05

    Shtesat për Firefox ju lejojnë ta personalizoni dhe të mbani kontrollin e punimit tuaj në Web. Deri sot për shtesat ka pasur rreth 4 miliardë shkarkime nga përdoruesit.

  • 06

    Mozilla, me risi shfletuesi si mekanizmi Mos Më Gjurmo dhe Lightbeam, që u japin përdoruesve kontroll më të madh mbi të dhënat e tyre personale, është në pararojë të privatësisë në internet.

  • 07

    Bashkësia jonë mbarëbotërore ka ndihmuar që Firefox-i të përkthehet në 70 gjuhë, duke e bërë shfletuesin të passhëm për më shumë se 90% të popullsisë së botës.

  • 08

    Më 2008, 8,002,530 njerëz zgjodhën Firefox-in brenda një dite të vetme, për të vendosur një Rekord Botëror Guinness për “Shumicën e Shkarkimeve të një Aplikacioni Software brenda 24 Orësh.”

  • 09

    Festivali Mozilla është veprimtaria jonë më e madhe vjetore, gjatë së cilës qindra mendje krijuese mblidhen tok për të parë në praktikë fuqinë e plotë dhe potencialin e Web-it.

  • 10

    Mozilla Webmaker punon për të krijuar një planet me më tepër dije mbi Web-in, duke ofruar mjete dhe projekte për të ndihmuar njerëzit të kenë më tepër kontroll mbi jetën e tyre në internet.

  • 11

    Firefox-i për Android e sjell te telefonat dhe tabletet shfletimin me Firefox në desktop. I passhëm prej Google Play-it, është shkarkuar më shumë se 80 milionë herë.

  • 12

    Rrjeti i Zhvilluesve Mozilla është një burim Web i mirëmbajtur nga bashkësia, që ofron dokumentimin, përkujdesoret dhe mjetet më të mira në qarkullim për më shumë se 2 milionë vizitorë në muaj.

  • 13

    Mozilla merret me përkujdesjen dhe ruajtjen e Web-it si një burim publik të përbashkët në përfitim të gjithkujt.

  • 14

    Më 2013-n, Mozilla hodhi në qarkullim Firefox OS-in për të çliruar fuqinë e plotë të Web-it në telefonët e mençur dhe për t’i ofruar edhe një herë kontroll dhe mundësi zgjedhjesh një brezi të ri njerëzish që po fillojnë të përdorin Web-in.

  • 15

    Puna që kryen Mozilla bëhet e mundur falë dhjetëra mijëra vullnetarëve që besojnë se Web-i do të duhej të mbetej i hapët dhe i përdorshëm nga të gjithë.