Il navigatur Firefox ed Opera èn dus dals navigaturs ch'èn da la partida da bell'entschatta e publitgeschan regularmain actualisaziuns enfin il di dad oz. Malgrà che Opera n'ha betg cuntanschì la medema derasaziun sco Firefox u Google Chrome po el quintar dapi ditg cun in dumber stabel dad utilisaders fidaivels. En quest test cumparegliain nus Opera cun noss navigatur Firefox areguard segirezza, protecziun da datas, utilitad e portabilitad per che ti possias decider tgenin navigatur ch'è il meglier per tes gust e basegn.
Segirezza e protecziun da datas
| Segirezza e protecziun da datas |  |
 |
|---|---|---|
| Modus da navigaziun privata |  |
|
| Blochescha cookies da terzas partidas che fastizeschan gia en la configuraziun predefinida | |
|
| Blochescha scripts criptominiers | |
|
| Blochescha fastizaders da social media | |
 |
Las directivas da la protecziun da datas dad Opera na descrivan betg precis tge datas che vegnan ramassadas ed en tge moda e maniera. En tscherts paragrafs vegn ditg ch'ils nums da titulars da contos, las adressas IP e las noziuns da tschertga vegnian resgistradas. Irritant ed inquietant è il paragraf davart il transfer internaziunal da datas. Cura, quant savens e pertge che tias datas ston vegnir transferidas dad in pajais a l'auter na vegn betg explitgà.
Las directivas da Firefox per la protecziun da datas explitgeschan cler e net tge datas persunalas che nus ramassain. Nossa unica finamira è da ta gidar da controllar tgeninas infurmaziuns che ti cundividas en l'internet.
Quai che pertutga la protecziun da la sfera privata en il navigatur Opera, datti in modus privat solid che ta permetta da navigar en il web senza ch'il navigatur protocolleschia tias activitads. Era en il modus da navigaziun normala èsi pussaivel da deactivar tschertas funcziuns da registraziun da datas en las configuraziuns cun activar il bloccader da reclamas ed adattar autras funcziuns da segirezza.
Cun la versiun la pli nova da Firefox è la protecziun avanzada cunter fastizaders activada tenor standard en il modus da navigaziun normala per che ti na stoppias betg perder temp cun ta fatschentar cun las configuraziuns da protecziun cunter fastizaders. Grazia a la protecziun avanzada cunter fastizaders blochescha Firefox activamain millis da fastizaders da terzas partidas ch'emprovan da ta suandar en la rait. Ti survegns in rapport da protecziun persunalisà che ta mussa quant savens che Firefox ha bloccà cookies da terzas partidas, fastizaders da medias socialas, improntaders e criptominiers durant che ti navigheschas en il web.
Nus sviluppain Firefox per persunas sco ti che dattan gronda paisa a la sfera privata ed a la segirezza. Perquai ramassain nus uschè paucas datas sco pussaivel dals utilisaders ed als mussain cler e net en tge maniera che nus las duvrain. Igl è mal dir co che Opera lavura en chaussas da protecziun da datas. Malgrà ch'i dat funcziuns solidas per la protecziun da datas, na san ins betg exactamain co els sez ramassan tias datas e las dattan vinavant. Firefox percunter è transparent e tegna pled areguard la protecziun da datas.
Funcziunalitad
| Funcziunalitad | |
|
|---|---|---|
| Bloccada da la reproducziun automatica | |
|
| Navigaziun cun tabs | |
|
| Administraziun da segnapaginas | |
|
| Emplenescha automaticamain formulars | |
|
| Opziuns per maschinas da tschertgar | |
|
| Sintesa vocala | |
|
| Modus da lectura | |
|
| Correctura ortografica | |
|
| «Web extensions»/supplements | |
|
| Utensil integrà per far maletgs dal visur | |
|
Senza dubi è Opera in navigatur che porscha bleras funcziuns cun in'interfatscha bain structurada e bunas opziuns da persunalisaziun. Cunquai che Opera sa basa sin Chromium po il navigatur profitar da la biblioteca vasta da funcziuns da Google Chrome. Firefox porscha bain era ina biblioteca vasta dad extensiuns per navigar, ma ella n'è betg talmain voluminusa sco quella da Chrome.
Sco Firefox porscha era Opera ina funcziun da defilada per ils tabs. Sche ti avras uschè blers tabs che quels n'han betg pli plazza sin il visur, fa il navigatur svanir els a l'ur empè d'als empitschnir adina pli fitg. Ultra da quai porschan tant Firefox sco era Opera in utensil per far maletgs dal visur che ta permetta da fotografar tes visur u ina part dad ina pagina-web. Dentant na po Opera betg fotografar l'entira pagina, mabain mo la part vesaivla.
Opera porscha ina massa funcziunalitads zuppadas en sia interfatscha simpla e bain adattabla. I dat per exempel in sustegn integrà per apps da messadis, sco il messenger da Facebook. Ultra da quai datti in lectur da novitads che metta a disposiziun artitgels da paginas-web e da medias che ti tschernas. La funcziun analoga da Firefox sa numna Pocket. Pocket è in servetsch gratuit per ina e mintgin cun in conto da Firefox. Cun Pocket pos ti chattar e memorisar facilmain artitgels e videos interessants ord l'entir internet. Ultra da quai vegnan recumandads divers artitgels che approfundeschan tes savair. Quels vegnan selecziunads dad umans da pel ed ossa che pensan bler e bain.
Areguard l'utilitad stat Opera a pèr cun Firefox. Opera è probablamain a la testa dal punct da vista da sia cumpatibilitad cun Chrome e ses access a lezza biblioteca vasta dad extensiuns. In auter factur impurtant da considerar è dentant che Opera sa basa sin Chromium e pretenda perquai bler dal processur. Era ses consum da RAM è cumparegliabel cun quel da Chrome ch'è enconuschent per sia utilisaziun immodesta da la CPU.
Portabilitad
| Portabilitad | |
|
|---|---|---|
| Disponibel per blers sistems operativs | |
|
| Disponibel era per sistems operativs mobils | |
|
| Sincronisaziun cun apparats mobils | |
|
| Administraziun da pleds-clav | |
|
| Pled-clav universal | |
|
Tant Firefox sco era Opera èn cumpatibels cun tut las plattafurmas, inclus Windows, macOS, Linux, Android ed iOS. Cun in conto da Firefox pon ins sincronisar facilmain ses segnapaginas, pleds-clav, tabs averts e la cronologia sin tut ils apparats annunziads. Il medem vala era per mintgin cun in conto da Opera. Dentant datti bleras websites, surtut quellas pli veglias che n'èn betg vegnidas actualisadas ils davos onns, che blocheschan cumplettamain la versiun la pli nova dad Opera. Sch'i ta stat pia a cor da pudair visitar per exempel il vegl blog da tes ex, stos ti resguardar che ti n'has eventualmain betg access ad insaquantas nischas pulvrusas da la rait sche ti utiliseschas Opera.
Ultra da l'applicaziun mobila regulara porscha Opera duas autras versiuns mobilas da ses navigatur: Touch e Mini. Touch cuntegna mo paucas funcziuns, è dentant concepì uschia ch'ins po utilisar l'app mo cun in maun. La versiun Mini ha la finamira da reducir il consum da datas e dad augmentar la sveltezza per connexiuns plaunas cun empitschnir graficas ed eliminar tscherts cuntegns. Era nus purschain ina versiun, actualmain mo experimentala da nossa applicaziun mobila da Firefox, FirefoxPreview che sa concentrescha sin la sveltezza e la segirezza.
Ils blers navigaturs ils pli derasads ozendi, cun excepziun da Safari, funcziunan senza problems sin tut las plattafurmas e tut ils apparats. Opera e Firefox n'èn nagina excepziun. Omadus navigaturs porschan ina portabilitad excellenta sin tut ils apparats.
Evaluaziun cumplessiva
Tut en tut è Opera in navigatur solid cun in'interfatscha bain structurada e bleras funcziuns nizzaivlas. Tuttina datti insaquants aspects critics en connex cun la protecziun da datas ed in problem cun la consumaziun considerabla da la capacitad dal processur. Schebain che Opera porscha in pèr excellentas funcziuns fitg nizzaivlas, crajain nus anc adina che Firefox restia il navigatur superiur pervia da sia prestaziun, sia tenuta clera en favur da la sfera privata dals utilisaders e sias directivas severas da la protecziun da datas.
La cumparegliaziun è vegnida fatga mintgamai cun la configuraziun da standard, a basa da las suandantas versiuns dals navigaturs examinads:
Firefox (81) |
Opera (67)
Questa pagina vegn actualisada duas giadas per quartal per evaluar las novas versiuns. Eventualmain na resguarda ella dentant betg las actualisaziuns las pli novas.