Translatescha ina pagina-web cun Firefox
Insatge dal meglier da l’internet è che nus pudain acceder a cuntegn da l’entir mund. Saja quai artitgels da novitads, blogs u era ina revista da tes ultims gadgets tecnics, ti chattas tut en il web apparentamain infinit. Cun la funcziun da translaziun la pli nova da Firefox translatescha quest utensil las paginas-web en temp real.
Fertant che auters navigaturs utiliseschan servetschs da cloud per quest intent, vegnan ils models da lingua da Firefox Translations telechargiads en il navigatur da l’utilisadra u l’utilisader e las translaziuns succedan là. Uschia che Mozilla na registrescha betg tge paginas-web che ti translateschas.
Sche ti translateschas ina pagina-web, resta quai privat
Sche tias translaziuns vegnan fatgas localmain, na bandunan naginas datas tes apparat e las translaziuns na dependan betg da servetschs da cloud. Quai vul dir che Mozilla na sa betg tge paginas-web che ti translateschas e qua tras sa distingua nossa funcziun dad auters utensils da translaziun.
Tge linguas vegnan actualmain sustegnidas?
Las suandantas linguas vegnan actualmain sustegnidas da la funcziun Firefox Translations:
- Български
- Deutsch
- Ελληνικά
- English
- Español
- Eesti keel
- suomi
- Français
- magyar
- Italiano
- Nederlands
- Polski
- Português
- Русский
- Slovenščina
- Türkçe
- Українська
Ed ulteriuras linguas sa chattan en la fasa da svilup!
Firefox discurra tia lingua
La funcziun da translaziun da Firefox è in’ulteriura purschida da Mozilla per mantegnair tes internet persunalisà e discret. Mozilla na registrescha betg las websites che ti translateschas. Cun milliuns utilisadras ed utilisaders sin tut il mund, vul Mozilla garantir che quels che utiliseschan Firefox emprendan, communitgeschan, partan e s’infurmeschan segund lur atgnas cundiziuns. Cumenza a navigar en tia lingua preferida cun telechargiar Firefox.
