L'internet è plain rauba impressiunanta, ma i dat bler cuntegn che na stat betg a disposiziun en tia lingua – milliardas persunas en tut il mund dovran in translatur mo per utilisar l'internet. Ti pos telechargiar Firefox en passa 100 linguas per ch'ils menus, avis e messadis da tes navigatur vegnian mussads en tia lingua. Quai na schlia dentant betg il problem da tut ils cuntegns impressiunants che ti chattas cun tes navigatur.
To Google Translate
Google Translate cun actualmain passa 100 linguas* vegn duvrà da milliuns persunas en tut il mund. Igl è dentant stentus da midar vi e nà tranter translate.google.com e la pagina che ti emprovas da leger. L'extensiun To Google Translate renda la translaziun da la pagina che ti visitas pli facila che mai.
Suenter l'installaziun pos ti simplamain selecziunar il text che ti vulessas translatar e cliccar cun la tasta dretga da la mieur per avrir in menu cun duas opziuns: 1) Ta maina a la pagina translate.google.com ed il text tschernì vegn endatà automaticamain en il champ da translaziun; u 2) Prelegia la frasa (cun agid da- Google text-to-speech). Quai è util sche ti emprendas ina nova lingua.
Mida la lingua en Firefox
Sche ti utiliseschas gia Firefox pos ti midar la lingua da tes navigatur u agiuntar linguas a l'interfatscha da Firefox. Ve a savair co.
*Cun l'extensiun To Google Translate pos ti actualmain translatar las suandantas linguas:
Afrikaans, عربي, Azərbaycanca, Беларуская, Български, বাংলা, Bosanski, Català, Čeština, Cymraeg, Dansk, Deutsch, Ελληνικά, English, Esperanto, Eesti keel, Euskara, فارسی, suomi, Français, Frysk, Gàidhlig, Galego, עברית, Hrvatski, magyar, Հայերեն, Bahasa Indonesia, íslenska, Italiano, 日本語, ქართული, Қазақ, ខ្មែរ, ಕನ್ನಡ, 한국어, Lietuvių, Latviešu, Македонски, മലയാളം, मराठी, Melayu, မြန်မာဘာသာ, Norsk bokmål, नेपाली, Nederlands, Polski, Português, Română, Русский, සිංහල, slovenčina, Slovenščina, Shqip, Српски, Svenska, தமிழ், తెలుగు, ไทย, Türkçe, Українська, اُردو, Oʻzbek tili, Tiếng Việt, isiXhosa, 中文, e dapli!