Firefox Browser ha Opera ha’e mokõi ñepyrũguáva kundahára ha ko’ág̃a peve ombohekopyahu gueteri. Péicha Opera ndohupytýi puruhára hetakue Firefox térã Google Chrome-pe, upéicharamo jepe oguereko heta tapicha oipurúva ha heta árama ha are guivéma. Ko jehechajeýpe, romoñondivéta pe kundahára Opera ore kundahára Firefox ndive tekorosã ha ñemiguápe, ijepuru ha ijeku’ekuaápe nepytyvõ hag̃ua eiporavokuévo mba’ete kundahárapa pe iporãvéva ndéve g̃uarã.
Tekorosã ha ñemigua
| Tekorosã ha ñemigua |  |
 |
|---|---|---|
| Kundaha Ñemigua reko |  |
|
| Ejoko kookie tapykuehoha mbohapyháva ijeheguiete | |
|
| Ejoko scritps criptomineriagua | |
|
| Ejoko tapykuehoha avaatygua | |
 |
Opera purureko ñemigua ndoguerekói ñehesa’ỹijo mba’eichaitegua marandu ombyaty ha mba’éichapa. Peteĩva vorépe, he’i ombyatyha mba’ete jára réra, IP kundaharape ha jeheka purureko. Pe ha’etéva ojekuaaporã’ỹva ha nembopy’atytýiva ha’e pe vore mba’ekuaarã tetãambueguáva ñembohasa; noñemyesakãiva araka’épa, py’ỹingue ha mba’érepa oñekotevẽ mba’ekuaarã tetãambueguáva ñembohasa.
Ko temiñemi purureko Firefox mba’éva hesakã ohechaukávo umi marandu mba’etéva pe ohupytyséva tenondeve ha’éva pe marandu emoherakuãva ñandutípe jehechameme.
Ñemigua ñemo’ã rehegua Opera kundahára ome’ẽ ayvu ñemi oikóva omoneĩva ñeikundaha ñandutípe pe kundahára ohapykueho’ỹre ne rembiapo. Pe ñeikundaha tapiagua, avei ikatu oipe’a heta tembiapoite mba’ekuaarã mbyatyha ombopypukúvo ñemboheko ombojuruja hag̃ua ñemurã jokoha ha omoĩporã ambue tembiapoite tekorosãgua.
Firefox rembiapokue ipyahuvéva ndive, ñemo’ã tapykuehoha iporãvéva rovake hendy ijypykue rupíva ñeikundaha tapiaguávape, upévare ani ohasa nde rehe aravo ñemboheko ndive eñemo’ã hag̃ua año tapykuehohágui. Pe ñemo’ã tapykuehoha iporãvéva rovake, Firefox ojokóma hetaiterei tapykuehohakuéra mbohapyháva nde rapykuehoséva ñandutípe. Oñeme’ẽ peteĩ marandu’i ñemo’ã nemba’etéva ohechaukáva mboy jeýpa Firefox ojoko umi kookie mbohapyháva, tapykuehoha ava ñandutietáva, tembipuru ñemokuãhũha ha umi criptominero eikundahakuévo ñandutípe.
Rojapo Firefox ndéve g̃uarãicha, ojepy’apýva ñemigua ha tekorosã peteĩteĩvare. Upévare rombyaty sa’imi marandu puruhára rehegua ha ore reko hesakã pe marandu jepuru rehegua. Hasy eikuaa hag̃ua mba’éichapa omba’apo Opera ñemigua ñema’ẽguivo. Oĩramo jepe ñemigua rehegua imbaretéva, pe mba’éichapa ombyaty ha omoherakuã imba’ekuaarã nahesakãmbái. Firefox opyta ro’e haguéicha ha rojapo romo’ã hag̃ua ne ñemigua.
Jepurúva
| Jepurúva | |
|
|---|---|---|
| Ñemboheta ijeheguíva jejoko | |
|
| Ñeikundaha tendayke ndive | |
|
| Techaukaha ñangarekoha | |
|
| Myanyhẽha ijeheguíva moĩmba | |
|
| Poravorã Jehekaha | |
|
| Moñe’ẽrã ñe’ẽme | |
|
| Moñe’ẽrã reko | |
|
| Jehaipy ñemoĩporã | |
|
| Jepysokue ñanduti/Tembipuru’i | |
|
| Tembipuru mba’erecha japyhyha kundahárape | |
|
Ndaipóri ñomongeta Opera ha’eha kundahára hembiapoite hetáva orekóva puruhára rechaha ipotĩva ha jeporavorã mba’etéva tuicháva. Opera ojejapo Chromium ári, ikatu oipurupaite arandukarenda jepysokue Google Chrome mba’éva. Firefox avei oreko ipukúva arandukarenda jepysokue jehecharãva, hákatu ndatuicháiva Chrome mba’éicha.
Firefox-icha avei, Opera ome’ẽ peteĩ mba’apo’are tendayke jeku’ére, he’iséva embojurujávo tendayke ijáva mba’erechahápe, oguenohẽ okápe mba’erechahágui omomichĩrangue tapiaite. Avei, Firefox térã Opera oguereko peteĩ tembipuru mba’erechaha japyhyha omoneĩva ejapyhývo ta’ãnga ne mba’erechahágui térã kuatiarogue vorégui. Upéicharamo jepe, pe tembipuru Opera nome’ẽi omoheñói hag̃ua pe jejapyhy guasu ñanduti kuatiaroguégui, pe ojehechahápe añógui.
Opera ome’ẽse heta mba’eporã kañymby imba’erechaha has’ỹva ijepuru. Techapyrãramo, oĩ ñepytyvõ pypegua ñe’ẽmondoha rembipurúpe g̃uarã, ikatúva Facebook Messenger. Avei oĩ peteĩ marandu moñe’ẽha ombyatýva haipyre tenda eiporavóva ha marandu me’ẽha. Peteĩchagua ojogueraháva kóva ndive Firefox-pe héra Pocket. Pocket ha’e peteĩ mba’epururã reigua Firefox mba’ete járape g̃uarã ojuhukakuaáva ha oñongatúva haipyre ha ta’ãngamýi iporãva ñanduti tuichaháichagui. Avei ome’ẽse heta haipyre ohechapyre yvyporaite ha ñamindu’upyre, omongakuaáva nemba’ekuaa.
Jepuru porã añetépe, Opera ha Firefox omba’apo ñekarãime ojovake opa ára. Opera ikatu itenondevehína pe ijokupytýpe ha pe ijeike jepysokue arandukarenda Chrome mba’évape. Hákatu pe tuicha mba’evéva ojehechava’erã ha’e pe Opera, oñemoheñói rupive Chromium ári, ha’éva peteĩ kundahára oikotevẽva heta momba’apoha oipurúva RAM oñemoñondivéva Chrome rehe, ojekuaáva oipuru haguére hetaiterei pe CPU.
Jeguerahakuaa
| Jeguerahakuaa | |
|
|---|---|---|
| Ojepurukuaa apopyvusúpe g̃uarã | |
|
| Ojepurukuaa pumbyry apopyvusúpe g̃uarã | |
|
| Oñembojuehe pumbyry ndive | |
|
| Ñe’ẽñemi ñangarekohára | |
|
| Ñe’ẽñemi ha’etéva | |
|
Firefox ha avei Opera ojokupyty opaite platafórmape, oĩhápe Windows, macOS, Linux, Android ha iOS. Umi Firefox mba’ete jára ikatu ombojuehe hechaukaha, ñe’ẽñemi, tendayke ijurujáva ha kundaha rembiasakue opaite ne mba’e’okápe. Upéicha avei oiko puruhára Opera mba’ete járape g̃uarã. Upéicharõ jepe, heta ñanduti renda, imbareteve umi tenda itujávape hekopyahu’ỹva heta arýma, ojokopaitéma pe Opera rembiapokue ipyahuvéva. Upévare, emomba’eguasúrõ tendápe jeike ha ãva ha’ekuaa pe blog "kichĩhakue" mba’e, ehecháta ikatuha ndereikéi heta ñandutirenda ijetu’uhápe eipurúramo Opera.
Pe tembipuru’i oku’éva oĩháichante, Opera oreko ambue mokõichagua ikundahára oku’éva: Touch ha Mini. Touch ipya’e hembiapoitépe, hákatu ojejapo ojepuru hag̃uáicha pya’e nde po peteĩme. Pe Mini katu oreko ohupytyséva omomichĩvo mba’ekuaarã jepuru ha ombopya’eve jeike imbeguehápe omboguejykuévo ta’ãnga ha omboguévo tetepy. Avei rome’ẽ apopyre mbohetáva, ñeha’ãrãva, ore rembipuru’i Firefox pumbyrýpe g̃uarã, Firefox Preview, oma’ẽva pya’ekue ha tekorosãre.
Heta kundahára, ápe noĩri Safari, ko’ág̃a rupi oiko apañuãi’ỹre opaite hendápe ha avei kundahárape. Opera ha Firefox oĩ ko’ã pa’ũme, mokõivéva ome’ẽ rehe jeku’ekuaa opavave mba’e’okápe g̃uarã.
Ñeha’ã tuichaháicha
Tuichaháicha, Opera ha’e kundahára oikóva, imba’erechaha potĩva ha hembiapoite iporã ha ojepurukuaáva. Upéicharõ jepe, oĩ heta jepy’apy ñemiguáva, avei peteĩ apañuãi oipuru rupi hetaiterei momba’apoha. Avei Opera oguereko hetamba’e ombohasy’ỹva ijepuru ojehecharamóva, roguerovia gueteri Firefox ha’eha kundahára yvatevegua ojehecháva hembiapokue rupi ha heko resakãva puruhára ñemiguápe ha omo’ãva ñemigua ikatuháicha.
Umi moñondive oñembohekopyre ápe ñemboheko ijypykuéva ndive ha kundahára peteĩchagua oñeguenohẽmbyre kóicha:
Firefox (81) |
Opera (67)
Kutiarogue hekopyahu 45 ára haguépe osẽ hag̃ua tembiapo ipyahuvévape ndohechaukáiva mbohekopyahu ipaháva.