Firefox ojoko kuãhũ ñandutigua rapykuehoha (fingerprinting)

Ejei umi maranduñemurã nderapykuehóvagui ñemokuãhũ (fingerprinting) jokoha ndive oĩva Firefox kundahárape.

¿Mba’e pe kuãhũ rapykuere jeujhu?

Pe kuãhũ rapykuere (fingerprinting) ñemoheñói ha’e jehapykueho ñandutípe hypy’ũvéva pe jehapykueho jepiguágui kookie rehegua. Pe kuãhũ rapykuere oñemoheñói pe mba’apohaguasu orekóvo mba’ete nemba’éva hardware, software, moĩmbaha ha oikehápe oguerohoryvéva ne mohendaha. Ne ñemboheko, mba’erechaha eipurúvape, teñoiha mohendapyre ne mohendaha ha avei ne ñanduti kundahára jeporavo, ikatu ojepuru oñemoheñói hag̃ua kuãhũ rapykuere.

Erekórõ mohendaha’i, PC térã smartphone ojepuruvéva, ombohasyvekuaa eikuaa hag̃ua ne mba’e’oka pe kuãhũ kuaaukaha ñemoheñói rupive. Upéicharõ jepe, ha’eñovérõ moĩmbaha, teñoiha ha ñemoĩporã erekóva, ndahasyivéta ehecha hag̃ua. Umi mba’apohaguasu oipurukuaa ko marandu ojueheguáva emoheñói hag̃ua kuãhũ kuaaukaha. Upévare Firefox ojoko kuãhũ kuaaukaha moheñoihára ojekuaávape, eipurukuaa hag̃ua jepysokue, téma ha ñemboava erohoryvéva nde myangekoi’ỹre maranduñemurã.

Kuãhũ ñandutigua ñemoheñói ivai ñandutípe g̃uarã

Pe kuãhũ kuaaukaha ñemoheñói (fingerprinting) omoneĩ ejehapykuehóvo heta jasy, emboguéramo jepe kundahára mbyatyhágui térã eipuru ñeikundaha ñemigua ayvu, ema’ẽ’ỹre erehague ndereipotaiha ejehapykueho. Oĩmaramo jepe jokupytypaite tete ypykuéva mba’e ha me’ẽhára kundahára mba’e umi kuãhũ kuaaukaha ha’e ivaikuaáva, ijepuru ñandutípe oguereko peteĩ tuichavéva tapiaite 10 ary ohasaramóva pukukue.

Firefox ojoko kuãhũ ñandutigua rapykuehoha (fingerprinting)

Firefox kundahára ipyahuvéva ne mo’ãta pe kuãhũ kuaaukaha rovake ojokóvo mba’ejerure mbohapyháva mba’apohaguasugua eike haguére kuãhũ kuaaukaha rapykuehohápe. Romba’apo kyre’ỹ rombojuruja hag̃ua tekoñemi ñemo’ã romboyke’ỹre ñanduti renda eikehápe tapiaite. (Emoñe’ẽvekuaa ko’ápe, ejaposéramo href="https://blog.mozilla.org/security/2020/01/07/firefox-72-fingerprinting/" rel="external noopener">aporeko mba’emimi.)

Ha ndaha’éi ñemoĩporã ñomimbyre ehekakuaáva. Pe Firefox apopyre ipyahuvéva, pe kuãhũ rapykuere jejoko ha’e ñemboheko ypyguáva, ñemoĩmbyre. Eike ne ñemo’ã ñemigua rupápe href="/gn/firefox/privacy/products/">ehecha hag̃ua mba’éichapa ohapykueho ehecha’ỹre ha mba’éichapa Firefox omboykekuaa.

Neremoneĩmo’ãi peteĩva nde rapykuehóvo nde rekovépe. Ndaipóri mba’érepa emoneĩta ñandutípe. Ndereguerekóiramo gueteri Firefox, emboguejy ha eñemo’ã umi kuãhũ rapykuerégui (fingerprinting).