Mozilla je’epy juapypyre

Roñeha’ãta romoĩ peteĩ ñanduti hesãiva

Ñandutiveve juruja ha opavavépe g̃uarã niko tembipuru porãite ñañomomarandu hag̃ua ha avei ñamba'apo hag̃ua oñondive. Upévare ore roipota ha roha'ãrõ yvypóra oñakãrapu'ãve ohóvo. Ñandtiveve rupive jaikuaa mba'epyahu, ñamboja'o opavave ndive jaikuaáva ha ñañandúva ikatuhag̃uáicha romyatyrõ taha'eha'e apañuãi oĩva ha ombohasa'asýva tapichakuérape ñande yvy ape árigua.

Pe pa aryetápe jahecha oiko jaipotáva heta hendáicha. Avei jaiko moañetehárõ ñanduti jepurupy mba'eguasuete jave ñemboja'o térã ñorairõse, ñembyai jeikovai jejaposéguinte jejapopy añetegua. Rohechakuaa tekotevẽ ojepuru ñanduti hendapeve. Rojapose ko'ág̃a.

  1. Roñeha’ãta rojapo peteĩ ñanduti oikepahápe opavavete tapicha arapy pegua, mba’evéichagua ava oñemboyke’ỹhápe ñanduti jeiképe, oĩhápe pa’ũ peteĩchaite opavavépe g̃uarã.
  2. Roñeha’ãta rojapo peteĩ ñanduti omongu’éva tapicha ñe’ẽ, ava rekoite ha peteĩteĩ he’iséva.
  3. Roñeha’ãta rojapo peteĩ ñanduti omongu’éva jepy’amongeta, ñe’ẽ poravopyre ha umi oikopyre ojehechakuaáva.
  4. Roñeha’ãta rojapo peteĩ ñanduti omokyre’ỹva ñepytyvõ opaite tekoha ndive, oñemba’apohápe oñondivepa opavavépe g̃uarã.

Mozilla he’ipyre

Ñanemba'e10Ñepyrũgua

Ñepyrũ 1 Ñanduti ha'e tekotevẽpy tuicháva teko ko'ag̃aguápe — tekotevẽtereíva kuaapýpe g̃uarã, ñomongetarã, ñepytyvõrã, ñemũrã, ñembosarairã ha ava'aty opavavete oikehápe.

Eikuaave

Ñepyrũ 2 Ñanduti ha'e peteĩ mba'e ava rembipuru arapyguápe g̃uarã ijurujáva ha jeikekuaaha.

Eikuaave

Ñepyrũ 3 Ñanduti oipytyvõva'erã opavave yvypóra rekove.

Eikuaave

Ñepyrũ 4 Pe tekorosã ha ñemigua avakuéra ñanduti pegua tekotevẽterei ha ndojehecháivaerã ikatúronte.

Eikuaave

Ñepyrũ 5 Avakuéra oguerekova'erã omohendaha ñanduti ha avei imba'ekuaa pe ñandutípe.

Eikuaave

Ñepyrũ 6 Pe ñanduti jeikoporã tembipuru opárupi ha'e umi tembiapo tekotevẽpy (tembiapo katupy, mba'ekuaarã, hetepy), mba'epyahu, ñeĩha pehenguekuéra yvy arigua oparupiete.

Eikuaave

Ñepyrũ 7 Pe software reigua ha ijurujáva omongu’e ñanduti jekakuaa opavave mba’éramo.

Eikuaave

Ñepyrũ 8 Umi tembiapo hesakãva oikóva tapicha ndive ohechauka oñeĩha oñondive añetete ha opaichaite.

Eikuaave

Ñepyrũ 9 Pe ñemurã jeike ko ñanduti ñemboguatápe ogueru heta mba’e porã, hákatu tekotevẽ ijoja viru rehegua ha mba’eporã opavavépe g̃uarãva.

Eikuaave

Ñepyrũ 10 Ñanduti jepuru opavavépe g̃uarãva ñemongakuaa ha’e hupytyrã tuicha mba’éva, oguerekova’erã ára, ma’ẽag̃ui ha jejapose.

Eikuaave