Eipurúramo Mac térã eguereko iPhone, eikuaa porã mba’éichapa ojepuru ñanduti kundahára Safari. Pe mba’e oumavoi henyhẽmbyre kundahára ijypykuévaramo opaite Apple apopyre puruhára katuete ome’ẽ mba’eporã ichupe, hákatu Firefox oguereko imba’eteéva tembiapoite aty ojapóva chugui jepurukuaáva ha ko’ág̃a ikatúma oñemoĩ ne kundahára ijypykuévaramo nde Mac ha avei nde iPhone-pe. Ko’ápe jaikuaáta mba’épepa ojuavy ore kundahára ha Safari iñemiguápe, ijepuru ha ijeku’ekuaa umi mba’e’oka pa’ũme.
Tekorosã ha ñemigua
| Tekorosã ha ñemigua |  |
 |
|---|---|---|
| Kundaha Ñemigua reko |  |
|
| Ejoko kookie tapykuehoha mbohapyháva ijeheguiete | |
|
| Ejoko scritps criptomineriagua | |
 |
| Ejoko tapykuehoha avaatygua | |
|
Ñemiguágui oiko téma ñomongetaha mba’apohaguasu tembipurupyahuguápe, ohechakuaávo ko’ẽreíre hetave tapicha okyhyje oñembyaíramo g̃uarã imba’ekuaarã, ñemurã rapykuehoha ha mba’evaiapoha ñandutípe. Hákatu oñeñe’ẽvo tembipuru rehe opavave oipuru oikundaha hag̃ua ñandutiete, ¿oñe’ẽnte térã ohecha mba’éichapa omohekorosãta imba’ekuaarã?
Oje’e haguéicha, Apple ha’e pe atyguasu ramoite omoingeve hague ñembosarái ñemiguáva. Nda’areiete, Apple ombotuicha tapykueho rug̃uaitĩ tendakuéra Safari peguápe, omboykéva ñemurãnguéra oikóva nde rapykuéri ñandutípe. Safari avei ome’ẽ ñe’ẽñemi imbaretéva mba’ete pyahúpe g̃uarã oimeraẽva ñanduti rendápe. Ha pe iCloud ryepýpe, ombojuehéma pe ñe’ẽñemi tekorosãme ambue mba’e’oka ndive.
Safari-cha, Firefox-pe roma’ẽ tapiaite ñemigua ha tekorosãre. Hákatu ojuavy Safari-gui, romotenonde ñemigua areterei guivéma. Péicha rupi, Mozilla (ore rogaguasu ypykue) ha’é kuri omoñepyrũva’ekue ñe’ẽnguéra tembipurupyahu rekohápe omongyhyje ñepyrũva’ekue ñemigua ñandutípe.
Ore ñeikundaha ñemigua reko ojoko umi tapykuehoha ha ombogue ne ñe’ẽñemi, kookie ha tembiasakue emboty vove. Hákatu avei ikatu emomba’apo ore rembiapoite ñemigua tenondeguáva oikekuaahápe ñeikundaha ha’etéva. Pe Firefox apopyre ipyahuvéva, ñemo’ã tapykuehoha iporãvéva rovake hendýma ijypykue rupi. Kóva omboyke umi mba’e tapykuehoha ichagua tenda ojuasáva nde rapykuehóvo eikundahakuévo ñandutípe. Avei, jahechávo Facebook orekoha apañuãi ñemiguáva ára ha ára, ore jepysokue Facebook Container oreko ñeikumbyrã. Facebook-pe hasyve nde rapykuehóvo ñandutípe, ojoguáva Safari ojapoháicha omboyke hag̃ua jehapykueho tendakuéra pa’ũme, hákatu Firefox añetehápe omoha’eño ne rembiapo Facebook pegua peteĩ mbyatyha ha’eñóvape omboykéva Facebook ani hag̃ua nderapykueho ojapóva ambue ñanduti rendápe. ¿Ma’erã peikuaase pehekáva WebMD-pe?
Tekorosãgua jaikuaátaramo, Firefox avei hekoatã. Eike vove Firefox-pe, ikatu eikutu pe votõ akatuagua pe ñe’ẽñemi korápe emoheñói hag̃ua ñe’ẽñemi tekorosãme ikatu hag̃uáicha emyanyhẽkuaa pe ñe’ẽñemi. Eñongatukuévo pe ñe’ẽñemi ipyahúva, rojeruréta ndéve eñongatúvo avei ne ñe’ẽñemi ñangarekoha moingepyre, Lockwise. Avei rome’ẽkuaa puruhárape ha mba’ete járape ambue apopyre reigua ha iporãva hérava Monitor nemomarandúva ijehegui ne mba’ekuaarãpa oñembyaikuaáramo.
Eipurútarõ Safari, eime porã eipuru aja Apple mba’e’oka. Hákatu Safari ojokupyty Apple mba’e’oka ndive, hákatu Firefox omba’apo Windows, macOS, iOS, Android ha Linux peg̃uarã. Péicha ikatu eipuru oimeraẽva mba’e’oka, Firefox nemo’ãta tekorosã ha ñemiguápe.
Jepurúva
| Jepurúva | |
|
|---|---|---|
| Ñemboheta ijeheguíva jejoko | |
|
| Ñeikundaha tendayke ndive | |
|
| Techaukaha ñangarekoha | |
|
| Myanyhẽha ijeheguíva moĩmba | |
|
| Poravorã Jehekaha | |
|
| Moñe’ẽrã ñe’ẽme | |
|
| Moñe’ẽrã reko | |
|
| Jehaipy ñemoĩporã | |
|
| Jepysokue ñanduti/Tembipuru’i | |
|
| Tembipuru mba’erecha japyhyha kundahárape | |
|
Apple ojekuaa hekoha ñemboty rupive ja’évo mba’éichapa omoheñói software ijapopyrépe g̃uarã. Hákatu App Store ryepýpe, ome’ẽse peteĩ vore mboguatahárape omoheñói hag̃ua mboguejyrã’i ha moĩmbaha ojapo hag̃ua kundaháragui imbaretevéva. Ko’ã jepysokuépe ikatu eikundaha App Store rupive ha ojuajukuaa Safari ndive.
Avei umi tembiapoite orekomeméva eha’ãrõva tapiaite kundaháragui, pe ñeikundaha tendayke ndive ha kundaha ñemigua, Safari avei oreko tembiapoite eha’ãrõ’ỹva. Techapyrã, peteĩ puruhára oikutúramo akatúa gotyo peteĩ ñe’ẽme oimeraẽ hendápe Safari kuatiarogue pa’ũme, ha upéi eikutu Heka, erekóta he’iséva ñe’ẽryru ha ñe’ẽ ñe’ẽryru he’isejojávape, App Store, ta’ãngamýi ha hetave. Umi jehecha Safari pehengueguáva ndahasýi emboavávo, omoneĩva itujávape ipytuhẽ porãvévo umi mitã’i oñepyrũvo oñandu oikuaaseha ñandutígui.
Safari chaite, Firefox amokyre’ỹ imboguatahára atýpe omoheñóivo moĩmbaha ha jepysokue kundahárape g̃uarã. Ha ore plataforma ha’e rupi ayvu ijurujáva, oĩ heta jeporavo ombojuajúva hetaiterei tembiapoite.
Avei, eñemboheraguapývo Firefox mba’etépe, eikekuaáta mba’epurukuéra ha’éva Pocket ojuajúva ne kundahára rehe. Pe votõ Pocket Firefox peg̃uarã omoneĩ eñongatúvo ñanduti kuatiarogue ha ta’ãngamýi Pocket-pe peteĩ jekutúpente, emoñe’ẽkuaa hag̃uáicha apañuãi’ỹ rehe eime eimehápe, jepémo ñanduti’ỹre.
Firefox avei iporã ta’ãngamýi ha mba’epúpe g̃uarã. Pe ñemboheta ijeheguíva jejoko ojuehéva kundahára ndive ha hendýva ijehegui, avave ñanduti rendágui ndosapukaimo’ãi eipepirũ’ỹre.
Screenshots ha’e ambuechagua ojepuruvéva oĩva Firefox kundahárape, omoneĩva ejapyhy hag̃ua hasy’ỹre pe ta’ãnga mba’erechaha pegua. Enohẽvo mba’erechaha jejapyhy ra’ãnga, eiporavokuaa marandurenda monguatia térã mba’e ñongatuhápe emoĩse, emyenyhẽrangue ne mba’erechaha.
Mokõivéva kundahára oguereko hetáichagua mba’e, avei umi tembiapoite ha’eñóva. Iporã ja’e avei ejapóramo heta mba’erechaha jejapyhy, eñeporandúta mba’éichapa eikoveraka’e ko Firefox rembiapoite eipuru’ỹre. Hákatu ehekáramo peteĩ kundahára ipya’e ha hekoñemíva eikundaha ha emba’ejogua hag̃ua, upévare ikatu eipuru Firefox, oime rire eipurúkuri Safari añoite oñemohendagua’u haguére pe kundahára ijypykuévaramo ne mohendahápe. Ipahakuévo, ehechakuaáta mavaitévapa pe mba’e iporãvéva ndéve g̃uarã.
Jeguerahakuaa
| Jeguerahakuaa | |
|
|---|---|---|
| Ojepurukuaa apopyvusúpe g̃uarã | |
|
| Ojepurukuaa pumbyry apopyvusúpe g̃uarã | |
|
| Oñembojuehe pumbyry ndive | |
|
| Ñe’ẽñemi ñangarekohára | |
|
| Ñe’ẽñemi ha’etéva | |
|
Firefox ha avei Safari ome’ẽ tembiapokueita oikóva eku’évo kundahára mesa arigua ha oku’ekuaáva ndive. Safari-pe, peteĩva umi imbaretevéva ha’e pe jeku’ejey. Ombojuehe techaukaha, tendayke, tembiasakue ha avei Cloud ojepurukuaa hag̃ua opaite mba’e’okápe. Kóva he’ise ikatuha ijuruja tendayke iPhone-pe ha ehecha macOS po peguápe eikutúvo peteĩ jeýnte.
Firefox avei ome’ẽ peteĩchagua ñembojuehe eñemboheraguapykuévo Firefox Account-pe omoneĩva puruhárape ombojuehévo techaukaha, kundahára rembiasakue, eguerohoryvéva, ñe’ẽñemi, myanyhẽha, moĩmbaha ha ipaháva 25 tendayke ijurujáva heta mohendaha pa’ũme. Omoambuéva Firefox-pe Safari-gui ha’e pe ojepurukuaaha oimeraẽva mohendaha térã pumbyrýpe, iOS, Android, Windows térã macOS, ombotuichavéva ijeku’ekuaa oimeraẽva mba’e’oka eguerekokuaávape.
Firefox rembipuru’i iOS ha Android peg̃uara ha’e peteĩva umi kundahára ipya’éva ojepurukuaáva ha oreko peteĩchagua hekorasãva ha jehapykueho’ỹva: netenondevéta eikundaháramo mohendaha oku’éva ha pumbyry ndive.
Jaikuaávo Safari ha’eha ñanduti kundahára Apple mba’éva, iñembojuehe iCloud omba’apo Apple apopyre ndive año. Kóva ikatu mba’e ojokóva pe, techapyrã, ha’érõ puruhára Android pegua ha peteĩ iPhone térã erekórõ PC Windows ndive emba’apo hag̃ua hákatu eipuru iPhone ne mba’e’okaitéramo.
Ñeha’ã tuichaháicha
Safari omba’apo porã ojapóvo ñeikundahágui hasy’ỹva, ipya’e ha iñapañuã’ỹva ha’éramo Apple puruhára heta Apple apopyre ndive. Péicha Safari-cha, Firefox ha’e kundahára ipya’e ha eipurukuaáva, hákatu ñemigua ha jokupyty iplatafórma hetáva ha’e ore peteĩchagua opa aragua. Firefox hekopyahu jasy ohasávape ipyahúva hembiapoitépe. Techapyrã, peteĩ mbohekopyahu ramoguáva omyandy ore ñemo’ã tapykuehoha iporãva rovake (ETP) ijypykue rupi puruhára pyahúpe g̃uarã, ojokóva kookie ha tapykuehoha tendakuéra pa’ũme.
Oĩmbávo, oñemomba’evéva ha’e pe kundahára. Reiméramo pe Apple rekoatýpe, Safari ha’e gueteri mba’e eipurukuaáva. Hákatu emomba’éramo eguereko ipyahuve ha iporãvéva ñemo’ã ñemiguáva ha ikatúva avei emba’apo heta apopyvusu oku’évape, roguerovia Firefox ha’eha pe iporãvéva. Firefox avei ha’e pe poravorã hatãvéva kundahára mokõihávaramo umi puruhára Apple añoitéva pegua omoambueséva ikundahára hekoambuévape umi aravo ehasátava ñandutípe g̃uarã oikotevẽva ñemo’ã ñemigua imbaretevéva.
Umi moñondive oñembohekopyre ápe ñemboheko ijypykuéva ndive ha kundahára peteĩchagua oñeguenohẽmbyre kóicha:
Firefox (81) |
Safari (14)
Kutiarogue hekopyahu 45 ára haguépe osẽ hag̃ua tembiapo ipyahuvévape ndohechaukáiva mbohekopyahu ipaháva.