Firefox Browser

Eg̃uahẽ pya’eve tendakuérape nde iPhone ha iPad rupive.

Ema’ẽ tendayke ijurujávare, ehekáva ha tenda erohoryvéva peteĩ hendápe año Firefox Browser iOS peg̃uarã ndive.

Emboguejy App Store rupive

Erekóke Firefox iOS peg̃uarã

Emoha’ãnga QR ayvu eñepyrũ hag̃ua

Emoha’ãnga QR ayvu ereko hag̃ua Firefox iOS-pe

Ejapo Firefox-gui kundahára ijypyguáva

Ko’ág̃a iPhone puruhára ha iPad oiporavokuaa ikundahára ypygua teéva. Péva he’ise ndaha’éi katuete eipuruva’erã Safari, ha ne kundahára pumbyrygua oñembojuehe kundahára mohendahagua ndive. Avei, embohekóvo Firefox kundahára ypyguávarõ, eipytyvõ mba’apohaguasu tembipurupyahugua ijeheguíva. Firefox ha’e kundahára oykekóva chupe tendaguasu viru’ỹguáva.

Ipya’e. Hekoñemi. Hekorosã

Eguerekóke nemba’etéva ñemihápe emboyke’ỹre ipya’etereikue. Avei, kundahára rembiapoite ha’evéva ome’ẽta ndéve pokatu erahakuaa hag̃ua ne rekoñemi, ñe’ẽñemi ha techaukaha tekorosãme eho ehohápe, oipytyvõva nde jeike ñandutípe.

Eiko ñandutípe tekoñemíme

Firefox oikuave’ẽ tekoñemi ñemo’ãve eikundahakuévo. Ijejeguite, ore Ñemo’ã rapykuehoha tuichavéva ojokóma tapykuehoha ha scripts ava ñandutieta rapykuehoháramo, kookie rapykuehoha tenda pa’ũme, criptominero ha kuãhũ kuaaukaha myesakãha.

Ne kundahára rembiasakue hembiasakue

Ejaposéramo péicha, eiporavokuaa jeike ha eheka ñeikundaha ñemigua reko. Ha oñembotývo pe ñeikundaha ñemigua reko, pe ñeikundaha rembiasakue ha umi kookie oguetéta ijeheguiete ne mba’e’okápe.

Erekove Firefox nde rekovépe

Embojuaju Firefox opaite mba’e’okáre eikundaha hag̃ua tekorosãme ha apañuãi’ỹre. Embojuehe mba’e’oka eraha hag̃ua nde rechaukaha eipuruvéva, tembiapo ñepyrũ ñongatupyre, ñe’ẽñemi ha ñeikundaha rembiasakue nendive. Avei, emondo tendayke ijurujáva pumbyry ha mohendahápe eku’ejey hag̃ua eheja haguégui.

Ejuhupaite pya’eve

Eguerekóta mba’eichaitépa ehekáta pe jehekaha rendápe ha eike pya’eterei tendakuéra eikevehápe jepi. Ehai ne porandu jehekarãva ha eguerekóta eipotáva ha ehekamavavoi ne mba’erekaha eipuruvévape.

Eñembojára mba’erechaha ñepyrũre

Eike pya’eve umi ñanduti vore eikotevẽhápe. Ehechapaite tendayke ijurujáva, ojeheka ramovéva, techaukaha ha tendakuéra eikeveha peteĩ hendápe añoite.

Ehechakuaa umi ehecharamovéva

Embojuruja tendayke pyahu Firefox-pe ehecha hag̃ua umi tenda eikeveha, nde rechaukaha ramovegua ha jehapyre ojehechavéva Pocket-pe. Firefox ne moinge pya’étava tendakuéra eipururamovévape ne pytyvõ hag̃ua ehekávape.

Mozilla rehegua

Mozilla iñapysẽ ojapo hag̃ua Ñanduti oipurukuaátava opavave roguerovia rupi ijuruja ha reiguáramo iporãveha oñemboty ha oñemohekochi’ĩrangue. Romoheñói upévare Firefox ha Pocket romomba’évo jeporavo, tekosakã ha ñema’ẽmeme.