Windows 10 ndive, Microsoft omoinge ikundahára Edge oñorairõ hag̃ua Firefox ndive ha Chrome, oikóvo chugui peteĩ kundahára oñemohenda ha yjypykuéva hetaiterei PCs jehepyme’ẽpyrévape. Péicha, poruharakuéra imbegue’íkuri ijepurúpe ha Microsoft ipahápe omonbe’u mba’éichapa omopu’ãta Edge jeporu kundahára ipyendáva Chromium ndive (Chromium ha’e apopyre kundahára ijayvu jurujáva Google) mba’éva. Jasyteĩ 2020 guive, kundahára Edge Chromium rehegua Microsoft mba’éva omyengovia umi Edge itujavévape. Ko Edge ojejapo Chromium ichagua Google mba’éva, oguerekóva heta tembiapoite omoambuéva chupe Chrome kundahárarõ Google mba’éva.
Ápe rombojovakéta ore Firefox Browser ha Chromium ndive Microsoft Edge he’iháicha ñemigua rupive, iporãngue ha ijeku’ekuaa, ne pytyvõkuaáva ehesa’ỹijo porãve hag̃ua mba’e kundahára ouporãve ndéve ha eguerohoryvéva.
Tekorosã ha ñemigua
| Tekorosã ha ñemigua |  |
 |
|---|---|---|
| Kundaha Ñemigua reko |  |
|
| Ejoko kookie tapykuehoha mbohapyháva ijeheguiete | |
|
| Ejoko scritps criptomineriagua | |
|
| Ejoko tapykuehoha avaatygua | |
|
Edge oĩma Windows 10-pe ha omba’apo pe jerére pa’ũ guasúpe, he’ise oipe’aha tembiaporape ha omboyke tembiaporape imarãva ohapykuehóvo ne mohendaha. Oreko tembiapoite SmartScreen gueroikepyre ohesa’ỹijóva ñanduti renda jehayhukue eike hague ha ojoko ñanduti renda imarãkuaáva. Omoĩporãve hag̃ua ñemigua, Edge omoneĩ eipurúvo mba’ekuaarã biométrico térã PIN Windows Hello ndive ñe’ẽñemi rendaguépe emoañete hag̃ua ñandutípe.
Firefox-pe, ore ñemigua purureko hesakã ha ojehai ñeikumbyrãicha. Upévavare, romba’apo heta hasy’ỹ hag̃uáicha iñemoñe’ẽ. Rojeguerovu romo’ãre tekorosã ha ñemigua ore poruhára rehegua. Pe ñemo’ã tapykuehoha iporãvéva rovake, ko’ág̃a hendýva ijypykue rupi, rojokóma hetave 2.000 tapykuehoha ijeheguiete. Tapykuehohakuéra ha’e umi ayvu pehengue’i ombyatyséva ejapóva heta ñanduti rendápe omoheñói hag̃ua peteĩ ta’ãnga ijetu’úva ha imba’emimi nemba’etéva, ombyaikuaáva ne ñemigua, ohechaukaségui ndéve marandu ñemurã iporãve hag̃uáicha.
Nde Ñemigua ñemo’ã ohechauka umi tapykuehoha ha kookie kuatiaroguekuéra ohejaséva, ha mboýpa ojokóra’e Firefox.
Firefox-pe, kundahára ñemigua reko ombogue ijehegui ne marandu kundaha rehegua taha’e ñe’ẽñemi, kookie ha tembiasakue, oheja’ỹre tapykuere emboty rire ne rembiapo. Edge, ambueháicha, oñongatu pe kundaha rembiasakue heko ñemiguáva (hérava “InPrivate”) ha ha’e tembiapo hasy’ỹva ijapo ne kundaha rembiasakue tuichaháicha, taha’e ne kundaha ejapópa heko tapiagua térã InPrivate rekópe.
Mokõivéva kundahára ojuehegua nunga imba’ekuaarã papapýpe. Upéicharamo jepe, pe ñemigua ha tesakã ñandutípe tuicha mba’érõ ndéve g̃uarã, upéicharõ Firefox ha’e nemba’erã.
Jepurúva
| Jepurúva | |
|
|---|---|---|
| Ñemboheta ijeheguíva jejoko | |
|
| Ñeikundaha tendayke ndive | |
|
| Techaukaha ñangarekoha | |
|
| Myanyhẽha ijeheguíva moĩmba | |
|
| Poravorã Jehekaha | |
|
| Moñe’ẽrã ñe’ẽme | |
|
| Moñe’ẽrã reko | |
|
| Jehaipy ñemoĩporã | |
|
| Jepysokue ñanduti/Tembiporu’i | |
|
| Tembiporu mba’erecha japyhyha kundahárape | |
|
Firefox ha’e kundahára ipya’e ha ijayvu jurujáva, he’iséva umi poruhára ikatuha omomba’ete ikundaha rembiapo opaichavorei. Firefox avei omoneĩ poruhára sapy’aguávape hetáichagua ñemomba’ete mba’erechaha poruhára mba’e hetáichagua téma ha téma ha tembiporu renda ñemboheko ndive. Péicha ore kundahára tapiaite ijayvu juruja, roguereko heta ore rayhúva omoheñóiva tuicháva moĩmbaha arandukarenda ha jepysokue kundahárape g̃uarã.
Ehechávo Edge ovaha Chromium-pe oipurúvo añetehápe moheñoiha, eha’arõkuaa oku’e mbeguevévo, ha péicha oikokuaa orekóramo heta tembiaporape oku’éva oñondive. Upéicharõ jepe, Chromium plataforma ndive, oúma arandukarenda tuicháva avei peteĩchagua ñemomba’etéva mba’erechaha poruhára mba’éva Edge ndorekóiva kuri ohasa mboyve Chromium-pe.
Edge oreko peteĩchagua puruháva rechaha, ha’éva tendayke jehecha ñepyrũ nepytyvõtava eheka hag̃ua tendayke ijurujáva oikóva eguerekórõ heta ijurujahápe. Ambuechagua oikóva ojogueraháva tendayke ndive omoneĩ emboykévo tendayke oikóva eiporu’ỹva, hákatu nerembotyséiva.
Firefox ohechauka mba’erechaha rendayke ñemongu’ekuaa ndive ohechaukáva tendayke marandu ha omongu’e yvate gotyo omomichĩrangue kuatiarogue ra’ãnga’ícha. Avei, embojurujajeývo tendayke pyahu, ore Pocket rembiapoite ome’ẽse ndéve moñe’ẽrã ha tetepy iporãva ndéve g̃uarã. Avei, Pocket ndive, eñongatukuaa, peteĩ jekutu ndive, haipyre, ta’ãngamýi ha ambue tetepy, emoñe’ẽ hag̃ua ag̃ave.
Firefox ha Edge ome’ẽ moñe’ẽrã oikóva. Firefox ndive, epokóntema ta’ãnga’i jehekaha rendápe ha pe kundahára omboguépáta mba’epurukuéra tekoteve’ỹva ha ome’ẽta ndéve jehaipyre ipotĩva. Edge-pe epokova’erã pe aranduka ra’ãnga’i michĩva eguereko hag̃ua poruhára mba’erechaha ipotĩva ha hasy’ỹva iñemoñe’ẽ.
Firefox avei omoinge tembiapoite oikóva orekóva ijypykue rupi, Tapykuehoha ñemo’ã tuicháva, tembiporu mba’erechaha japyhyha moingepyre, marandurenda guasu mondo ha hetave.
Ñepyrũha guive, Firefox oguereko hetaiteve tembiapoite ha umi ñembyaty oikéva kundahárape ha hasy’ỹva imboguejy. Ha mokõivéva kundahára oguerekóramo jepe heta moĩmbaha ha avei jepysokue eiporukuaáva, Edge’s ojokupyty Google’s Chromium mba’éva plataforma ndive ome’ẽtava ndéve mba’eporã hetakuépe.
Jeguerahakuaa
| Jeguerahakuaa | |
|
|---|---|---|
| Ojeporukuaa apopyvusúpe g̃uarã | |
|
| Ojeporukuaa pumbyry apopyvusúpe g̃uarã | |
|
| Oñembojuehe pumbyry ndive | |
|
| Ñe’ẽñemi ñangarekohára | |
|
| Ñe’ẽñemi ha’etéva | |
|
Internet Explorer ndive, Microsoft oikuaa ndorekoiha tembiapo opaite platafórmape ha oipytyvõ Edge-pe ojeporukuaa hag̃ua iOS, Android, Windows, macOS ha vokoiete Linux-pe.
Firefox ojeporukuaa iOS, Android, Windows, macOS ha Linux ndive heta ary. Ha eha’arõháicha oimeraẽva kundahára pyahúpe, Firefox omoneĩ emoñepyrũvo tembiapo mba’ete reigua ndive ha embojuehe mba’ekuaarã ha’éva ñe’ẽñemi, kundaha rembiasakue, techaukaha ha tendayke juruja mohendaha, tabléta ha pumbyry pa’ũme. Omoneĩ ndéve ñembojuehe plataforma ndive.
Edge omoneĩ embojuajúvo mba’ete Microsoft pegua ojuajúva ha eñepyrũ tembiapo embojuehe hag̃ua erohoryvéva, tembiasakue, ñe’ẽñemi ha hetave ne mohendaha ha iOS térã Android mba’e’okápe.
Ñeha’ã tuichaháicha
Oguerekóramo jepe mbarete tembiporupyahúpe, Edge hembiapóva Chromium-pe ombohovái heta tekotevẽ tembiapoite ha poruhára peteĩchaguáape. Hákattu oreko gueteri heta myesakãrã kundahára ñemigua ñemo’ã rehegua. Ore roha’ãháicha, Firefox ha’e iporãvéva hetave tapichápe g̃uarã oiporúva ára ha ára, ndaha’éi hembiapoitégui año, avei pe iporãvéva, ore rekosakã pe mba’éichapa rombyaty poruhára mba’ekuaarã, mba’etépa pe rombyatýva, ha mba’épa rojapo pe marandúgui. Pe ore mba’apohaguasu tuichavéva Mozilla, peteĩ atyguasu viru’ỹgua omba’apóva ñemigua ha ñanduti sãsóre, ja’eporãtaramo roguereko peteĩ aty iñambuéva imba’epotápe poruhára mba’ekuaarã rehegua.
Ja’eporãvévo, roipotáramo jepe peiporu Firefox, pe kundahára iporãvéva ndéve ha’éta pe nde eiporusevéva emba’apokuévo ha ojokupytýva jepysokuére, tembiporu ñemomba’ete kundahára rehegua, ipya’ekue, ñemigua ha tekorosã.
Umi moñondive oñembohekopyre ápe ñemboheko ijypykuéva ndive ha kundahára peteĩchagua oñeguenohẽmbyre kóicha:
Firefox (81) |
Edge (85)
Kutiarogue hekopyahu 45 ára haguépe osẽ hag̃ua tembiapo ipyahuvévape ndohechaukáiva mbohekopyahu ipaháva.