Pe kundaháraicha avei Firefox, kundahára Brave ha’e reigua, ijayvu juruja ha omba’apóva omo’ã hag̃ua poruhára ñenigua. Brave ipyahu gueteri kundaharaháicha arapýpe: imoheñoihára, pe software Brave, ohechauka ñepyrũ jasyteĩ ary 2016 jave. Ko jehaipyrépe romoñendivéta ore Firefox kundahára Brave ndive mbohapyjey: hekoñemi, poruporã ha jeku’ekuaápe.
Tekorosã ha ñemigua
| Tekorosã ha ñemigua |  |
 |
|---|---|---|
| Kundaha Ñemigua reko |  |
|
| Ejoko kookie tapykuehoha mbohapyháva ijeheguiete | |
|
| Ejoko scritps criptomineriagua | |
|
| Ejoko tapykuehoha avaatygua | |
|
Pe kundahára Brave, ambuéicha avei, ojejapo ayvu Chromium pe ayvu ijurujáva Google rehegua. Ayvu juruja he’ise oimeraẽva ikatuha oiporu pe ayvu reñoiha ha ombojo’a ojapo hag̃ua ojaposéva umi kundahára Opera ndive ha Edge. Hákatu kóva nde’iséi opavave kundahára ipyendáva Chromium ndive ojojoguaha térã ayvu ijurujáva.
Brave ojuavy umi ambue kundahára Chromium oma’ẽvévo umi poruhára rekoñemíre — ojokohápe tapykuehoha, mbohapeha rape ha ñemuha ijypyguáva. Péicha pe eiporúvo pe kundahára Brave, umi ñanduti renda pegua ohechaukáva ñemuha ojehecha pa’ũ nandíramo. Ndahetái hendápe, umi kuatiarogue henyhẽ hekopete, oikotevẽta eiporavo kundahára iñambuéva térã emoambue pe ñemboheko «Escudos Activos» rehegua oipe’áva ñemo’ã ñemigua ha tekorosã rehegua.
Ñanduti tuichaháicha ohepyme’ẽ marandu ñemurã rupive, omoneĩva ehecha hag̃ua tetepy reiete. Brave omoambuese koichagua omoakãrakúvo poruharakuérape oiporavóvo pe jopói Brave ome’ẽva, ha’éva marandu ñemurã imba’evavoi. Peteĩ poruhára oñemboheraguapy vove, Brave ohechauka ha’ekuéra ohenóiva “marandu’i ipoyhúva ñemigua” ikatúva ehecha ha hendive eganáta ha’ekuéra ohenóiva peteĩ token kyhyjerã, avei ojekuaáva BAT-ramo. Ko’aguiete, umi poruhára Brave pegua ikatu oiporu BAT oykeko hag̃ua tendakuéra térã tapichakuéra ohayhúva, avei omoambuekuaáva umi BAT viru añetetépe.
Kóva hasýramo téra mba’e iporãva, ikatu oñembojoja pe mba’epochy eguerekóva marandu oñemoha’ãngáva ñandutípe rehe. Heta umi poruhára ñandutigua ohechakuaa pe tetepy iporãramo hepyha ha upévare ojehechaporã pe viru ouha maranduñemurãgui.
Embojerévo viru’atã, kundahára Firefox ndive, roguerekose mba’ekuéra hasy’ỹre. Firefox ojoko ijypykue rupi heta tapykuehoha mbohapyháva, criptominero ha ñemokuã hũ rapykuehoha ani hag̃ua nde rapykueho. Upéicharamo jepe, Firefox, okágui kundahára ñemigua ayvúgui, oiporavo ndjokóivo umi marandu osẽvo mba’erechahápe. He’iséva, neremohendái mba’érõ peteĩva umi jepysokue ojejapóva pevarãitevoi.
Oĩ hetaichagua tekorosã Brave-pe emomba’ekuaáva, ha’éva ñembohekopyahu ijeheguíva HTTPS jeiképe (Firefox ome’ẽkuaáva jepysokue ndive ). Brave ha Firefox ome’ẽkuaa poruhárape ñe’ẽñemi ñangarekohára ypygua ha ehechajey hag̃ua ne rekorosã rapykuere ejapose vove. Brave ohechauka tapykuere ha’éva tapykuehoha papapy ojokóva embojurujajeývo tendayke pyahu. Firefox ohechauka marandu ojojoguáva ehechávo ne rekoñemi marandu eikekuaahápe ejapose vove eikutúvo pe jokoha kundaharape rendápe.
Oñemohu’ã pe Brave ñemoinge umi tokens ñema’ẽrã ñemoinge ikatuha hasýva ijeporu heta poruhápe g̃uarã, umi kundahárape Brave avei Firefox ome’ẽ hetáichagua eikundaha hag̃ua tekorosã ha tekoñemíme.
Jeporúva
| Jeporúva | |
|
|---|---|---|
| Ñemboheta ijeheguíva jejoko | |
|
| Ñeikundaha tendayke ndive | |
|
| Techaukaha ñangarekoha | |
|
| Myanyhẽha ijeheguíva moĩmba | |
|
| Poravorã Jehekaha | |
|
| Moñe’ẽrã ñe’ẽme | |
 |
| Moñe’ẽrã reko | |
|
| Jehaipy ñemoĩporã | |
|
| Jepysokue ñanduti/Tembiporu’i | |
|
| Tembiporu mba’erecha japyhyha kundahárape | |
|
Pe ikatúva omondýi ndahetái Brave poruhára pyahúpe ha’e pe pya’eterei henyhẽre umi kuatiarogue kundahárape. Ha pe mba’ére pya’ete umi kuatiarogue ñemyanyhẽ ha’e ejoko rupi opaichagua marandu ñemurã pypegua. Oĩre sa’ive henyhẽva’erã, upévare oiporu’ive aravo’i.
Pe RAM mandu’arenda, Brave kundahára ipohyieteve Firefox-gui. Brave oumavoi tenyhẽ reheve heta mba’e ha “moĩmbaha” ikatúva oñemboja umi RAM jeporuve rupi. Firefox, ambueháicha, omoneĩ añetehápe ndete embojuaséramo umi moĩmbaha ha jepysokue.
Pe mba’eporu ñemboava ha poruhára rechaha téma ha’e umi poruhára ohecharamovéva Firefox rehegua heta arýma ha ore mboguatahára rekoha omoheñóima arandukarenda tuicháva moĩmbaha ha jepysokue ijayvu jurujáva omoneĩva ñemboava ha tembiapoite tuicháva. Tembiapoite oumavoi Firefox ndive emboguejývo oĩhápe ore tembiporu japyhyha imbaretéva, tembiapoite jeikekuaaha ha Pocket ndivegua, mba’eita omoneĩva poruhárape oñongatúvo pya’e jehaipyre omoñe’ẽkuaáva uperire oimeraẽva mba’e’okápe.
Brave avei ojokupyty arandukarenda jepysokue ojeporukuaáva ñandutirenda ñemuhápe Google Chrome ha ome’ẽkuaa heta tembiapoite kundahárape pe oje’epyre Brave Tembiaporape jopoiguáva ha pytyvõ emboguejy hag̃ua torrents kundahárape.
Jeguerahakuaa
| Jeguerahakuaa | |
|
|---|---|---|
| Ojeporukuaa apopyvusúpe g̃uarã | |
|
| Ojeporukuaa pumbyry apopyvusúpe g̃uarã | |
|
| Oñembojuehe pumbyry ndive | |
|
| Ñe’ẽñemi ñangarekohára | |
|
| Ñe’ẽñemi ha’etéva | |
|
Pe ñembojuehe jejapokuaa ñe’ẽñemi, jepysokue, myanyhẽha mba’ekuaarã, moĩmbaha ha ambue erohoryvéva opa mba’e’oka ha apopyvusu oku’éva ha’e peteĩchagua ojeporukuaáva heta ary Firefox ndive. Umi mba’ekuaarã mbojuehepyre avei oñembopapapy, he’iséva ndaikatuiha avave oike pype oka guive.
Firefox kundahára avei ome’ẽ poruhárape oñemboheraguapývo ereko hag̃ua Mozilla mba’ete reiete. Erekóvo mba’ete Mozilla mba’ete ha’e nepytyvõkuaáva embojuruja hag̃uã mbojuehe mba’e’okakuéra pa’ũme, avei orekóta hendive apopyre Firefox Monitor oma’ẽag̃uíva ne ñanduti veve kundaharapére ha neatõi ne marandu oĩraramo ojekuaávape mba’ekuaarã ñembogua.
Brave avei og̃uahẽramo pe mba’ekuaarã ñembojuehekuaápe umi opopyvusu oku’éva ojekuaavévape, avei ombojuehekuaa umi tokens ojeporukuaáva.
Ñeha’ã tuichaháicha
Ñamoñondivévo mokõivéva kundahára, péicha Firefox ha avei Brave ome’ẽkuaa ambuéva ñemigua ha tekorosã ijypykue rupi, eiporukuaáva eike ñepyrũete guive.
Pe maranduñemurã ñemyengovia Brave ha’e peteĩ jere mba’éichapa oñehepyme’ẽ umi maranduñemurã ñehepyme’ẽguáva ha jehepyme’ẽ jehekaguáva. Hákatu, jeyvoi, heta ñanduti poruhára ndoikesetereimo’ãi umi tenda jehepyme’ẽ’iha nde aravo ha ne ñema’ẽ rekovia.
Tuichaháicha, Brave ha’e kundahára ipya’e ha hekorosãva orekóva jehayhu umi criptomoneda poruháragui. Hákatu opavave tapicha Ñanduti poruhárape, Firefox ha’e gueteri iporãve ha ndahasýiva ijeporu.
Umi moñondive oñembohekopyre ápe ñemboheko ijypykuéva ndive ha kundahára peteĩchagua oñeguenohẽmbyre kóicha:
Firefox (81) |
Brave (1.14.81)
Kutiarogue hekopyahu 45 ára haguépe osẽ hag̃ua tembiapo ipyahuvévape ndohechaukáiva mbohekopyahu ipaháva.