Ñemigua. Jepurúva. Jeguerahakuaa.

Emoñondive umi pokõi kundahára iporãvéva

¿Ehekápa kundahára iporãvéva? Ñambojojami Firefox, Chrome, Edge, Safari, Opera, Brave ha Internet Explorer ndive nepytyvõkuaa hag̃ua jeporavópe.

Kundahára iporãva ñanduti pegua oguerekopava’erã eikotevẽva, eguerahakuaava’erã mba’ekuaarã pa’ũme ha pe ñemigua eipotáva.

Ko ne kundaha ha’e okẽ eike hag̃ua ñandutípe, pya’ekue, tekorosã, ñemigua ha pytyvõha mba’eguasueterei. Ary ohasaramóvape, Google Chrome ha’e kuri pe kundaha oiporavóva hetave tapicha. Hákatu ko’ág̃a umi ñemurã ñandutípe ohopa opavave rapykuéri opa gotyo ha umi mba’ekuaarã ñembogua osẽmba opa marandu myasãihápe, heta tapicha oñepyrũma ojerure tekoñemi ha poyhu ikundahágui.

Upéicharõ, ¿ne kundahára iporãvéva emba’apo hag̃ua ñandutípe? Pe kundahára oikóva ikatu ne pytyvõ mbarete ñandutípe. Upéicharõ, ejeretereirangue, emoñondive Google Chrome, Firefox, Safari, Opera, Brave, Microsoft Internet Explorer ha Edge ndive — ha ehecháta mávapa ojokupytýva neremikotevẽre.

Tekorosã ha ñemigua

¿Mba’e kundahára iporãvéva opamba’e ereko hag̃ua ñemíme?

Tekorosã ha ñemigua Firefox Chrome Edge Safari Opera Brave Internet Explorer
Kundaha Ñemigua reko Héẽ Héẽ Héẽ Héẽ Héẽ Héẽ Héẽ
Ejoko kookie tapykuehoha mbohapyháva ijeheguiete Héẽ Ahániri Héẽ Héẽ Héẽ Héẽ Héẽ
Ejoko scritps criptomineriagua Héẽ Ahániri Héẽ Ahániri Héẽ Héẽ Ahániri
Ejoko tapykuehoha avaatygua Héẽ Ahániri Héẽ Héẽ Ahániri Héẽ Ahániri

Eha’arõke mba’ekuaarã ñemo’ã ha apopyre hekoñemíva ojeipurúva tapiaite ñandutípe. Michĩvéramo, peteĩ kundahára ome’ẽva’erã peteĩchagua “kundahára ñemigua ayvu” omboguéva ijehegui ne kundahára rembiasakue ha jeheka ambue puruhára oipurúva pe mohendaha ani hag̃ua ohecha. Ko korápe, umi poteĩ kundahára oñemoñondivéva ko’ápe orekóma kyta.

Rejapóva ñandutípe avavetépe nomyangekoiva’erã.

Ambue mba’e orekova’erã kundahára ha’e pe katupyry omboykekuaávo ñanduti renda ha atyguasu ohapykuehóvo ñeikundaha mba’ekuaarã ha mba’ejogua — eimérõ jepe ñeikundaha tapiagua ayvúpe.

Eipurúvo peteĩ kundahára ojokóva umi tapykuehoha mbohapyháva tuichamba’e ñemiguápe g̃uarã, ha avei he’ise ipya’eveha. Hetave umi tapykuehoha ha’e hína mbohapeha rape omba’apóva mokõihápe heta ñanduti rendápe. Ndaikatúi ehecha, hákatu ikatu ehechakuaa omombegueha ne kundahára. Pe Firefox tembiapokue 67 guive, umi kuã rapykuere rechaha ha umi criptominero avei ojejokopáma. Ndereikuaaporãiramo ko’ã criptominero, ko’ápe oĩ techapyrãramo mba’éichapa ikatu ombyai: ikatu ojehúma ndéve pe ne mohendaha hakupa sapy’aitépe térã pe bateria opa pya’eve tapiaguágui. Kóva ha’e pe oikóva umi criptominero omomba’apovaívo ne mba’e’oka.

Jepurúva

¿Ohasaramóvape, mba’e ojapo ne kundahára nderehe?

Jepurúva Firefox Chrome Edge Safari Opera Brave Internet Explorer
Ñemboheta ijeheguíva jejoko Héẽ Ahániri Ahániri Ahániri Ahániri Héẽ Ahániri
Ñeikundaha tendayke ndive Héẽ Héẽ Héẽ Héẽ Héẽ Héẽ Héẽ
Techaukaha ñangarekoha Héẽ Héẽ Héẽ Héẽ Héẽ Héẽ Héẽ
Myanyhẽha ijeheguíva moĩmba Héẽ Héẽ Héẽ Héẽ Héẽ Héẽ Héẽ
Poravorã Jehekaha Héẽ Héẽ Héẽ Héẽ Héẽ Héẽ Héẽ
Moñe’ẽrã ñe’ẽme Héẽ Ahániri Héẽ Héẽ Ahániri Ahániri Héẽ
Moñe’ẽrã reko Héẽ Héẽ Héẽ Héẽ Ahániri Héẽ Héẽ
Jehaipy ñemoĩporã Héẽ Héẽ Héẽ Héẽ Héẽ Héẽ Héẽ
Jepysokue ñanduti/Tembipuru’i Héẽ Héẽ Héẽ Héẽ Héẽ Héẽ Héẽ
Tembipuru mba’erecha japyhyha kundahárape Héẽ Ahániri Ahániri Ahániri Héẽ Ahániri Ahániri

Ñemigua ñemo’ãramo jepe, ojejapóva hetavejey tenda mokõhávape, ambue mba’e iñemirekóva kundahárape g̃uarã oikoitéva ha’e pe puruhára jehechaukaha ha hembiapoite. Umi poteĩ kundahára ojueheguapa nunga ha’éramo tendayke, techaukaha rembiapo, myanyhẽjehegui, hechajey ha jepysokue. Firefox, Edge ha Opera avei oikuave’ẽ peteĩ tembiapoite mba’erechaha tuichavéva ipya’éva ha oikoitéva ha ehechakuaáva ndorekoiha emoambuévo kundahára oguereko’ỹva kóva.

Jeguerahakuaa

¿Mba’éichaite oiko ne kundahára ne mba’e’okakuérape?

Jeguerahakuaa Firefox Chrome Edge Safari Opera Brave Internet Explorer
Ojepurukuaa apopyvusúpe g̃uarã Héẽ Héẽ Ahániri Ahániri Héẽ Héẽ Ahániri
Ojepurukuaa pumbyry apopyvusúpe g̃uarã Héẽ Héẽ Héẽ Ahániri Héẽ Héẽ Ahániri
Oñembojuehe pumbyry ndive Héẽ Héẽ Héẽ Héẽ Héẽ Héẽ Ahániri
Ñe’ẽñemi ñangarekohára Héẽ Héẽ Héẽ Héẽ Héẽ Héẽ Héẽ
Ñe’ẽñemi ha’etéva Héẽ Ahániri Héẽ Ahániri Héẽ Ahániri Ahániri

Ñepyrũrãite ja’ekuaáva jeguerahakuaa rehegua ha’e hína opavave kundahára oikóva opaite apopyvusu oku’éva ndive. Péicha Firefox, Chrome ha Opera oiko opaite apopyvusu ojepuruvéva ndive ha ndahasyiete iñemohenda, hákatu Internet Explorer, Edge ha Safari oiko Microsoft ha Apple apopyvusu ndive añoite. Safari pumbyry pegua oñemohenda Apple mba’e’okápe, ha hetave Android mba’e’oka oguereko kundahára ñemohendapyre omoambuéva ijapohare mba’e’okápe g̃uarã. Firefox, Chrome, Edge ha Opera ndahasýi iñemohenda ha ijepuru avei.

Opavave nunga kundaha oñembojojáva ápe omoneĩ ñembojuehe mohendaha ha pumbyry popegua ndive. Eikotevẽta mba’ete ejapo hag̃ua, eipurukuaáva eñepyrũ hag̃ua tembiapo kundahárape opaite mba’e’okápe ha embojuehe ko’ã ñe’ẽñemi, kundahára rembiasakue, techaukaha ha ñemboheko.

Mohu’ã:

Og̃uahẽraẽva ha’e…

Umi mba’e rohaíva — ñemigua, purumeme ha jeguerahakuaa — ja’eporãtavo oĩ peteĩ kundahára añoite peichagua, ha ha’e Firefox. Pe ambue tuichavéva ndaha’éi hembiapoite, péva ha’e iñemigua. Firefox ha’e pe kundahára hekoñemivéva nanembotýiva peteĩ hendápe año. Eipuru oimeraẽva apopyvusu oku’évape, opaite ne mba’e’okápe, ha eñeñandu tekorosãme eipuru jave.

Umi kundahára oguata mombyry oike guive Chrome ha ojapyhy tuichavéva vore. Heta kundahára ag̃agua oñemoag̃ui chugui iñemongu’ekuaápe ha hembiapoitépe, ha avei heta hendápe, ipya’ekue ha ñemiguápe, ohasáma Chrome-pe. Upéicha rupive, eiporavo hag̃ua mba’e kundahárapa pe iporãvéva ndéve g̃uarã opaite ára ojogueraháta pe ne remikotevẽ rehe ha avei pe emomba’evéva eikundaha jave ñandutípe.

Umi moñondive oñembohekopyre ápe ñemboheko ijypykuéva ndive ha kundahára peteĩchagua oñeguenohẽmbyre kóicha:
Firefox (81) | Chrome (85) | Edge (85) | Safari (14) | Opera (67) | Internet Explorer (11) | Brave (1.14.81)
Kutiarogue hekopyahu 45 ára haguépe osẽ hag̃ua tembiapo ipyahuvévape ndohechaukáiva mbohekopyahu ipaháva.

Firefox-pe oykeko mba’apohaguasu viru’ỹgua Mozilla.

Firefox omotenonde ne rekorosã, opaite romboguatáva ha rojapóvape. Roguerovia nde ikatuha ere mba’éichapa ha máva ndive emoherakuãta ne maranduete. Firefox ombyaty michĩmi mba’ekuaarã ha araka’eve nohepyme’ẽi. Umi michĩmi mba’ekuaarã rombyatýva ojepuru oikoporãve hag̃ua umi apopyre ha tembiapoite. Kañymby’ỹre, tesakã ha tekorosãme.