Za nas luźe nad profiltom stoje.
Cesto luźe njewěźe, což mógu wót softwary abo słužbow wócakowaś, kótrež źinsa wužywaju. Technologija, kótaraž našo žywjenje doprědka pógónjujo, jo kompleksna a luźe njamaju casa, se nadrobnje z drobnostkami zaběraś. To teke za Firefox płaśi, pśeto cesto wiźimy, až luźe maju rozdźělne pśedstajenja wó tom, což se w jich wobglědowaku pód hawbu stawa.
My pla Mozilla waše wósobinske daty respektěrujomy a šćitamy:
- Slědujomy rěd zasadow priwatnosći, kótarež našu wašnju pśistupa k priwatnosći we Firefox za desktop a mobilne rědy póstajaju.
- Zběramy jano daty, kótarež trjebamy, ab my nejlěpše produkty wuwijali.
- Wóstajijomy luźam kontrolu nad jich datami a dožywjenjami online.
- Za nas princip „žedne pśechwatanja“ płaśi, to groni, źěłamy śěžko na tom, až se wócakowanja luźi na Firefox z napšawdnosću kšyju.
Slědujuce pšašanja a wótegrona maju wam pomagaś, rozměś, což móžośo wót Mozilla a Firefox wócakowaś:
- Wužywam Firefox za skóro wšykno w interneśe. Nejskerjej wě Mozilla pšawje wjele wó mnje, nic ga?
-
Firefox, webwobglědowak, kótaryž na wašom rěźe abo licadle běžy, jo waše wrota do interneta. Waš wobglědowak zastoj wjele informacijow wó websedłach, ku kotarymž woglědujośo, ale toś te informacije wóstawaju na wašom rěźe. Mozilla, organizacija, kótaraž Firefox gótujo, je njezběra (snaźkuli pšosyśo wó to).
- Njezběraśo napšawdu móju pśeglědowańsku historiju?
-
Mozilla njewě tak wjele ako wócakujośo wó tom, kak luźe web pśeglědujośo. Ako zgótowaŕ wobglědowaka jo to napšawdu wjelike wupominanje za nas. Togodla smy rědy za dobrowólne wužywanje wuwili, kótarež zajmowanym wužywarjam zmóžnjaju, nam doglěd do jich webpśeglědowanja bitowaś. Jolic swóju pśeglědowańsku historiju pśez instalacije Firefox synchronizěrujośo, njewěmy, což toś ta historija wopśimujo - dokulaž jo pśez waš rěd skoděrowana.
- Zda se, ako by kužde pśedewześe we webje móje daty kupiło a pśedało. Pla was to nejskerjej hynac njejo.
-
Mozilla daty wó was njepśedawa a njekupujo.
- Moment, z cyim ga pjenjeze zaslužyśo?
-
Mozilla njejo žedna wšedna organizacija. Ako projekt wótwórjoneho žrědła zgromaźeństwa w lěśe 1998 załožony, jo Mozilla organizacija z misiju, kótaraž za strowšy internet źěła. Wětšyna zasłužbow, kótarež pśedewześe Mozilla Corporation dojśpiwa, póchadaju z płaśenjow pśez partnarstwa webwobglědowaka Firefox a rozdźěleńskich dogronow cełego swěta. Móžośo w našej lětnej financnej rozpšawje wěcej wó tom zgóniś, kak pjenjeze zasłužymy.
- W pórěźe, toś te pšašanja su byli jadnore. Kótare daty zběraśo?
-
Mozilla zběra pó standarźe wobgranicowanu tšochu datow z Firefox, kótarež nam pomagaju, rozměś, kak luźe wobglědowak wužywaju. Toś te daty su na pśipadnem identifikatorje zwězane a nic z wašym mjenim abo e-mailoweju adresu. Móžośo na našej powěźeńce priwatnosći wěcej wó tom cytaś, a móžośo dopołnu dokumentaciju za zběranje datow cytaś.
Naša dokumentacija jo zjawna, aby kuždy mógł pśeglědowaś, lěc to, což gronimy, jo wěrne, nam k wěsći daś, což musymy pólěpšyś a na to spušćiś, až nic njezatajamy.
- Dokumentacija jo mě njerozumliwa! Móžośo mě to dolnoserbski rozjasniś?
-
Stej dwě kategoriji datow, kótarejž pó standarźe w našej kóńcnej wersiji Firefox zběramy.
Prědnu pomjenjujomy „techniske daty“. To su daty wó wobhglědowaku samem, ako na pśikład źěłowy system, na kótaremž běžy a informacije wó zmólkach abo wowalenjach.
Drugu pomjenjujomy „interakciske daty“. To su daty wó interakciji jadnotliwego wužywarja z Firefox, na pśikład licba wócynjonych rejtarikow, status wužywarskich nastajenjow abo kak cesto su se wěste funkcije wobglědowaku wužyli, na pśikład fota wobrazowki abo kontejnery. Zběramy toś te daty na pśikład z pomocu tłocaška Slědk, toś teje šypki w lěwem górnym rožku wašogo wobglědowaka, kótaryž wam zmóžnja, k pjerwjejšnemu bokoju nawigěrowaś, aby my mógli wiźeś, lěc něchten jo tłocašk Slědk wužył, ale njamóžomy wiźeś, ku kótarym webbokam sćo woglědał.
- Zběraśo wěcej datow w pśedwersijach Firefox?
-
We wěstem nastupanju. Pśidatnje k datam, kótarež smy górjejce wopisali, dostawamy w pśedwersiji Firefox pó standarźe rozpšawy wó zmólkach a wowalenjach.
Móžomy teke dalšne daty w pśedwersiji zběraś, za jadnu z našych studijow. Někotare studije na pśikład trjebaju tak pomjenjone „daty webaktiwity“, ku kótarymž móža URL a druge daty wó wěstych websedłach słušaś. To nam pomaga, na wěste pšašanja wótegroniś, aby my Firefox pólěpšyli, na pśikład, kak daju se wěste woblubowane websedła do wěstych rěcnych wersijow integrěrowaś.
Pśedwersije Mozilla Firefox su wuwijańske platformy, kótarež se cesto z eksperimentelnymi funkcijami aktualizěruju. Zběramy w pśedwersiji wěcej datow ako w kóńcnych wersijach, aby my rozměli, kak toś te eksperimentelne funkcije funkcioněruju. Móžośo zběranje toś tych datow w nastajenjach znjemóžniś.
- Ale cogodla pópšawem daty zběraśo?
-
Jolic njewěmy, kak wobglědowak běžy abo kótare funkcije luźe wužywaju, njamóžomy jen pólěpšyś a wam wjelicny produkt póbitowaś. Smy wuwili rědy za zběranje a analyzěrowanje datow, kótarež nam zmóžnjaju, inteligentne rozsudy wó našom produkśe cyniś a priwatnosć luźi respektěrowaś.
- Zběranje datow mě hyšći móli. Mógu jo znjemóžniś?
-
Jo. Kontrola pśez wužywarja jo jadna z našych zasadow datoweje priwatnosći. Stajamy to do statka w Firefox w našom boku nastajenjow priwatnosći, kótarež ako dopšašowańske městno za kuždego słužy, kótaryž co swóju priwatnosć w Firefox kontrolěrowaś. Móžomy tam zběranje datow znjemóžniś.
- Co jo z mójimi kontowymi datami?
-
Dajomy wjele na miniměrowanje datow a njepšašamy se was za nicym, kótarež njetrjebamy.
Njetrjebaśo konto, aby Firefox wužywał. Konta su trěbne za synchronizěrowanje datow mjazy rědami, my pak pšosymy was jano wó e-mailowu adresu. Njocomy daniž wašo mě, daniž wašu adresu, daniž waš narodny źeń danži telefonowy numer wěźeś.
- Wužywaśo digitalne wabjenje ako źěl swójeje marketingoweje strategije. Kupujośo daty luźi, aby swójo wabjenje online lěpjej pśirězał?
-
Ně, njekupujomy daty luźi, aby zaměrne wabjenje cynili.
Pominamy wót našych wabjeńskich partnarJow, jano daty prědnego póbitowarja wužywaś, kótarež websedła a wózjawjarje maju wó wšych wužywarjach, na pśikład wobglědowak, kótaryž wužywaśo a rěd, na kótaremž jen wužywaśo.
- Derje, zda se, až napšawdu móju priwatnosć šćitaśo.
-
Jo, tomu tak jo.