Firefox stawnje malsnjejšy bywa

Kak se malsnosć wobglědowaka měri?

Nejdalej wužyty měrjeński rěd za wugbaśe wobglědowaka za měrjenje reakciskeje zamóžnosći webnałoženja jo Speedometer. Lěcrownož druge rědy za měrjenje wugbaśa wobglědowaka eksistěruju, jo Speedometer 3 nowy standard za to, kak malsnosć wašogo pśeglědowańskego dožywjenja měrimy. Nejnowše testy źinsajšny web lěpjej reflektěruju – źěłaju z wizuelnje bogatymi diagramami, wobźěłuju tekst, interagěruju z komplicěrowanymi a wobšyrnymi webbokami ako sedła nowosćow – a měri połny wobraz wugbaśa wobhlědowaka.

Nowy test Speedometer 3 je prědny wjeliki test wobglědowakow, kótaryž jo se gdy wuwił pśez zgromadne źěło, kótarež se pśez kuždy wjeliki wobglědowak pódpěra, z wužytkom za ceły web.

Kuždy źeń malsnjejšy

Firefox se pśez engine swětoweje klase Gecko, z tšašnje malsnym kreslenim a wugótowanim bokow, modernymi funkcijami JavaScript a nigda se njekóńcecym pśiwalom nowych wugbaśowych pólěpšenjow, aby naše wužywarje glucne wóstawaju a se webplatforma doprědka góni.

Wšykne wobglědowaki su musali pólěpšenja pśewjasć, aby derje w testach nowego Speedometer 3 funkcioněrowali. Firefox pśedewšym jo cynił wjelicke póstupy, jo bywał radnje malsnjejšy za naše wužywarje ako direktny wuslědk toś togo źěła. Firefox jo malsnjejšy ako do togo, z malsnosću, kótaruž móžośo napšawdu cuś, inkluziwnje malsnjejše zacytanje bokow a pózlažčejše interakcije.

Za malsnjejšy web

Mozilla jo zawězany njepśestawajucy naš swójski wobglědowak ako teke ceły web pólěpšowaś. Togodla smy inwestěrowali do zgromadnego źěła, aby my Speedometer 3 wuwijali, kótaryž jo pólěpšył ze swójogo boka wugbaśe wšych wobglědowakow. Kótaryžkuli wobglědowak wuběraśo, Mozilla co, až jo malsny.