Pśiměŕśo swój wobglědowak Firefox

Drastwy Firefox wam zmóžnjaju, naglěd wašogo wobglědowaka změniś. Nastajaju barwowu šemu za menije wobglědowaka a systemowe boki Firefox a mógu samo wašej symbolowej rědce Firefox slězynowy wobraz pśidaś.

Firefox ze standardneju systemoweju drastwu pśiźo a startujo ze swětłeju, śamneju a barwneju wariantu.

Wobraz standardnych drastwow, kótarež Firefox sobu pśinjaso, kótaryž swětłe, śamne a barwne warianty pokazujo.

Namakajośo dalšne dermotne drastwy na addons.mozilla.org. Pśepytajśo nejlěpjej pógódnośone, trendowe a nejwěcej dopórucone drastwy. Abo pytajśo drastwy pó kategoriji, mjazy nimi za muziku, lětnego casa, za sport a za pśirodu. Pśirěžćo swóje dožywjenje pó swójich słodach. Něžne kreatury, złe robotery, rědne krajiny – dajo tysace móžnosćow, z kótarymiž móžośo se Firefox pśiswójś.

Wobraz z tśich swójskich drastwow Firefox: śamna wioletna a rožojta drastwa z běłymi a oranžowymi akcentami, swětła beige drastwa, kótaraž akwarelowu mólbu z ptaškami a wišnjowymi kwiśonkami pokazujo a śamna carna a zelena drastwa, kótaraž muster šaltowańskego krejza hightech pokazujo.

Cyńśi wěcej z Firefox

Wobstarajśo se malsny, lažki wobglědowak z fokusom na priwatnosći, kótaryž se wót za wše wužytneje organizacije pódpěra a na wšych wašych rědach funkcioněrujo.