Cydweddu porwr Firefox

Gyda Firefox , gallwch ailgychwyn o lle y gwnaethoch adael pan fyddwch yn newid o'ch cyfrifiadur bwrdd gwaith i'ch ffôn symudol i'ch tabled. Mae Firefox yn gadael i chi weld eich nodau tudalen, eich hanes pori, eich cyfrineiriau sydd wedi'u cadw a mwy, pa ddyfais bynnag rydych chi'n ei defnyddio.

Cofrestrwch ar gyfer cyfrif Cyfrif Mozilla am ddim a byddwch yn gallu cydweddu'ch data ym mhob man rydych yn defnyddio Firefox a chynnyrch eraill Mozilla.

Mae eich holl ddata wedi'i amgryptio ar ein gweinyddion felly allwn ddim ei ddarllen - dim ond chi all gael mynediad iddo. Dydyn ni ddim yn gwerthu eich gwybodaeth i hysbysebwyr oherwydd byddai hynny'n mynd yn groes i'n addewid preifatrwydd data.

Anfon tabiau o un ddyfais i'r llall

Mae'r nodwedd Anfon Tab yn Firefox yn gadael i chi anfon tudalennau o Firefox ar un ddyfais i ddyfeisiau eraill (fel dyfais iPhone, iPad neu Android). A wnaethoch chi ddod o hyd i erthygl wrth bori ar eich ffôn rydych am ei darllen pan fyddwch yn dychwelyd at eich desg? Neu ddogfen bwysig o waith rydych am ei gadw pan fyddwch yn cyrraedd adref? Efallai i chi ddod o hyd i rysáit ar eich gliniadur rydych am ei anfon at eich tabled yn y gegin. Anfonwch y tab yna!