Mange av oss brukar fleire timar om dagen på internett for å gjere kvardagslege ting som å sjå på videoar, handle, spele spel og betale rekningar. Frå å administrere komplekse arbeidsprosjekt til å ha konfidensielle videosamtalar. Eit virtuelt privat nettverk(VPN) er ein av dei beste måtane å halde seg privat og sikker på nettet, og verne personopplysningane dine.
Korleis fungerer VPN?
Eit VPN er eit verktøy som lèt deg få sikker tilgang til internett same kvar du er. Eit VPN fungerer ved å opprette ein sikker «tunnel» mellom eininga di og VPN-leverandøren din, og det vernar deg på to viktige måtar:
- Skjuler IP-adressa di, vernar identiteten og plasseringa di.
- Det krypterer trafikken mellom deg og VPN-leverandøren din, slik at ingen på det lokale nettverket kan sjå eller endre det.
Tidlegare vart VPN-er hovudsakleg brukt av bedrifter for å gi sikker fjerntilgang til interne tenester og proprietære data. No er VPN likevel tilgjengelege for alle som ønskjer å verne internettsambandet sitt, spesielt når det er over porøse nettverk som offentleg WiFi, men det er til og med nyttig på eit heimenettverk.
Eit VPN vernar trafikken du sender mellom deg og VPN-leverandøren din, anten det er via nettlesaren din, appar eller andre tenester. For å setje opp eit VPN må du opprette ein konto hos ein VPN-leverandør og installere VPN-programvara på datamaskina eller telefonen din. Når det er aktivert, handsamar eit VPN trafikk frå alle appar og programvare som køyrer på eininga di, slik at du kan surfe og kommunisere fritt over ei sikker, privat nettverkstilkopling.
Ein VPN-leverandør tilbyr vanlegvis ei rekkje tilkoplingsportalar på ulike globale stadar, noko som lèt deg bruke ei IP-adresse frå ein annan stad enn ditt eige. På den måten ser staden du koplar til IP-adressa til VPN-et, ikkje den faktiske IP-adressa di, som kjelda til trafikken din. Mozilla VPN rutar trafikken din gjennom ein sikker server og lèt deg velje ei plassering frå meir enn 30 land.
Når bør eg bruke eit VPN?
Det er stundom praktisk å kople til eit offentleg WiFi-nettverk, til dømes når du ikkje har internettsamband eller ikkje får tryggingsforslag på telefonen. På den andre sida kan det vere risikabelt å kople til offentleg WiFi. Det er umogleg å vere sikker på at nokre andre ikkje koplar seg til det same nettverket for å overvake kva du gjer. Sjølv om trafikken din er kryptert, kan dei framleis sjå kva nettstadar du besøkjer. Og om du bruker ein app som ikkje har kryptering – og sjølv i dag er det mange som ikkje har det – kan dei sjå alt du gjer.
Når du er heime, er risikoen for at skadelege aktørar dukkar opp på heimenettverket ditt lågare. Internettleverandøren din (ISP) kan likevel spore og dele onlineaktivitetane dine fordi alle dataa du får tilgang til på nettet blir ruta gjennom nettverket til internettleverandøren, og nokre er kanskje ikkje krypterte. Eit VPN kan forhindre internettleverandørar frå å spionere på deg ved å kryptere trafikken din til VPN-leverandøren din same kvar du er.
Vent, eg trudde internettrafikken min allereie var kryptert med HTTPS…
Det er sant at dei fleste tilkoplingar til nettstadar i desse dagar er sikra med HTTPS, som betyr at innhaldet, men ikkje kjelde- eller destinasjon-IP-adressa, er kryptert. Eit VPN tilbyr ekstra personvern ved å forhindre at nettstadar og tredjepartar får vite IP-adressa di.
Kvifor skal eg bruke eit VPN?
Å skjule identiteten din og maskere nettrafikken din kan verke som noko berre dei superteknologikunnige eller lyssky aktørane gjer. Det finst likevel ei rekkje legitime grunnar til at du kanskje vil bruke eit VPN, inkludert:
- Halde nettaktiviteten din privat.
- Å halde heimeadressa di eller stadar du ofte besøkjer private.
- Vernar sambandet ditt til eit offentleg WiFi-nettverk, som på ein kafé, flyplass, butikk eller bibliotek.
- Sikre konfidensialiteten og integriteten til tilgangen din til internett.
- Gjere det vanskelegare for annonsenettverk å bruke IP-adressa di til å lage annonsemålrettingsprofilar som sporar deg på nettet.
Kva er ulempene med å bruke eit VPN?
Nokre tenesteleverandørar blokkerer besøk gjort via eit VPN, noko som gjer innhaldet deira utilgjengeleg når eit VPN er slått på. Nokon VPN-er kan gjere deg tregare, eller dei kan avgrense bandbreidda di. Og nokon VPN-er rangerer dårleg når det gjeld respekt for personvernet og sikkerheita til brukarane.
Er VPN trygge?
Det er veldig vanskeleg å finne eit påliteleg VPN. VPN er meint å verne brukarar medan dei er på nett, men ikkje alle VPN er like i tenesta dei leverer. Når du leitar etter ei VPN-teneste, sørg for at du forstår vilkåra du godtek. Mange hevdar å vere gode og fokuserer på personvern, men mange av dei leverer ikkje det dei lovar. Nokre VPN loggar onlineaktivitetane dine slik at dei kan selje dataa og informasjonen din til marknadsføringsfirma sjølv. Andre VPN-er prøver å overtyde deg om å installere skadeleg programvare på einingane dine.
Vi har gjort forarbeidet for å sikre at Mozilla VPN faktisk respekterer personvernet ditt, og det er noko vi er villige til å satse ryktet vårt på. Mozilla har eit rykte om å byggje produkt som hjelper deg med å halde informasjonen din trygg. Vi følgjer dei lettlesne, seriøse prinsipp våre for personvern som lèt oss fokusere berre på informasjonen vi treng for å tilby ei teneste. Mozilla VPN-teknologien er slank og moderne for å tilby brukarane eit raskt samband med fullt VPN-vern og -sikkerheit. Og sidan produsentane av dette VPN-et blir støtta av eit oppdragsdrive selskap , kan du stole på at pengane du brukar på dette produktet ikkje berre vil sikre at du har eit førsteklasses VPN, men også gjere internett betre for alle.
Kan VPN verne meg mot nettkriminelle?
Sjølv om eit VPN gir eit sikkert samband til internett, vernar det deg ikkje mot alle vondsinna aktørar der ute. Når du er på nett, med eller utan eit VPN, bør du vere varsam med mistenkjelege lenker, feilinformasjonkampanjar, phishing-svindel og andre truslar. Å halde seg trygg på nett er ein kvardagsleg tankegang.
Er VPN lovlege?
Det er for tida lovleg å installere og bruke eit VPN i dei fleste land, inkludert USA, Storbritannia, Canada og New Zealand, men nokre land kan regulere bruken av dei. Om du vel å bruke eit VPN, er det ditt ansvar å sjekke lova i landet for å avgjere om det er lovleg å bruke det eller ikkje.
Er VPN berre for datamaskiner?
VPN kan brukast til å verne alle einingane dine – datamaskiner, berbare datamaskiner, nettbrett og telefonar. Om du koplar deg til internett via frittståande appar utover nettlesaren, er eit VPN eit godt val for åb ta vare på personvernet og sikkerheita di på alle einingar. Du må installere eit VPN på kvar eining for at det skal vere effektivt. Mozilla VPN tilbyr ei uavgrensa tilkopling for opptil fem einingar når du koplar til internett frå kva app som helst eller nettlesar.
Mozilla VPN: Rask, sikker, pålitekeg
Mozilla VPN er ei teneste du kan stole på for å halde internettsambandet ditt trygg på alle einingane dine. Vi lagrar ikkje nettverksaktivitetsloggane dine, og vi samarbeider ikkje med tredjepartar som byggjer profilar av kva du gjer på nettet. I ei verd der uvisse har vorte den «nye normalen», veit vi at det er viktigare enn nokon gong at du kjenner deg trygg, og at du veit at det du gjer på nettet er di eiga sak.