ჩამოტვირთეთ Firefox — ქართული

თქვენი სისტემა შესაძლოა Firefox-ის მოთხოვნებს არ ექვემდებარებოდეს, მაგრამ შეგიძლიათ ამ ვერსიებიდან ერთ-ერთი ცადოთ:

ჩამოტვირთეთ Firefox — ქართული

თქვენი სისტემა ვერ აკმაყოფილებს Firefox ბრაუზერის მოთხოვნებს.

თქვენი სისტემა ვერ აკმაყოფილებს Firefox ბრაუზერის მოთხოვნებს.

გთხოვთ, Firefox-ის დასაყენებლად მიჰყვეთ ამ მითითებებს.

Firefox პირადულობის დაცვა

რეკლამების შემზღუდავი – საიდუმლო იარაღი, მომაბეზრებელი რეკლამების წინააღმდეგ.

რეკლამების ზრდასთან ერთად, მოთმინება უფრო და უფრო კლებულობს… დროა, დასრულდეს ეს სიგიჟე.

საშუალოდ, ადამიანი დღეში 4,000 რეკლამას ნახულობს. თუ მიგაჩნიათ რომ ეს ზედმეტად ბევრია, რეკლამების შემზღუდავი დაგეხმარებათ.

რეკლამების შემზღუდავი, მცირე ზომის პროგრამაა, რომლითაც ხდება რეკლამების აკრძალვა, ორი გზით. ერთ შემთხვევაში, იზღუდება მომავალი სიგნალი სარეკლამო სერვერიდან, შესაბამისად რეკლამა ვეღარ ჩამოიტვირთება გვერდზე გამოსაჩენად. მეორე შემთხვევაში კი ხდება საიტის იმ არეების მოცილება, სადაც რეკლამები შეიძლება გამოჩნდეს.

ეს რეკლამები შეიძლება იყოს ხმამაღალი ვიდეოები, ან სარეკლამო საშუალებები, რომლებიც თან დაგყვებათ მთელ ინტერნეტში, თვალისმდევნელი, გარეშე საიტების ფუნთუშები და ა. შ. რეკლამების შემზღუდავის გამოსაყენებლად, შეგიძლიათ მოიძიოთ შესაბამისი დამატება, თქვენი ბრაუზერისთვის. მაგალითად Firefox-ს აქვს რეკლამების შემზღუდავი დამოწმებული დამატებების სია. დაწკაპეთ ამ სიაზე (ან თქვენი ბრაუზერისთვის განკუთვნილ რეკლამების შემზღუდავებზე) და შეარჩიეთ ის, რომელიც ყველაზე უკეთ მოერგება თქვენს საჭიროებებს.

ჩამოტვირთეთ Firefox — ქართული

თქვენი სისტემა შესაძლოა Firefox-ის მოთხოვნებს არ ექვემდებარებოდეს, მაგრამ შეგიძლიათ ამ ვერსიებიდან ერთ-ერთი ცადოთ:

ჩამოტვირთეთ Firefox — ქართული

თქვენი სისტემა ვერ აკმაყოფილებს Firefox ბრაუზერის მოთხოვნებს.

თქვენი სისტემა ვერ აკმაყოფილებს Firefox ბრაუზერის მოთხოვნებს.

გთხოვთ, Firefox-ის დასაყენებლად მიჰყვეთ ამ მითითებებს.

Firefox პირადულობის დაცვა

მონახეთ რეკლამების თქვენთვის შესაფერისი შემზღუდავი

შეგიძლიათ იხილოთ AdBlocker Ultimate, რომელიც ყველანაირ რეკლამას აცილებს, თუმცა პასუხისმგებლობით გამოყენებას მოითხოვს. ზოგიერთი თქვენი საყვარელი საგაზეთო და ახალი ამბების საიტი, სწორედ რეკლამებით იღებს შემოსავალს. თუ ბევრი ადამიანი შეზღუდავს რეკლამებს, შესაძლოა ეს მათი საქმიანობისთვის დამღუპველი აღმოჩნდეს.

ყველაზე საშინელი ამომხტომი რეკლამებია. მათ შესაზღუდად გამოიყენეთ Popup Blocker და აღარასდროს შეწუხდებით ამომხტარი ბანერებით.

ყველაზე მეტად გავრცელებული რეკლამების შემზღუდავი ბრაუზერებისთვის Chrome, Safari და Firefox, არის AdBlock. გამოიყენეთ რეკლამების შესაზღუდად საიტებზე Facebook, YouTube და Hulu.

შექმენით მეთვალყურეებისგან თავისუფალი სივრცე შიგთავსის შეზღუდვით

Firefox-ზე, შეგიძლიათ გამოიყენოთ პირადულობის ან შიგთავსის შეზღუდვის პარამეტრები, კიდევ უფრო უკეთ სამართავად იმ სარეკლამო საშუალებების, რომლებიც რეკლამების შემოთავაზებას ცდილობენ.

აირჩიეთ სასურველი დაცვის დონე

დასაწყებად, დაწკაპეთ Firefox-ის მენიუზე ზედა მარჯვენა კუთხეში. იგი ჰგავს სამ ერთმანეთზე მოთავსებულ ხაზს. ჩამოშლილ მენიუში კი დაწკაპეთ შიგთავსის შეზღუდვას (Content Blocking). წესით იხილავთ ლურჯ არეს, სამი სხვადასხვა არჩევანით.

ჩვეულებრივი დონე, მსუბუქი დაცვისთვის

თუ რეკლამები არ გაღელვებთ და არ ფიქრობთ, რომ მეთვალყურეები და გარეშე ფუნთუშები თვალს გადევნებთ, ჩვეულებრივი დონე თქვენთვის მისაღები იქნება. მეთვალყურეების ასარიდებლად კი პირადი თვალიერების ფანჯრის გამოყენება შეგეძლებათ.

მკაცრი დონე, ძლიერი დაცვისთვის

თუ ზედმეტად ბევრი რეკლამა გაღიზიანებთ, მაშინ მკაცრი დონე გამოგადგებათ. მოცემულ რეჟიმში ყველა ცნობილი გარეშე მეთვალყურე და ფუნთუშა შეიზღუდება Firefox-ის ნებისმიერ ფანჯარაში.

თავად განსაზღვრეთ, მორგების შესაძლებლობით

მორგებული პარამეტრები თავისუფალი არჩევანის საშუალებას გაძლევთ. თავად შეგიძლიათ გადაწყვიტოთ შეზღუდოთ თუ არა მეთვალყურეები, ფუნთუშები და ა. შ. თუ დაუშვებთ ფუნთუშებს რომელიმე საიტზე, თვითონ გადავა მორგებულ რეჟიმზე.

დაფარეთ კვალი მეთვალყურეებისგან

მეთვალყურეების უჯრის მონიშვნით შეძლებთ მათ შეზღუდვას ორი გზით. ერთ შემთხვევაში მხოლოდ პირად ფანჯრებში, მეორე შემთხვევაში ყველა ფანჯარაში. გაითვალისწინეთ, რომ ყველა ფანჯარაში შეზღუდვის შედეგად, ზოგიერთი საიტი შეიძლება არასათანადოდ ჩაიტვირთოს.

შეამცირეთ ფუნთუშების გამოყენება

ფუნთუშები გეგზავნებათ საიტების მონახულებისას. ისინი თავსდება თქვენს კომპიუტერში და თვალს ადევნებს, თუ რას აკეთებთ საიტზე. თუ ავიახაზები ზრდის თქვენს შეფასებას, რადგან ყოველდღე ათვალიერებთ ბილეთების ფასებს, ეს სწორედ ფუნთუშების დამსახურებაა.

Firefox-ში, შეგიძლიათ შეზღუდოთ ყველა გარეშე ფუნთუშა, ან მხოლოდ მეთვალყურეების მიერ დაყენებული. ყურადღება გამოიჩინეთ, ვინაიდან ყველა ფუნთუშის შეზღუდვით, ზოგი საიტი ვეღარ მუშაობს გამართულად.

გაგზავნეთ მოთხოვნა „არ მითვალთვალო“

თუ არ გსურთ თქვენი მოქმედებები ინტერნეტში რეკლამებისთვის გამოიყენონ, საიტებს შეგიძლიათ გაუგზავნოთ მოკრძალებული გზავნილი „გმადლობთ, არა“, Firefox-ში არ მითვალთვალო უჯრის მონიშვნით. ყველა საიტი არ იღებს ამგვარ მოთხოვნებს, მაგრამ რომლებიც იღებს, წყვეტს მომხმარებლის მონაცემების შეგროვებას.

აჩქარება, რეკლამების შემზღუდავების მეშვეობით

ზოგ შემთხვევაში, რეკლამების შემზღუდავი გეხმარებათ გვერდების სწრაფ მონახულებაში. რეკლამის ჩატვირთვა, ანელებს ხოლმე გვერდის სრულად ჩატვირთვას. ამასთან, იგი ართულებს საიტზე სასურველი ინფორმაციის მონახვას, მით უფრო თუ გიწევთ ბანერის დახურვა, შიგთავსის სანახავად.

თუ გსურთ უკეთ გაერკვეთ რეკლამების შეზღუდვაში, ასობით გაფართოებაა ხელმისაწვდომი Firefox-ისა და სხვა ბრაუზერებისთვის. რეკლამების იმ შემზღუდავების გამოსაცდელად, რომელთაც Firefox იყენებს, დაწკაპეთ და ჩამოტვირთეთ ბრაუზერი, რომელიც ყველაფერზე წინ პირადულობას აყენებს.

თავად მართეთ თქვენი ბრაუზერი.

ჩამოტვირთეთ Firefox — ქართული

თქვენი სისტემა შესაძლოა Firefox-ის მოთხოვნებს არ ექვემდებარებოდეს, მაგრამ შეგიძლიათ ამ ვერსიებიდან ერთ-ერთი ცადოთ:

ჩამოტვირთეთ Firefox — ქართული

თქვენი სისტემა ვერ აკმაყოფილებს Firefox ბრაუზერის მოთხოვნებს.

თქვენი სისტემა ვერ აკმაყოფილებს Firefox ბრაუზერის მოთხოვნებს.

გთხოვთ, Firefox-ის დასაყენებლად მიჰყვეთ ამ მითითებებს.

Firefox პირადულობის დაცვა