Ára ha ára hetave aravo ojehasa ñanduti ñeikundahápe, umi apañuãi tekoñemi ha tekorosã ha’e umi ojehecharamovéva. Peteĩ VPN — Ñanduti mba’eñemiguáva — ikatu nepytyvõ emoheñói hag̃ua jeikerã ñanduti ñemigua hekorosãvape. Ojehu omoheñóivo peteĩ “tapeyvyguy” hekorosãva ne mba’e’oka ha ñanduti tuichaháicha ha nemo’ãta mokõi hendáicha:
- Emokañývo nde IP kundaharape ha’etéva, kóva omo’ãta nde reratee ha oñomíta ne rendaite.
- Ombopapapy pe jeikeita nde ha ne VPN me’ẽhára pa’ũme avave ani hag̃uáicha ombopapapy’o térã omoambue ndehegui.
Erekóramo peteĩ VPN eiporu hag̃uáicha ejapose vove iporãiterei. Ápe oĩ heta techapyrã erekóvo peteĩ VPN ejeroviaha ou porãta ndéve ikatúva neremomba’éi kuri reikóko.
1. Eho eguata okarusu rupi
Arapokõi neporãva pyhareve ha reguapýma okarusúpe erambosa ha eñemomarandu opaite tenda ehecharamovévape, ehecha ta’ãngamýi ha emba’ejogua ñanduti rupive eñemonguarahy ha eñembopiro’y aja. Eiporurangue ne pumbyry mba’ekuaarã, eike WiFi tavaguávape. Péva rei ha ome’ẽva táva, oĩporãmanteva’erã, ¿ajépa? Hákatu ndereikuaái pe pyha tavaguávapa hekorosã térã o ha’etépa (ehecha kyta tenondevegua) ha oñemboheko ne mo’ã hag̃ua tapicha térã tendavusu hekoñañáva nde recháva tapiaite eike jave. Emyandývo pe VPN ikatu nepytyvõ emo’ãvo ne mba’e’oka opaite tapicha omoingeséva itĩ umi tenda eikehápe térã omonda ne marandu tembiapo ñepyrũguáva eguapyjekóvo pe apykapuku ári oimeraẽva ára arapokõindy pegua.
2. Reikohápe
¿Eikemaparaka’e peteĩ tenda hérava C0MCAST-WiFi-77th-St térã Verizon3-Hotspot-Baltimore? Ha’ete iporãva, ¿añetépa? Ani pya’eterei. Añetehápe, oimeraẽva ombohekokuaa peteĩ WiFi pyha opavave oiporukuaáva peteĩ téra porã ombyaty hag̃ua avápe. Eikekuaa oimeraẽva WiFi ojekuaa’ỹva nde apokuaa mba’evaiapoha renondépe oikeséva ne mba’e’okápe omonda hag̃ua marandu ñemiguáva, omohenda malware térã mba’e ivaivéva. Mozilla VPN ombotuichakuaa ne rekorosã eike vove WiFi pyha opavave oiporukuaávape omboykévo tenda ojekuaa’ỹva ohecha umi mba’ekuaarã ñemigua ohóva nde mohendaha guive térã pumbyry. Kóva oiko avei eikekua hag̃ua WiFi pyha cafetería, ñemuha, pohãnoha, etc pegua.
3. Tapére
Umi WiFi pyha ijurujáva oĩheta eiméramo tapére, eimehápe umi jeikekuaa metro guive pe ñanduti reigua aviõ guejyha peve. Ha vaicha hekorosã ojehecha, péicharamo jepe umi WiFi ema’ẽporãke ha ani ejavy. Heta oĩ oiporúva ko’ã jeike reiha ha’ére mba’e iporãva, hákatu péicha avei ejuhukuaa apañuãi he’iháicha ko jehaipyre ojehukuaa oimeraẽva WiFi pyha ijurujávape ha ojehechajey’ỹva. Pe VPN jeporu ikatu nepytyvõ emo’ã hag̃ua nde reratee, marandurenda jeguerova ha tapicha rembiapo ñandutípe oñeha’ãva nderapykueho WiFi pyha rupive.
4. Nde rógape mombyry upégui
Ehepyme’ẽtaramo peteĩ tenda sapy’ami emba’apo hag̃ua okáguivo térã ñesẽ tenondeve Airbnb rupive, hetave javéramo rejukuaa WiFi reiguáva ndive. Taha’e pe WiFi oñemo’ãva ñe’ẽñemi rupive, péva ndojapói ijehegui hekorosã ha hekoñemívaramo. Eñepyrũ hag̃ua, pe ogajára oikekuaa pyhápe ohapykueho hag̃ua ne rembiapo ñandutípe eikundahakuévo. Avei, nomoambuéi mba’éramo ñe’ẽñemi oñepepirũva pa’ũme, oimeraẽva ohova’ekue ikatukuaa oike nde reike aja. Avei, oĩmava’ekue oikekuaa pe router tendaguávape ha omohenda software ome’ẽtava chupe oma’ẽag̃ui hag̃ua mombyrymi guive. ¡Hetamba’e ojehechava’erã! Nosẽmbáiramo pe WiFi tuichaháicha, iporãvéta eiporúramo peteĩ VPN jeroviaha eike vove pyhápe ne mohendaha, pumbyry térã tabléta guive. Kóva oikóta avei jepytaha ha mbohupahápe g̃uarã.
5. Nde rogaitépe
Hetave jey, umi mba’e ojehuva’ekue ndoikói ñanduti nde róga peguápe, ojejapóma guive peteĩ ñe’ẽñemi hekorosãva añetéva reheve ha hekorosãve hag̃ua. Hákatu nde’iséi repytamaha tesaráipe umi mba’evaiapohágui.
Nde jeike Ñandutípe nde róga guive oku’e ne mba’e’okápe Ñanduti Mba’eporu Me’ẽhára rupive — ISP emomichĩ hag̃ua — ha’ekuéra ohecha nde jeike ñandutípe. Peteĩ ISP ikatu ohecha pe tenda eikeha, mboy aravópa eiporu, ne rendaite ha marandu ne mba’e’oka rehegua. Peteĩ ISP ikatu ndoikuaái mba’emimivéva ejapova’ekue umi tendápe (mba’épa ejogua, eheka térã emoñe’ẽra’e) papapy reko rupive, hákatu oikuaáta katuete nde rehegua umi tenda eikehague rupive. Umi mba’ekuaarã nemba’eteéva oiporukuaa omoheñói hag̃ua mba’ete japuguáva nde reheguaite. ¿Mba’érepa umi ISP ikatu ojapo umíva? Mbykymi: ko’ã mba’ekuaarã iporã añetehápe.
Eikuaaporãva’erã pe VPN ojapokuaa’ỹva
VPN ome’ẽ joajuha hekorosãva omo’ãvo ne mba’ekuaarãite ñemiguáva oho mboyve ñandutípe ha avei oñomi nde IP kundaharape, oipytyvõvo omo’ã nde reratee ha ne rendaite avei. Upéicha rupi, ndojokomo’ãi eikutúvo juajuha ivaikuaáva, emboguejývo malware térã eñembotavývo ñanduti veve rupive. Ejapoveva’erã gueteri tembiapo porã ne rekorosã hag̃ua tapiaite ñandutípe.
Mozilla VPN, ha’e VPN ejeroviakuaaha
Tuichave mba’éva pe eiporavóvo peteĩ VPN ha’e eiporavoha mba’apohaguasu jeroviaha. Eheha’ãke eikũmby porã mba’etépa pe emoneĩva. Heta he’íva tuichaha ha omomba’éva tekoñemi, hákatu hetave pe ndojapóiva he’iva’ekue. Ndaopavavéi proxy ha VPN mba’eporurã hekorosã ha hekoñemi. Ndahetái ohaíta katuete ne rembiapo ñandutípe ohepyme’ẽ hag̃ua ne mba’ekuaarã ha marandu umi mba’apohaguasu jehepyme’ẽkuaahapegua. Ambue mba’eporurã omohendaséta malware ne mba’e’okápe.
Hetaiterei romba’apo Mozilla VPN omomba’e hag̃ua nde rekoñemi ha avei eikuaáke rojapotaha ikatumíva upevarã. Mozilla oguereko jeroviapy omoheñoihápe apopyre ne ñepytyvõtava añetehápe ne marandu hekorosãtaha. Rohapykueho ore tekoñemi mba’ekuaarã rekoite hasy’ỹva imoñe’ẽ, kachiãi’ỹre oremoma’ẽva pe marandu roikotevẽva rome’ẽkuaa hag̃uáicha mba’eporurã oikótava añetehápe. Ha ore ykekóva peteĩ mba’apohaguasu ombohapéva ore rembiecharã, ejeroviakuaa pe viru eme’ẽva ko apopyre rehe ndaha’éi eguerkokuaátava tekorosã añónte, avei eipytyvõta ñanduti iporãvévo ko’ẽreíre.