Firefox mboguejy

Firefox ndojokupytyvéima Windows 8.1-pe ha umi itujavéva ndive.

Ikatúrõ, emboguejy Firefox ESR (pytyvõha iñasãiva rehegua) eiporu hag̃ua Firefox.

Firefox ndojokupytyvéima macOS 10.14-pe ha umi itujavéva ndive.

Ikatúrõ, emboguejy Firefox ESR (pytyvõha iñasãiva rehegua) eiporu hag̃ua Firefox.

Firefox Marandu’i Ñemigua

Mozilla VPN

Mba’épepa iñambue VPN ha proxy ñandutigua

VPNs ha proxy ha’e tekoñemi ha tekorosãme g̃uarã ñemoĩporã ñandutípe. Pe nemo’ãháicha ha mba’éichapa eiporavo porãvéta.

Umi red privada virtual (VPN) ha ñanduti proxy hekorosãva ha’e ñemoĩpora tekoñemive ha tekorosãrãve ñadutípe, hákatu nemokañykuaa eikuaase vove mba’épa pe eipotavéva. Ko’ápe rohechaukáta mba’éichapa nemo’ã ko’ã pytyvõrã ha eiporavóta mba’etépa pe eikotevẽtava eikévo ñandutípe.

Emboyke umi ISPs nde rapykuehosévape

Eiporúvo Firefox, pe ñemo’ã tapykuehoha iporãvéva rovake ojoko ijehegui heta ñanduti rapykuehoha mbohapyháva nde rapykuehóva ñandutípe. Hákatu ápe oĩ mba’e iporãva: ne ñanduti me’ẽhára (ISP), ehepyme’ẽva ñandutípe eikekuaa hag̃ua, ikatu gueteri nde recha ha nde rapykueho.

Nde jeike Ñandutípe oku’e ne mba’e’oka gotyo ha guive (mohendaha, pumbyry, TV ha tabléta) ISP rupive, ha’ekuéra ohecha nde jeike ñandutípe. ISP ikatu ohecha tenda eikeha, mboy aravópa eiporu, ne rendaite ha marandu ne mba’e’oka rehegua. ISP ikatu ndoikuaái mba’emimivéva ejapova’ekue umi tendápe (mba’épa ejogua, eheka térã emoñe’ẽ) papapy reko rupive, hákatu oikuaáta katuete nde rehegua umi tenda eikehague rupive. Umi mba’ekuaarã nemba’eteéva oiporukuaa omoheñói hag̃ua mba’ete japuguáva nde reheguaite. ¿Mba’érepa umi ISP ikatu ojapo umíva? Mbykymi: ko’ã mba’ekuaarã iporã añetehápe.

Umi ISP ojeporukuaa ko marandu imaranduñemurã térã viru ñembyatyrã oikekuaahápe marandu moherakuã mbohapyháva ndive oipotáva mba’ekuaarã, marketing ha marandu ñemurã, he’iséva tekorosã’ive ha jehapykueho. Pe ñeikundaha tekoñemi ayvúpe nomboykéi umi ISP ohechávo moõpa oho ñandutípe. Hákatu emondóvo tembiapo ñandutípe peteĩ proxy térã VPN ikatu ombohasyve.

¿Araka’épa eiporavóta VPN térã proxy hekorosãva?

VPN ha ñanduti proxy hekorosãva ohupytyse peteĩ mba’e: oikéta tekorosãme. Ikatu, ha ojapo, IP kundaharape ypygua ha omo’ã ñandutípe jeike nendive ha VPN me’ẽhára térã pe proxy hekorosãva. Hákatu ¿araka’épa eiporukuaa VPN térã proxy?

Proxy ñandutigua hekorosãva: ñemo’ã kundahára peve

Ñanduti proxy hekorosãva omboheko umi tembiapo ejapokuaáva ne mohendahápe añoite. Ko’ápe oike umi tembiapo ikatúva ha’e mba’ejogua, jehepyme’ẽ, ava ñandutietápe jeike ha ñanduti veve ñemoñe’ẽ. Ñanduti proxy hekorosãva ombohape ne mohendahápe ha ñanduti ndive. Ne ñanduti mba’ekuaarã ohasáta peteĩ tapeyvyguy ñanduti hekorosãva rupi ne mohendaha guive, ohovamo’ãvo nde IP kundaharape, pe ñanduti mohendahavusu eñe’ẽha ani hag̃ua oikuaa mamoitépa reime arapýpe upéva ombohasyvekuaágui nde jehapykueho.

Proxy iporã eikundahakuévo ñandutípe WiFi pyha opavave mba’éva. Peteĩ proxy ijurujáva, nomoneĩri hekoñañávape pyha pegua oma’ẽvo eikundahakuévo térã emoñe’ẽ ejapóva tenda ipapa’ỹvape. Hyapu ñaña’ỹvarõ, hákatu umi WiFi pyha opavave mba’éva ikatu ha’e peteĩ okẽ tapykue gotyo hackers peg̃uarã.

Firefox Private Network ha’e kundahára jepysokue hasy’ỹva iñemohenda ome’ẽkuaáva tapeyvyguy hekorosã ha ipapapýva ñandutíre omo’ã hag̃ua kundahárape jeike eiporu eiporuhápe Firefox. Ipya’e ha ndahasýi imyandy eiporuse vove ereko hag̃ua tekorosãve ne kundahárape.

VPNs: ñemo’ã a mba’e’oka peve

Ko’ã VPN ojapove proxys-gui, peteĩ proxy omo’ãre ejapóva ne kundahárape añónte, hákatu pe VPN omo’ã opaite ne rembiapo, oĩháme avei ne kundahára, emohenda ha eiporuhápe pe VPN. Ko’ã VPNs ome’ẽ tekorosã ha tekoñemi jo’ajo’a opaite ne rembiapo ñanduti peguápe — peteĩ mba’e tuichapajepéva eguerekoséramo ne rembiapo ndéve g̃uarãnte ha embohasyve hag̃ua umi tapykuehohápe ha ISPs omondaséva ne mba’ekuaarã omoheñóivo ne mba’etechagua opaite ne mba’e’okápe, ikatúva pumbyry, mohendaha ha tabléta.

Peteĩ VPN oku’e omoheñóivo “tapeyvyguy” hekorosãva ne mba’e’oka pa’ũme ha ñanduti tuichaháicha. Emo’ã ne rekoñemi hendáicha:

  1. Emokañývo nde IP kundaharape, omo’ãvo nde reratee ha oñomívo ne rendaite.
  2. Ombopapapývo pe jeikeita nde ha ne VPN me’ẽhára avave ani hag̃uáicha ne ñanduti ombopapapy’o térã omoambue ndehegui.

VPN ome’ẽ tekorosã WiFi opavave oiporukuaa ha ijurujávape jeike. WiFi pyha ijurujáva imarãkuaa ha hasyeterei eikuaa hag̃ua ambue oikéramo nde eike aja oikuaaségui mba’etépa ejapo eike jave ñandutípe. Jepémo nde jeike ipapapy, ikatu gueteri ohecha umi tenda eikeha. Ha reiporúramo peteĩ tembiporu’i ipapapy’ỹva — ko ára rupi, heta ndoguerekóiva — upévare ikatu ojehecha opaite mba’e ejapóva pe tembiporu’ípe. Mozilla VPN ha’e mba’eporurã ipya’éva, hekorosã ha jeroviaha ne pytyvõkuaáva emboty hag̃ua tekorosã ndéve g̃uarã. Mozilla VPN avei omoneĩ eiporavokuaa hag̃ua ne “rendaite” (moõguipa ou pe ne rembiapo) hetave 30 tetãnguéra pa’ũgui.

Eiporúvo mba’eporu jeroviaha

Tuichave mba’éva pe eiporavóvo peteĩ VPN térã proxy ha’e eiporavoha mba’apohaguasu ojejeroviaha. Eñeha’ãke eikũmby porã mba’etépa pe emoneĩva. Heta he’íva tuichaha ha omomba’éva tekoñemi, hákatu hetave pe ndojapóiva he’iva’ekue. Ndaopavavéi proxy ha VPN mba’eporurã hekorosã ha hekoñemi. Ndahetái ohaíta katuete ne rembiapo ñandutípe ohepyme’ẽ hag̃ua ne mba’ekuaarã ha marandu umi mba’apohaguasu jehepyme’ẽkuaaha pegua. Ambue mba’eporurã omohendaséta malware ne mba’e’okápe.

Hetaiterei romba’apo Mozilla VPN avei proxy jepysokue Firefox Private Network omomba’e hag̃ua nde rekoñemi ha avei eikuaáke rojapotaha ikatumíva upevarã. Mozilla oguereko jeroviapy omoheñoihápe apopyre ne ñepytyvõtava añetehápe ne marandu hekorosãtaha. Rohapykueho ore tekoñemi mba’ekuaarã rekoite hasy’ỹva imoñe’ẽ, kachiãi’ỹre oremoma’ẽva pe marandu roikotevẽva rome’ẽkuaa hag̃uáicha mba’eporurã oikótava añetehápe. Ha ore ykekóva peteĩ mba’apohaguasu ombohapéva ore rembiecharã, ejeroviakuaa pe viru eme’ẽva ko apopyre rehe ndaha’éi eguerkokuaátava tekorosã añónte, avei eipytyvõta ñanduti iporãvévo ko’ẽreíre.