Manifesto Mozilla

01 Tha an t-eadar-lìon an teis-mheadhan ar beatha an-diugh — gleus deatamach ann am foghlam, conaltradh, co-obrachadh, gnothachas, dibhearsan agus 'nar sòisealtas san fharsaingeachd.

Barrachd fiosrachaidh

• Cleachd baidsean fosgailte a nochdas do sgilean 's na rudan a tha ùidh agad annta
• Feuch a' bhuaidh a tha aig an lìon air saidheans
• Fàs eòlach air na nì còd fosgailte ann an saoghal nan naidheachdan

02 Tha an t-eadar-lìon 'na ghoireas poblach eadar-nàiseanta agus feumaidh sinn a chumail fosgailte is gun bhacadh.

Barrachd fiosrachaidh

• Leugh barrachd mu iomairtean poileasaidh is naidheachdan an lìn
• Fàs eòlach air dòighean a chumas an lìon fosgailte

03 Feumaidh an t-eadar-lìon beatha mac an duine a dhèanamh nas fhearr.

Barrachd fiosrachaidh

• Faic mar a nì an lìon ceangal eadar an saoghal agus cùram-slàinte
• Fàs eòlach air mar a dh'obraicheas an lìon

04 Tha tèarainteachd is prìobhaideachd nan daoine riatanach agus cha bu chòir dhaibh a bhith an suarachas.

Barrachd fiosrachaidh

• Faic mar a chuireas Mozilla do phrìobhaideachd an teis-mheadhan rudan
• Leugh mu na tha ùr ann an saoghal na prìobhaideachd is tèarainteachd dàta
• Barrachd fiosrachaidh air rudan a chumas sàbhailte thu air loidhne

05 Feumaidh comas a bhith ag daoine an t-eadar-lìon a dhealbhadh agus na nì iad air.

Barrachd fiosrachaidh

• Cleachd na h-innealan saora seo airson an lìon a chur air gleus
• Fàs eòlach air cruthachadh is gleusadh susbaint airson an lìn

06 Tha èifeachd an eadar-lìn mar ghoireas poblach a' crochadh air dè cho math 's a dh'obraicheas e le rudan eile (pròtacalan, fòrmatan dàta, susbaint), thionnsgnadh is com-pàirteachas air feadh an t-saoghail.

Barrachd fiosrachaidh

• Guthan ùra ann an saoghal teicneolas a' chòd fhosgailte
• Suidhich na roghainnean tracachaidh agad
• Fàs eòlach air èiceo-shiostam an lìn

07 Bathar-bog an-asgaidh 's fosgailte a bhrosnaicheas leasachadh an eadar-lìn mar ghoireas poblach.

Barrachd fiosrachaidh

• Mar a tha fosgailteachd a' daingneachadh so-ruigsinneachd dhan lìon
• Mar a mheasgaichear susbaint airson rudeigin ùr a chruthachadh
• Mar a chuirear comasan eadar-ghnìomhach an lìn gu làn-fheum

08 Tha dòighean-obrach fosgailte sa choimhearsnachd a' brosnachadh com-pàirteachais, cunntachalachd agus earbsa.

Barrachd fiosrachaidh

• Gabh pàirt san fhòram riaghlachais againn
• Gabh pàirt mar shaor-thoiliche
• Mar a nithear co-obrachadh air loidhne

09 Thig iomadh buannachd an cois com-pàirteachais choimeirsealta ann an obair-leasachaidh an eadar-lìn; tha cothromachadh eadar prothaid choimeirsealta is buannachd dhan phoball riatanach.

Barrachd fiosrachaidh

• Faigh dealbh air cò ris a bheanas tu air an lìon le Lightbeam
• Mar a chruthaicheas tu goireasan-lìn còmhla ri daoine eile

10 Tha e 'na amas luachmhor - a tha airidh air saothair is dealas - buannachdan poblach an eadar-lìn a leudachadh

Barrachd fiosrachaidh

• Mar a chumas tu pàrtaidh luchd-cruthachaidh no mar a ghabhas tu pàirt ann
• Mar a dh'ionnsaicheas tu sgilean co-obrachaidh air loidhne