Werom sjen. Foarút sjen.

Mozilla is der om iepenheid, ynnovaasje en mooglikheden op it ynternet te befoarderjen.
Lês mear oer wa't wy binne, ynklusyf in pear fan ús grutste prestaasjes en mylpealen.

  • 01

    It Mozilla-projekt begûn op 31 maart 1998 by Netscape om brûkers in kar te bieden en ynnovaasje op it ynternet te stimulearjen.

  • 02

    As grutske non-profitorganisaasje makket Mozilla produkten lykas Firefox mei in missy om de krêft fan it ynternet yn de hannen fan brûkers oeral op 'e wrâld te hâlden.

  • 03

    Mear as 10.000 meiwurkers sprutsen harren stipe foar ús missy út troch te beteljen foar in sidegrutte advertinsje yn The New York Times op de dei dat Firefox 1.0 útbrocht waard yn 2004.

  • 04

    Tsjinwurdich hat Mozilla meiwurkers op elk kontinint, wêrûnder Antarktika (dêr't Firefox troch 80% fan de minsken brûkt wurdt).

  • 05

    Mei add-ons foar Firefox kinne jo jo ynternetûnderfining oanpasse en yn eigen hân nimme. Oant no ta hawwe brûkers der hast 4 miljard download.

  • 06

    Mozilla is lieder op it mêd fan online privacy mei browserynnovaasjes as Do Not Track (Net folgje) en Lightbeam, dat brûkers mear kontrole jout oer harren persoanlike gegevens.

  • 07

    Us wrâldwiide mienskip hat Firefox nei mear as 70 talen holpen oer te setten, sadat de browser foar mear as 90% fan de wrâldbefolking beskikber is.

  • 08

    Yn 2008 keazen 8.002.530 minsken op ien dei foar Firefox, wêrmei't in Guinness-wrâldrekôrd foar “Measte downloads fan in softwaretapassing yn 24 oeren” berikt is.

  • 09

    It Mozilla Festival is ús grutste jierlikse evenemint, dat hûnderten kreative geasten tegearre bringt om de folsleine krêft en mooglikheden fan it ynternet te ferwêzentlikjen.

  • 10

    Mozilla Webmaker soarget foar de bou fan in mear web-lettere planeet troch yn helpmiddelen en projekten te foarsjen dy't minsken mear kontrole oer harren onlinelibbens helpe te krijen.

  • 11

    Firefox foar Android bringt de surfûnderfining fan de desktopferzje fan Firefox nei telefoans en tablets. It is beskikber op Google Play en mear as 80 miljoen kear download.

  • 12

    It Mozilla Developer Network is in mienskips-oandreaune ynternethelpboarne dy't oan mear as 2 miljoen besikers per moanne de bêst beskikbere dokumintaasje, handliedingen en helpmiddelen biedet.

  • 13

    Mozilla wurket yn elkenien harren belang oan de soarch foar en it behâld fan it ynternet as in dielde iepenbere helpboarne.

  • 14

    Yn 2013 lansearret Mozilla Firefox OS om de folsleine krêft fan it ynternet op smartphones frij spul te jaan en wer kontrole en kar te bieden foar in nije generaasje minsken dy't online komme.

  • 15

    It wurk dat Mozilla docht wurdt mooglik makke troch tsientûzenen frijwilligers dy't fine dat it ynternet iepen en foar elkerien tagonkelik bliuwe moat.