Mozilla VPN

Diogelwch eich cysylltiad rhyngrwyd gyda Mozilla VPN ar gyfer y bwrdd gwaith

Sicrhewch ddiogelwch cyflym, hawdd ar eich cyfrifiadur bwrdd gwaith a gliniadur trwy Mozilla, un o'r enwau mwyaf dibynadwy mewn technoleg.

Gweld y prisio a'r argaeledd

Gwarant arian-yn-ôl 30 diwrnod

Eich preifatrwydd yw ein haddewid

Mae Mozilla VPN yn rhoi'r gallu i chi gysylltu'n hyderus a chadw'ch gwybodaeth yn ddiogel rhag llygaid busneslyd a lladron data pan fyddwch chi ar-lein. Mae Mozilla VPN yn defnyddio protocol uwch WireGuard® i amgryptio data personol ar eich gliniadur neu'ch cyfrifiadur bwrdd gwaith - ar gyfer hyd at 5 dyfais. Gallwch ffrydio sioeau, chwarae gemau, siopa, a mynd ymlaen a'ch bywyd bob dydd ar-lein gan wybod eich bod yn ddiogel.

Fel gwneuthurwr y porwr gwe Firefox ac un o amddiffynwyr mwyaf ffyrnig preifatrwydd ar y rhyngrwyd, mae gan Mozilla ymrwymiad dwfn i'ch preifatrwydd a'ch diogelwch bob tro y byddwch chi'n mynd ar-lein.

Beth gewch chi gyda Mozilla VPN:

  • Diogelwch hyd at 5 o ddyfeisiau
  • Mynediad i weinyddion mewn 30+ gwlad
  • Amgryptio ar lefel dyfais
  • Dim cyfyngiadau lled band
  • Dim cofnodi gweithgaredd ar-lein nawr na byth

Teimlwch yn ddiogel pan yn ddefnyddio wifi cyhoeddus

Mae ein VPN yn cuddio'ch cysylltiad rhyngrwyd rhag hacwyr ac ysbïwyr, fel y gallwch chi siopa o'r siop goffi, gwirio'ch cyfrif banc o'r trên a mynd ymlaen â'ch busnes ar-lein yn unrhyw le heb bryderon diogelwch.

Preifatrwydd mewn un clic

Mae'r ap Mozilla VPN yn amgryptio'ch cysylltiad rhyngrwyd ac yn cuddio'r cyfeiriad IP ar eich ffôn symudol neu dabled gan ddefnyddio protocol uwch WireGuard®.

Cysylltwch â gweinyddion ledled y byd

Porwch o Frasil. Chwarae gêm o Japan. Ffrydio o Fecsico. Mae Mozilla VPN yn gadael i chi newid lleoliad eich ffôn neu'ch cyfrifiadur i un o 500 o weinyddion.

Diogelwch hyd at 5 o ddyfeisiau

Mae eich tanysgrifiad yn sicrhau mynediad diderfyn i'n gwasanaeth VPN diogel ar eich ffôn clyfar, llechen a'ch bwrdd gwaith ar gyfer iOS, Android, Mac, Windows a Linux.

Cyflymder anhygoel, dim cyfyngiadau

Gallwch ffrydio fideos, chwarae gemau, siopa a phori ar gyflymder uchel iawn. Fydd Mozilla VPN ddim yn cyfyngu eich lled band nac yn arafu eich ffôn clyfar.

Mae eich preifatrwydd yn flaenoriaeth.

Ym Mozilla, dydy'n ni ddim yn casglu unrhyw ddata am bwy ydych chi nac yn cofnodi'ch gweithgaredd ar-lein - nid trwy ein VPN nac unrhyw un o'n cynnyrch eraill. Mae diogelu eich preifatrwydd yn egwyddor graidd o'n cenhadaeth.