Si nuguàn’ Mozilla

01 ‘Ngō internet huin sa rajsun ta’u’ diû hìaj, Huej ûta huāj ne’ ñaan ngà sa digân, ‘ngō sa riña a’min’ ngà duguî’, ‘ngō sa riña rûn’ nī du’uè’ nī ‘ngō sa riña duku’.

Gahuin chrūn doj

• Garasun insignia huā ni’nïnj ïn da’ duyingâ’t sa garan’ ruhuât
• Ni’iāj dàj ruguñu’unj web riña ciencia
• Gahuin chrūn doj rayi’î código huā ni’nïnj rajsun nej sí periodista

02 Guendâ daran’ chre guì màn riña yumiguìi huin internet yi’ì dan nī da’ui gā chre nìgan.

Gahuin chrūn doj

• Gahiā rayi’î nej nuguan’ anïn ruhuâ ñûnj nī nej chrēj rirà ñûnj dàj gā gi’iaj sun internet.
• Gatū ni’iājt dāj ga’ue ruguñu’ūnjt da’ gā ni’nïnj yitïnj riña web

03 Da’ui internet nagi’iaj hue’ej doj dàj hua mân nê’ riña yumiguì nan.

Gahuin chrūn doj

• Ni’iāj dàj ga’ue rugûñu’ūnj web da’ dugumîn guìi nè kú ni.
• Natsij ni’iājt dàj ‘iaj sun web.

04 Da’ui gā rán sa ‘iaj guìi riña internet nī nitāj à’ngō sa da’ui naga’nāj ni, huê dan huin sa ña’an doj da’ui gā.

Gahuin chrūn doj

• Ni’iāj dàj ‘iaj sun Mozilla ngà sa naran da’ si naga’nāj nej si sò’.
• Gahiā rayi’î dàj gachīj nuguan’ narán riñant da’ si naga’nāj nej si sa achrûnt.
• Gini’in doj dàj gi’iát naránt ma’ânt da’ si naga’nāj si sò’ riña web.

05 Nej guìi nī da’ui ni ganikāj ni rà ni da’ nadunā ni dàj gā internet nī dàj gachē nu hue’ê ni doj.

Gahuin chrūn doj

• Garasun nej sa huā na da’ ga’ue digânt dàj hua Web.
• Gini’in doj nej nuguan’ gatāj na’ānj gunínt dàj nachrāt nī dàj gi’iaj sunt ngà nej sa màn ‘iát riña Web.

06 Dàj rugûñu’ūnj dugui’ ‘iaj sun ‘ngō nanj sa huaa(nej chrej huaa, nej dato, sa màn riñanj), sa nahuin nakàa nī dàj uchra’ da’aj nej si suun ’iaj danj ‘iaj sun hue’ê internet.

Gahuin chrūn doj

• Nachra doj nanè a’min’ riña tecnología nikāj código huā ni’nïnj ïn.
• Nachrūn SI GANIKÒ’T riña sa nihià’ ruhuât doj
• Garada’nga’ ruhuô’ dàj hua si ecosistema Web

07 Nej software huā chre nī nikāj ‘ngō código huā ni’nïnj ïn nī nù huin man da’ giyi’nanj ´ngō internet ga’ue gā yumàn’an.

Gahuin chrūn doj

• Natsij ni’iājt nī gini’înt sisī nej sa ‘iaj huā ni’nïnj ïn nī a’nïnj ma da’ gā ni’nïnj doj Web
• Gahuin chrūn dàj gi’iát nachēj duguî’t sa huāa da’ girīt a’ngô sa nakàa.
• Gahuin chrūn dàj garasun nïn’t da’ huā ngè nej sa interactivo nikāj Web

08 Nej chrēj yumàn’ nikō’ nadigûn’ dàj ‘iaj sun’ rugûñu’ūnj da’ gi’iaj sun guìi doj, da’ naga’uì’ hue’ê’ ngō guendâ nī guyumân ruhuô’ ni’în’ duguî’

Gahuin chrūn doj

• Gatū narisna’ānjt ngà ñûnj dàj da’ui ñûnj gi’iaj sun ñûnj ngà dugui’ ñûnj.
• Nakāj dugui’ ngà ñûnj gahuînt ‘ngō voluntario
• Nakāj dugui’ ngà ñûnj gahuînt ‘ngō sí gitāj ñan riña nej duguî’ digî’ñun.
• Gahuin chrūn rugûñu’ūnjt ñûnj nga nunt riña línea.

09 Nga atûj nej sa a’ue rî’ san’anj an rugûñu’unj da’ gā’ue gachīj Internet nī ûta hua sa rugûñu’un; Si nachej dugui’ij ngà sa ri’ sunuj sa yuman’an nī narikij sa nadigi’ñûn’ doj.

Gahuin chrūn doj

• Ni’iāj ahuin si ngà nadunàt nuguan’an riña web ngà lightbeam
• Gahuin chrūn dàj giriràt nej sa ‘iaj sun ngà Wen ngà a’ngô duguî’ arajsun man nej

10 Nagi’iaj nìkô’ nej sa ‘iaj sunūj guì rigìi riña internet huin ‘ngō sa ña’an doj, nī da’uî’ naga’uì’ si diû’ da’ huê dan gaj.

Gahuin chrūn doj

• Mà si ‘na’ akuân’t asi natū nakāj duguî’t ngà Party Maker
• Gahuin chrūn dàj gi’iát rugûñu’ūnjt ngà nunt riña línea