Virtuelle private nettverk (VPN-er) og sikre webbproxytenester er løysingar for betre personvern og sikkerheit på nettet, men det kan vere forvirrande å finne ut kva som passar best for deg. Her er ei oversikt over korleis desse vernar deg – og når du bør bruke kva.
Stopp internettleverandøren frå å overvake deg
Når du brukar Firefox, blokkerer utvida sporingsvern automatisk mange sporarar frå tredjepartar som prøver å følgje deg på nettet. Men her er ein interessant ting: Internettleverandøren din (ISP), som du betalar for internettsambandet, kan framleis overvake og spore deg.
Fordi internett-trafikken din går til og frå einingane dine (datamaskin, telefon, TV, nettbrett) via internettleverandøren, kan dei sjå kvar du går på nettet. Ein ISP kan sjå kva nettstadar du besøkjer, kor lenge du er på dei, kvar du er, og informasjon om einingane dine. Sjølv om dei ikkje nødvendigvis ser kva du gjer på nettstadane (som kva du kjøpte eller søkte etter) takka vere kryptering, kan dei dra slutningar basert på kva sider du besøkte. Desse personopplysningane kan brukast til å lage detaljerte profilar om deg. Kvifor skulle internettleverandørar gjere det? Kort sagt: desse dataa er verdifulle.
Internettleverandørar kan bruke denne informasjonen til eiga annonsemålretting eller til inntektsgenereringsmoglegheiter, som kan inkludere å dele informasjonen din med tredjepartar som er interesserte i datautvinning, marknadsføring og målretta annonsering, noko som betyr mindre personvern og meir sporing. Privat nettlesing hindrar ikkje internettleverandørar i å sjå kvar du er på nettet. Men å sende nettrafikken din via ein nettproxy eller VPN kan gjere det mykje vanskelegare.
Når bør du bruke ein VPN eller ein sikker proxy?
VPN og sikre webproxyar har felles mål: dei sikrar samband. Dei maskere den opphavlege IP-adressa di og vernar webtrafikk som du sender mellom deg og VPN-et eller leverandøren av sikker proxy. Men når bør du bruke ein VPN kontra ein proxy?
Sikker nettproxy: vern på nettlesarnivå
Ein sikker nettproxy fungerer for oppgåver du kanskje berre gjer i nettlesaren din. Dette kan innebere mykje aktivitet, som shopping, betaling av rekningar, pålogging på sosiale medium og lesing av e-post. Ein sikker nettproxy fungerer som ein mellomting mellom nettlesaren din og internett. Nettlesardataa dine vil passere gjennom ein sikker tunnel til internett direkte frå nettlesaren din, og maskere IP-adressa di, slik at webserveren du kontaktar ikkje veit nøyaktig kvar du er i verda. Og det gjer deg vanskelegare å spore og målrette.
Ein proxy er nyttig når du surfar på nettet på eit offentleg WiFi-nettverk. Når ein proxy er aktivert, vil han hindre avlyttarar på same nettverk i å spionere på nettlesaraktiviteten din eller lese transaksjonane dine på ukrypterte nettstadar. Det høyrest harmlaust ut, men offentlege WiFi-nettverk kan vere som ei bakdør for hackarar.
Firefox Private Network er ei nettlesarutviding som er enkel å installere og som gir ein sikker, kryptert tunnel til nettet for å verne nettlesartilkoplinga di same kvar du brukar Firefox. Ho er rask og enkel å slå på når du treng henne for ekstra sikkerheit i nettlesaren din.
VPN: vern på einingsnivå
VPN gjer meir enn proxyar ved at ein proxy berre vernar det du gjer i nettlesaren din, medan ein VPN vernar all trafikken din, inkludert nettlesaren din, same kvar du har ein VPN installert og aktivert. VPN gir ekstra sikkerheit og personvern for all aktivitet på nettet – ein viktig faktor om du vil halde aktiviteten din for deg sjølv og gjere det vanskelegare for datasvoltne sporarar og internettleverandørar å opprette ein profil av deg på tvers av alle einingane dine, som telefonen, datamaskina og nettbrettet ditt.
Eit VPN fungerer ved å lage ein sikker «tunnel» mellom eininga di og resten av internett. Det vernar deg på to hovudmåtar:
- Det skjuler IP-adressa di, beskyttar identiteten din og skjuler plasseringa di.
- Det krypterer trafikken mellom deg og VPN-leverandøren din, slik at ingen på det lokale nettverket kan sjå eller endre det.
Eit VPN tilbyr også sikkerheit på opne og offentlege WiFi-tilkoplingar. Open WiFi kan vere risikabelt, og det er umogleg å vere sikker på at nokre andre ikkje koplar seg til det same nettverket for å snoke i kva du gjer. Sjølv om trafikken din er kryptert, kan dei framleis sjå kva nettstadar du besøkjer. Og om du brukar ein app som ikkje har kryptering – og sjølv i dag er det mange som ikkje har det – kan dei sjå alt du gjer i den appen. Mozilla VPN er ein rask, sikker og påliteleg teneste som kan bidra til å minske tryggingsgapet for deg. Mozilla VPN lèt deg også velje «plasseringa» di (kvar trafikken din ser ut til å kome frå) frå meir enn 30 land.
Vel ei påliteleg teneste
Det viktigaste å vurdere når du vel, anten eit VPN eller ei proxy-teneste, er å velje eit påliteleg selskap. Sørg for at du forstår vilkåra du godtek. Mange hevdar å vere gode og fokusere på personvern, men mange av dei held ikkje løftet sitt. Ikkje alle proxy- og VPN-tenester er sikre og private. Nokon vil logge onlineaktivitetane dine slik at dei sjølve kan selje dataa og informasjonen din til marknadsføringsfirma. Andre tenester vil prøve å overtyde deg om å installere skadeleg programvare på einingane dine.
Vi har gjort forarbeidet for å sikre at både proxy-utvidinga Mozilla VPN og Firefox Private Network faktisk respekterer personvernet ditt, og det er noko vi er villige til å satse ryktet vårt på. Mozilla har eit rykte for å byggje produkt som hjelper deg med å halde informasjonen din trygg. Vi følgjer dei lettlesne, seriøse prinsipp våre for personvern som lèt oss fokusere berre på informasjonen vi treng for å tilby ei teneste. Og sidan vi er støtta av eit oppdragsdrive selskap , kan du stole på at pengane du brukar på dette produktet ikkje berre vil sikre at du har førsteklasses sikkerheit, men også gjere internett betre for alle.