Vi står for menneske framfor profitt.
Det kan vere vanskeleg å vite kva ein kan vente seg av programvare og tenester no for tida. Dagens teknologi er kompleks, og dei færraste har tid til å setje seg inn i detaljane. Det gjeld òg for Firefox, der vi ser, at brukarane har mange ulike idear om kva som skjer under panseret i nettlesarane deira.
Hjå Mozilla respekterer og vernar vi om den personlege informasjonen din:
- Vi følgjer eit sett av dataverneprinsipp som for tilnærminga vår til personvern i Firefox for datamaskiner og mobile einingar.
- Vi strevar etter å berre samle inn dei dataa vi treng for å lage dei beste produkta.
- Vi jobbar for å gi folk kontroll over sine data og nettopplevingar.
- Vi følgjer prinsippet om «ingen overraskingar», noko som tyder at vi arbeider hardt med å passe på at folk si forståing av Firefox samsvarar med verkelegheita.
Følgjande spørsmål og svar skal hjelpe deg med å forstå kva du kan vente deg frå Mozilla og Firefox:
- Eg brukar Firefox til nesten alt på nettet. Folk hos Mozilla må vite ein heil del om meg, eller kva?
-
Mozilla veit ikkje så mykje som du forventar om korleis folk surfar på nettet. Firefox, nettlesaren som køyrer på eininga eller datamaskina di, er inngangsporten din til internett. Nettlesaren din vil administrere mykje informasjon om nettstadene du besøkjer, men denne informasjonen held vanlegvis fram med å vere på eininga di.
- Det verkar som alle selskap på nettet kjøper og sel informasjonen min. De er sannsynlegvis ikkje annleis.
-
Mozilla sel ikkje data om deg (på same måte som folk flest tenkjer om å «selje data»), og vi kjøper ikkje data om deg. Sidan vi strevar etter openheit, og den JURIDISKE definisjonen av «sal av data» er ekstremt breie nokre stadar, har vi måtta trekkje oss tilbake frå å komme med dei definitive utsegnene du kjenner og elskar. Vi legg framleis ned mykje arbeid i å sørgje for at dataa vi deler med partnarane våre (noko vi må gjere for å gjere Firefox kommersielt levedyktig) er strippa for all identifiserande informasjon, eller berre blir samla delte, eller går gjennom dei personvernbevarande teknologiane våre (som OHTTP).
- Vent lit, så korleis tenar de pengar då?
-
Mozilla er ikkje ein gjennomsnittleg organisasjon. Mozilla vart grunnlagt som eit ope kjeldekode-prosjekt i 1998, og er ein oppdragsdriven organisasjon som jobbar mot eit sunnare internett. Størstedelen av Mozilla Corporations inntekter kjem frå godtgjeringar tent opp gjennom partnarskap for nettlesarsøk i Firefox og distribusjonsavtalar over heile verda. Du kan lære meir om korleis vi tener pengar i årsrapporten vår.
- Ok, det var dei enkle spørsmåla. Kva for opplysningar samlar de inn?
-
Mozilla samlar inn eit avgrensa sett med data som standard frå Firefox som hjelper oss å forstå korleis folk brukar nettlesaren. Du kan lese meir om dette i personvernfråsegna vår og lese fullstendig dokumentasjon for den datainnsamlinga. Vi offentleggjer også dokumentasjonen vår slik at alle kan stadfeste at det vi seier er sant, fortelje oss om vi treng å forbetre oss, og ha tillit til at vi ikkje skjuler noko.
- Samlar de inn fleire data i dei tidlege test-utgåvene av Firefox?
-
På ein måte. I tillegg til dataa beskrivne ovanfor, tek vi imot krasj- og feilrapportar som standard i tidlege testutgivingar av Firefox.
Vi kan også samle inn fleire data i førehandsutgivinga for ein av studiane våre. Til dømes krev nokre studiar det vi kallar «nettlesardata», som kan inkludere nettadressar og annan informasjon om visse nettstadar. Dette hjelper oss med å svare på spesifikke spørsmål for å forbetre Firefox, til dømes korleis vi betre kan integrere populære nettstader på bestemde språk.
Førehandsversjonane av Mozilla av Firefox er utviklingsplattformer som ofte blir oppdaterte med eksperimentelle funksjonar. Vi samlar inn meir data i førehandsversjonane enn etter utgivinga for å forstå korleis desse eksperimentelle funksjonane fungerer. Du kan velje å ikkje samle inn desse dataa i innstillingane.
- Men kvifor samlar de inn data då?
-
Om vi ikkje veit korleis nettlesaren yter eller kva funksjonar folk brukar, kan vi ikkje gjere han betre og levere det gode produktet du ønskjer. Vi har investert i å byggje verktøy for datainnsamling og analyse som lèt oss ta smarte avgjerder om produktet vårt samtidig som vi respekterer folks personvern. Du kan lese meir om nokre av teknologiane vi brukar for å bevare personvernet, som OHTTP.
- Eg bryr meg ikkje om datainnsamlinga. Kan eg slå henne av?
-
Ja. Brukarkontroll er eit av prinsippa våre for personvern. Vi set dette ut i livet i Firefox på vår side for personverninnstillingar, som fungerer som ein komplett stad for alle som ønskjer å ta kontroll over personvernet sitt i Firefox. Du kan slå av datainnsamling der.
- Kva med kontodataa mine?
-
Vi trur på minimering av data, og spør ikkje etter noko vi ikkje treng.
Du treng ikkje ein konto for å bruke Firefox. Kontoar trengst for å synkronisere data på tvers av einingar, men vi ber deg berre om ei e-postadresse og alderen din (berre for å vere sikker på at du ikkje er eit barn).
- De brukar digital annonsering som ein del av marknadsføringa dykkar. Kjøper de folk sine data for å betre målrette annonsane dykkar på nettet?
-
Nei, vi kjøper ikkje folk sine data for målretta annonsar.
Vi ber annonsepartnarane våre om å berre bruke førstepartsdata som nettstadar og utgivarar kjenner til om alle brukarar, til dømes nettlesaren du brukar og eininga du er på.
- Hm, det ser ut til at vi verkeleg tek desse tinga alvorleg.
-
Ja, det gjer vi.