Mozilla VPN

Mozilla VPN Linux-ზე მეტად პირადი და დაცული ინტერნეტისთვის

Linux უფასო, ღია წყაროს მქონე და ადვილად მოსარგებია, მაგრამ არაა შეუვალი ინტერნეტიდან მომავალი საფრთხისა და პირადულობის ხარვეზებისგან. მსგავსად სხვა საოპერაციო სისტემების მომხმარებლებისა, Linux-ის მომხმარებლებიც აწყდებიან ცენზურას, მეთვალყურეებსა და ჰაკერებს.

რა არის Mozilla VPN?

Mozilla VPN არის წარმოსახვითი კერძო ქსელის მომსახურება, რომელიც იყენებს ახალთახალ ღია წყაროს მქონე დაშიფვრასა და არ აღრიცხავს, თვალს არ ადევნებს ან არ აზიარებს არანაირ მოქმედებას თქვენი ქსელიდან. საშუალებას გაძლევთ დაუკავშირდეთ 500-ზე მეტ სერვერს 30-ზე მეტ ქვეყანაში.

რატომ უნდა ავირჩიოთ Mozilla VPN Linux-ზე?

  • სწრაფი და საიმედო: Mozilla VPN იყენებს WireGuard® ოქმს, რომელიც უზრუნველყოფს უკეთეს წარმადობასა და მდგრადობას, ვიდრე სხვა VPN-ოქმები.
  • აღრიცხვის გარეშე: Mozilla VPN არ ინახავს თქვენი ქსელის შესახებ ჩანაწერებს; არ აღვრიცხავთ მონახულებულ საიტებს და არ ვაკვირდებით მიმოცვლილ მონაცემებს.
  • უსაფრთხოების დამატებითი შესაძლებლობები: ჩვენ ვიყენებთ DNS-შეზღუდვას რეკლამების, მეთვალყურეებისა და მავნე პროგრამების ასარიდებლად. ბრაუზერს კი შეუძლია, მხოლოდ ვებსაიტებს შეუშალოს ხელი მავნე პროგრამების დაყენებასა და თქვენს თვალთვალში.
  • მოწყობილობის დონეზე დაშიფვრა: იმ VPN-ებისგან განსხვავებით, რომლებიც მხოლოდ ბრაუზერიდან მიმოცვლილ ინფორმაციას შიფრავს, Mozilla VPN თქვენი მოწყობილობის კავშირებს სრულად დაშიფრავს ყველა პროგრამისა თუ თამაშის ჩათვლით.
  • მრავალკვანძიანი დამისამართება: გაძლიერებული უსაფრთხოებისთვის Mozilla VPN-ს შეუძლია თქვენი მიმოცვლილი მონაცემების დაშიფვრა და დამისამართება, ერთის ნაცვლად, ორ მდებარეობაზე, რაც კიდევ უფრო უძნელებს უცხო პირებს ინტერნეტში თქვენს მოქმედებებზე თვალის დევნების საშუალებას.
  • ადვილი და მოსახერხებელი სამუშაო გარსი: დაუკავშირდით სერვერს ერთი დაწკაპებით. ასევე შეგიძლიათ მოირგოთ პარამეტრები თქვენი საჭიროებისამებრ.
  • გეხმარებათ ქსელის მიუკერძოებლობის აღდგენაში: Mozilla VPN საშუალებას გაძლევთ დაიბრუნოთ საკუთარი ინტერნეტცხოვრების მართვის სადავეები და ხელი შეუშალოთ მომწოდებლებს, შეგიმცირონ გამტარუნარიანობა ან შეგიზღუდონ ვებსაიტები და მომსახურებები, რომლებიც არ მოსწონთ ან რომლებიც მეტოქეობას უწევს მათსავე შემოთავაზებებს.
  • გრაფიკული გარსის მქონე პროგრამა: Mozilla VPN-ს გააჩნია GUI-კლიენტი (გრაფიკული სამუშაო გარსი), მაშინ როცა ზოგიერთი VPN-მომწოდებელი გთავაზობთ მხოლოდ CLI-ვერსიას (ბრძანების შეყვანით სამართავს).

Mozilla VPN-ის გამოყენებით შეგიძლიათ დაიბრუნოთ მართვის სადავეები ინტერნეტში საქმიანობისას, დაიცვათ თქვენი პირადულობა და მონაცემები. ჩამოტვირთეთ Mozilla VPN ახლავე და ისარგებლეთ 30-დღიანი თანხის დაბრუნების შესაძლებლობით აღრიცხვების, უსიამოვნებისა და ყოველგვარი საფრთხის გარეშე.

როგორ დავაყენოთ Mozilla VPN Linux-ზე

თუ იყენებთ Ubuntu-ს რომელიმე მხარდაჭერილ გამოშვებას, ორი ხერხით შეგიძლიათ დააყენოთ mozillavpn-ის ოფიციალური კრებულები საცავიდან Launchpad:

  1. Ubuntu-ს ბრძანებათა შეყვანის რეჟიმით: დაწვრილებითი მითითებებისთვის, თუ როგორ უნდა დააყენოთ Mozilla VPN ბრძანებათა შესაყვანი ხელსაწყოებით, იხილეთ როგორ დავაყენოთ Mozilla VPN Linux-კომპიუტერზე.
  2. Ubuntu-ს გრაფიკული გარსით: გაეცანით ამ სტატიას და მიჰყევით მითითებებს პირადი კრებულის არქივის დამატების განყოფილებაში.

გარდა ამისა, Linux-ის მხარდაუჭერელი სისტემებისთვის შეგიძლიათ პირველწყარო კოდი მოიძიოთ და გარდაქმნათ პროგრამად ოფიციალური GitHub-საცავიდან.