Mozilla VPN za Windows so sćahuje…

Waše sćehnjenje Mozilla VPN měło so awtomatisce startować. Jeli so to njestawa,
startujće sćehnjenje znowa abo wróćće so k sćehnjenju za druhi grat.

  1. 1. Wočińće dataju

    Přeńdźće k swojemu rjadowakej sćehnjenjow a klikńće dwójce na dataju .msi.

  2. 2. Startujće nałoženje

    Postupowa hrjada so zjewi a instalaciski proces so započnje

  3. 3 Přizjewće so abo registrujće so

    Zapodajće swoju e-mejlowu adresu, zo byšće so přizjewił abo registrował a započńće

  4. 4. Zmóžńće VPN

    Wubjerće doporučene stejnišćo za spěšny, stabilny zwisk abo wubjerće swoje požadane stejnišćo manuelnje a suńće potom přepinak na Zapinjeny.

  5. 5. Rozšěrjenje Firefox instalować

    Sćehńće a instalujće rozšěrjenje, zo byšće wuzamknjenja na sydło nastajił a wubjerće druhe městna za rozdźělne websydła.

Trjebaće pomoc, zo byšće započał?

Tu su někotre z najčasćišich prašenjow wo konfiguraciji Mozilla VPN

Čehodla Mozilla VPN wužiwać?

Dokelž so nětko wjace wšědneho dnja přez internet stawa, stej priwatnosć a wěstota dale a wažnišej. VPN, Wirtualny priwatna syć, zaklučowany tunl mjez wašimi gratami a internetom wutworja a zawěsćuje, zo waš zwisk wěsty a priwatny wostawa, mjeztym zo was na dwě wažnej wašni škita:

  1. Waša IP-adresa so schowa: To pomha, wašu identitu škitać a waše stejnišćo před websydłami, kotrež wopytujeće, znjespóznajomni.
  2. Zaklučowanje wašeho internetneho wobchada: Tak nichtó w syći njemóže wašu aktiwitu online wuskušić.

Kak wěm, zo VPN funguje?

Mozilla VPN wizuelne indikatory swojeho aktualneho statusa w symbolowej lajsće kaž tež na startowej wobrazowce nałoženja pokazuje, štož wam wosnadnja zhonić, hač waša aktiwita online so škita abo nic. Tute indikatory wam zmóžnjeja wobkrućić, hdyž waša nawigacija je priwatna a wěsta. Nimo toho móžeće, mjeztym zo sće zwjazany, https://monitor.mozilla.org wopytować, zo byšće wobkrućił, hač waša IP-adresa je maskowana. Za dalše podrobnosće hlejće prošu Kak móžu zdźělić, hač Mozilla VPN je zwjazany?.

Kak móžu dalši grat přidać?

Přidawanje dalšeho grata je tak lochke kaž sćahowanje a instalowanje software Mozilla VPN a potom přizjewjenja pola wašeho eksistowaceho konta Konto Mozilla na nowym graće. Za dalše podrobnosće hlejće prošu Kak wašemu abonementej Mozilla VPN graty přidać.

Što su najlěpše praktiki VPN?

Jeli waš cil je, waš internetny wobchad škitać a tola wysoku spěšnosć wobchować, je přeco najlěpje, serwerowe stejnišćo wubrać, kotrež je tak blisko wašeho fyziskeho stejnišća kaž móžno. To spušćomnosć a spěšnosć wašeho zwiska powyši, dokelž waš internetny wobchad njetrjeba wulki wokołopuć wzać, prjedy hač jeho wotpohladany cil we webje docpěwa.

Jeli waš cil je, internet dožiwić, kaž byšće w někajkim druhim dźělu swěta był, móžeće tam serwerowe stejnišćo wubrać a wšě websydła, kotrež wopytujeće, so pokazuja, kaž byšće tam był.

Jeli chceće so hišće wjace škitać, móžeće škit přećiwo wabjenju, wabjenskim přesćěhowakam a škódnej software přez Nastajenja > Funkcije priwatnosće aktiwizować. Prošu dźiwajće na to, zo to móže zawinować, zo websydła korektnje njefunguja abo so njezačitaja, tohodla dyrbiće snano tutón škit znjemóžnić, jeli na tutón problem storčiće.

Naposledku móžeće VPN na podpěranych gratach bóle inteligentny činić, hdyž wěste nałoženja (na př. Netflix) z VPN wuzamkujeće.

Trjebaće trochu wjace pomocy?

Móžeće so direktnje z nałoženja Mozilla VPN z teamom pomocy do zwiska stajić, hdyž na Nastajenja > Pomoc wobstarać > Pomoc skontaktować klikaće. Móžeće so tež z nami na našej stronje pomocy do zwiska stajić.