Linux je darmotny, wotewrjeneho žórła a přiměrjomny, ale njeje imuny přećiwo problemam z wěstotu a priwatnosću online. Kaž wužiwarjo druhich dźěłowych systemow steja wužiwarjo Linux njenadźicy před censuru, dohladowanjom a zadobywanjom do kompjuterow.
Što je Mozilla VPN?
Mozilla VPN je słužba wirtuelneje priwatneje syće, kotraž moderne zaklučowanje wotewrjeneho žórła wužiwa a wašu syćowu aktiwitu njeprotokoluje, njepřesćěhuje abo njedźěli. Zmóžnja wam, z wyše 500 serwerami w přez 30 krajach zwjazać.
Čehodla Mozilla VPN za Linux wubrać?
- Spěšny a spušćomny: Mozilla VPN protokol WireGuard® wužiwa, kotryž lěpši wukon a stabilnosć hač druhe protokole VPN skići.
- Žane protokole: Mozilla VPN protokole wašeje syćoweje aktiwity njewobchowuje; njezapisujemy, kotre websydła wopytujeće a njepřepytujemy waš wobchad.
- Přidatne wěstotne funkcije: Wužiwamy blokowanje DNS, zo bychmy wabjenje, přesćěhowaki a škódnu software blokěrowali. Wobhladowak wšak móže jenož tomu zadźěwać, zo wam websydła škódnu software podsuwaja a wam slěduja.
- Zaklučowanje na runinje grata: Na rozdźěl wot VPN, kotrež jenož wobchad wašeho wobhladowaka zaklučuja, Mozilla VPN wšón wobchad wašeho grata zaklučuje, inkluziwnje wšě waše nałoženja a hry.
- Multi-hop routing: Za zwyšenje škita móže Mozilla VPN waš wobchad zaklučować a jón po dwěmaj stejnišćomaj město jednoho stejnišća wjesć, štož za kóždeho poćežuje, wašej aktiwiće online slědować.
- Jednory a intuitiwny wužiwarski powjerch: Zwjazajće ze serwerom z jednym kliknjenjom. Móžeće tež waše nastajenja po swojich přećach přiměrić.
- Pomha syćowu neutralitu wobnowić: Mozilla VPN wam pomha, wam kontrolu nad wašimi aktiwitami online přez to wróćo dać, zo tomu zadźěwa, zo internetni poskićowarjo wašu šěrokosć pasma daja abo websydła abo słužby blokuja, kotrež so jim njespodobaja abo kotrež ze swójskimi poskitkami konkuruja.
- Klient z grafiskim powjerchom: Mozilla VPN ma klient z grafiskim powjerchom, mjeztym zo druzy poskićowarjo jenož wersiju za přikazowu linku poskićuja.
Z Mozilla VPN móžeće kontrolu nad swojimi aktiwitami online wróćo dóstać a swoju priwatnosć a daty škitać. Sćehńće Mozilla VPN dźensa a wužiwajće 30dnjowsku garantiju wróćenja pjenjez bjez protokolow, bjez hary a bjez rizika.
Kak Mozilla VPN na Linux instalować?
Jeli jednu z podpěranych wersijow Ubuntu wužiwaće, stej dwě móžnosći oficielne pakety mozillavpn instalować, kotrež so na Launchpad: hospoduja
- Modus přikazoweje linki Ubuntu: Za detailowane instrukcije wo tym kak móžeće Mozilla VPN z pomocu nastrojow modusa přikazoweje linki instalować, čitajće Kak Mozilla VPN na ličaku Linux instalować.
- Grafiski wužiwarski powjerch Ubuntu: Wopytajće tutón nastawk a slědujće instrukcijam we wotrězku Přidawanje wosobinskich paketowych archiwow.
Nimo toho móžeće za njepodpěrane distribucije Linux žórłowy kod z oficielneho repozitorija Github wzać a kompilować.