Za nas luźe nad profitom stoje.
Cesto luźe njewěźe, což mógu wót softwary abo słužbow wócakowaś, kótrež źinsa wužywaju. Technologija, kótaraž našo žywjenje doprědka pógónjujo, jo kompleksna a luźe njamaju casa, se nadrobnje z drobnostkami zaběraś. To teke za Firefox płaśi, pśeto cesto wiźimy, až luźe maju rozdźělne pśedstajenja wó tom, což se w jich wobglědowaku pód hawbu stawa.
My pla Mozilla waše wósobinske daty respektěrujomy a šćitamy:
- Slědujomy rěd zasadow priwatnosći, kótarež našu wašnju pśistupa k priwatnosći we Firefox za desktop a mobilne rědy póstajaju.
- Procujomy se, jano daty gromaźiś, kótarež trjebamy, aby my nejlěpše produkty wuwijali.
- Źěłamy, aby my luźam kontrolu nad jich datami a dožywjenjami online wóstajili.
- Za nas princip „žedne pśechwatanja“ płaśi, to groni, źěłamy śěžko na tom, až se wócakowanja luźi na Firefox z napšawdnosću kšyju.
Slědujuce pšašanja a wótegrona maju wam pomagaś, rozměś, což móžośo wót Mozilla a Firefox wócakowaś:
- Wužywam Firefox za skóro wšykno w interneśe. Nejskerjej wě Mozilla pšawje wjele wó mnje, nic ga?
-
Mozilla njewě tak wjele, kak wjele wy by wótcakaś wó tom, kak luźe web pśeglěduju. Firefox, webwobglědowak, kótaryž na wašom rěźe abo licadle běžy, jo waše zachodowe wrota k internetoju. Waš wobglědowak wjele informacijow wó websedłach zastojaś, ku kótarymž se woglědujośo, ale te informacije zwětšego na wašom rěźe wóstawaju.
- Zda se, ako by kužde pśedewześe we webje móje daty kupiło a pśedało. Pla was to nejskerjej hynac njejo.
-
Mozilla daty wó was njepśedawa (w tom zmysle, kak se nejwěcej luźi „pśedań datow“ pśedstaja), a my daty wó was njekupujomy. Dokulaž se wó transparencu procujomy a PŠAWNISKA definicija „pśedanje datow“ jo na někotarych městnach bejnje šyroka, smy se musali definitiwnych zwěsćenjow zbyś, kótarež znajośo a lubujośo. Nałožujomy hyšći wjele źěła za to, aby zawěsćili, až se daty, kótarež ze swójimi partnarjami źělimy (kótarež trjebamy, aby Firefox komercielnje wužywajobny cynili) wót identificěrujucych informacijow wulichuju, abo se jano w cełku źěle abo se z našymi priwatnosć zdźaržujucymi technologijami (kaž OHTTP) pśeźěłuju.
- Moment, z cym ga pjenjeze zaslužyśo?
-
Mozilla njejo žedna wšedna organizacija. Ako projekt wótwórjonego žrědła zgromaźeństwa w lěśe 1998 załožony, jo Mozilla organizacija z misiju, kótaraž za strowšy internet źěła. Wětšyna zasłužbow, kótarež pśedewześe Mozilla Corporation dojśpiwa, póchadaju z płaśenjow pśez partnaŕstwa webwobglědowaka Firefox a rozdźěleńskich dogronow cełego swěta. Móžośo w našej lětnej financnej rozpšawje wěcej wó tom zgóniś, kak pjenjeze zasłužymy.
- W pórěźe, toś te pšašanja su byli jadnore. Kótare daty zběraśo?
-
Mozilla zběra pó standarźe wobgranicowanu tšochu datow z Firefox, kótarež nam pomagaju, rozměś, kak luźe wobglědowak wužywaju. Móžośo w našej powěźeńce priwatnosći wěcej wó tom cytaś, a cytajśo dopołnu dokumentaciju za gromaźenje datow. Wózjawijomy swóju dokumentaciju, aby kuždy mógał pśespytaś, až to, což gronimy, jo wěrne, dajśo nam k wěsći, lěc musymy něco pólěpšyś a mějśo dowěru, až nic njezatajamy.
- Zběraśo wěcej datow w pśedwersijach Firefox?
-
We wěstem nastupanju. Pśidatnje k datam, kótarež smy górjejce wopisali, dostawamy w pśedwersijach Firefox pó standarźe rozpšawy wó zmólkach a wowalenjach.
Móžomy teke dalšne daty w pśedwersiji zběraś, za jadnu z našych studijow. Někotare studije na pśikład trjebaju tak pomjenjone „pśeglědowańske daty“, ku kótarymž móža URL a druge daty wó wěstych websedłach słušaś. To nam pomaga, na wěste pšašanja wótegroniś, aby my Firefox pólěpšyli, na pśikład, kak daju se wěste woblubowane websedła do wěstych rěcnych wersijow integrěrowaś.
Pśedwersije Mozilla Firefox su wuwijańske platformy, kótarež se cesto z eksperimentelnymi funkcijami aktualizěruju. Zběramy w pśedwersiji wěcej datow ako w kóńcnych wersijach, aby my rozměli, kak toś te eksperimentelne funkcije funkcioněruju. Móžośo zběranje toś tych datow w nastajenjach znjemóžniś.
- Ale cogodla pópšawem daty zběraśo?
-
Jolic njewěmy, kak wobglědowak běžy abo kótare funkcije luźe wužywaju, njamóžomy jen pólěpšyś a wam wjelicny produkt póbitowaś. Smy wuwili rědy za zběranje a analyzěrowanje datow, kótarež nam zmóžnjaju, inteligentne rozsudy wó našom produkśe cyniś a priwatnosć luźi respektěrowaś. Móžośo wěcej wó někotarych technologijach cytaś, kótarež priwatnosć wobchowaju a kótarež wužywamy, na pśikład OHTTP.
- Zběranje datow mě hyšći móli. Mógu jo znjemóžniś?
-
Jo. Kontrola pśez wužywarja jo jadna z našych zasadow datoweje priwatnosći. Stajamy to do statka w Firefox w našom boku nastajenjow priwatnosći, kótarež ako dopšašowańske městno za kuždego słužy, kótaryž co swóju priwatnosć w Firefox kontrolěrowaś. Móžomy tam zběranje datow znjemóžniś.
- Co jo z mójimi kontowymi datami?
-
Dajomy wjele na miniměrowanje datow a njepšašamy se was za nicym, kótarež njetrjebamy.
Njetrjebaśo konto, aby Firefox wužywał. Konta su trjebne za synchronizěrowanje datow mjazy rědami, my pak pšosymy was jano wó e-mailowu adresu a wašo starstwo (jano, aby mě wěźeli, až njejsćo góle).
- Wužywaśo digitalne wabjenje ako źěl swójeje marketingoweje strategije. Kupujośo daty luźi, aby swójo wabjenje online lěpjej pśirězał?
-
Ně, njekupujomy daty luźi, aby zaměrne wabjenje cynili.
Pominamy wót našych wabjeńskich partnarjow, jano daty prědnego póbitowarja wužywaś, kótarež websedła a wózjawjarje maju wó wšych wužywarjach, na pśikład wobglědowak, kótaryž wužywaśo a rěd, na kótaremž jen wužywaśo.
- Derje, zda se, až napšawdu móju priwatnosć šćitaśo.
-
Jo, tomu tak jo.