'n Kykie terug, 'n kykie vorentoe.

Mozilla bestaan om openheid, innovering en geleentheid op die Internet te bevorder.
Kyk gerus van nader wie ons is, insluitend 'n paar van ons grootste prestasies en mylpale.

  • 01

    Die Mozilla-projek het begin by Netscape op 31 Maart 1998 om gebruikers 'n keuse te gee en as dryfveer vir innovering op die Web.

  • 02

    Met beter motiewe as wins maak Mozilla produkte soos Firefox met 'n missie om die krag van die Web te hou in die hande van gebruikers oral.

  • 03

    Meer as 10 000 bydraers wys hulle steun vir ons missie deur te betaal vir 'n volblad-advertensie in die New York Times op die vrystellingsdag van Firefox 1.0 in 2004.

  • 04

    Mozilla het vandag bydraers op elke kontinent, insluitend Antarktika (waar Firefox deur 80% van die mense gebruik word).

  • 05

    Firefox-byvoegings laat aanpassing en beheer van mens se webervaring toe. Amper 4 miljard byvoegings is al deur gebruikers afgelaai.

  • 06

    Mozilla is 'n leier in die gebied van privaatheid aanlyn, met dinge soos “Do Not Track” en Lightbeam wat gebruikers meer beheer gee oor hul persoonlike data.

  • 07

    Ons wêreldwye gemeenskap help om Firefox te vertaal in meer as 70 tale wat die blaaier beskikbaar maak aan meer as 90% van die wêreldbevolking.

  • 08

    In 2008 het 8 002 530 mense op een dag Firefox gekies en daarmee 'n Guinness-wêreldrekord opgestel vir “Meeste keer wat 'n sagtewaretoepassing in 24 uur afgelaai is”.

  • 09

    Die Mozilla-fees is ons grootste jaarlikse geleentheid. Dit bring honderde kreatiewe geeste bymekaar om die volle krag en potensiaal van die Web te laat realiseer.

  • 10

    Mozilla Webmaker werk om 'n meer Web-geletterde gemeenskap te skep deur gereedskap en projekte te skep wat mense help om meer beheer te neem van hulle lewens aanlyn.

  • 11

    Firefox vir Android bring die ervaring van Firefox op rekenaars na selfone en tablette. Dit is beskikbaar op Google Play en is al meer as 80 miljoen keer afgelaai.

  • 12

    Die Mozilla-ontwikkelaarsnetwerk is 'n gemeenskapsgedrewe Web-hulpbron wat die beste dokumentasie, tutoriale en gereedskap voorsien aan meer as twee miljoen besoekers maandeliks.

  • 13

    Mozilla werk om die Web te behou en te vertroetel as 'n gedeelde openbare hulpbron tot almal se voordeel.

  • 14

    In 2013 begin Mozilla met Firefox OS om die volle krag van die Web op slimfone beskikbaar te maak en só beheer en keuse te gee aan 'n nuwe generasie van mense aanlyn.

  • 15

    Mozilla se werk word moontlik gemaak danksy tiene duisende vrywilligers wat glo dat die Web oop en toeganklik vir almal moet bly.