'Na Ræ pe tutti

Comme a Ræ a s'espande pe razonze milardi de personn-e e tocca e nòstre vitte in tanti mòddi, a deventa 'na parte inportante pe-a crescita personâ e-o futûro da coletivitæ. E l'é sta Ræ quella ch'a plasma, protezze e promeuve Mozilla: 'na piataforma ch'a dâ òportonitæ, conetivitæ e ispiraçion pe tutti.

Niatri metemmo i nòstri pronçippi into fâ i produti, dando fòrsa a-e comunitæ, insegnado e definindo anbienti pe costruî l'Internet ch'o serve a-o mondo.

St'anno chi a-o Summit de Mozilla, 2,000 personn-e che rapresentan 90 pàizi e 114 lengoe se son visti pe svilupâ e condividde esperiense in sce chi sémmo e cöse poemmo fâ insemme. Chi sotta gh'é 'n ezenpio de prospetive de tutti i cappi do progetto.

Fæto da-i Mozilian

I Mozilian en diversci gruppi de pensatoî, progetatoî, educatoî e hacker che gh'an o fin de portâ avertûa, libertæ e partecipaçion inte l'Internet. O nòstro sfòrso globale o portiâ Firefox OS da l'idea a-i negoççi de telefonin in doî anni, o faiâ 1,600 eventi in tréi meixi pe mostrâ a Ræ, e atro ancon. Niatri festezemmo o nòstro viægio e-o proscima tappa donde aniemmo.

Sostenibilitæ

Insemme a-o nòstro report anoale, te mostremmo o bilancio verificou do 2012. Mozilla o resta ben poxiçionou, ségge finançiaramente che òrganizativamente, pe portâ avanti a nòstra miscion.

A ciù parte di goagni a vegne da riçerca de fonçionalitæ into navegatô Firefox atravèrso tanti partner, incluzo Google, Bing, Yahoo, Yandex, Amazon e eBay. Sto bilancio do 2012 o gh'à goagni da acòrdi comerciali con Google, o nòstro ciù grande motô de riçerca, che into dixembre 2011 o l'à firmou pe esténde de almeno atri tréi anni i acòrdi.

Na gròssa perçentuâ a vegne anche da-i agiutti do pubrico, incluzo donaçioin e sovençioin da privæ comme ti. Queste donaçioin en deuviæ in mòddo diretto pe progetti inportanti comme Webmaker, Open Badges e Mozilla-Knight Open News che partan Mozilla inte de neuve aree de infloensa.